2019ರ ವಿಶ್ವಕಪ್ ಟೂರ್ನಿಯಲ್ಲಿ ಭಾರೀ ನಿರೀಕ್ಷೆಯನ್ನು ಹುಟ್ಟುಹಾಕಿರುವ ಭಾರತ ಮತ್ತು ಪಾಕಿಸ್ತಾನ ನಡುವಿನ ಪಂದ್ಯ ಜೂನ್ 16ರ ಭಾನುವಾರ ಲಂಡನ್ ನಲ್ಲಿ ನಡೆಯುತ್ತಿದ್ದು ಪಂದ್ಯದ ಟಿಕೆಟ್ ಗಳು ಕೆಲವೇ ಗಂಟೆಗಳಲ್ಲಿ ಸೋಲ್ಡ್ ಔಟ್ ಆಗಿದೆ.
ಎರಡು ದೇಶಗಳು ಅಣೇಕ ವರ್ಷಗಳಿದ ದ್ವಿಪಕ್ಷೀಯ ಕ್ರಿಕೆಟ್ ಟೂರ್ನಿಗಳನ್ನು ಆಡದಿರುವುದರಿಂದ ವಿಶ್ವಕಪ್ 2019 ರ ಟೂರ್ನಿಯ ಈ ಪಂದ್ಯ ಅಭಿಮಾನಿಗಳಲ್ಲಿ ಕಾತುರವನ್ನು ಹೆಚ್ಚಿಸಿದೆ. ಇದೇ ಕಾರಣಕ್ಕೆ ಇಂಡೋ, ಪಾಕ್ ಪಂದ್ಯವನ್ನು ನೋಡಬೇಕು ಎಂದು ನಿರ್ಧರಿಸಿರುವ ಹಲವರು ಟಿಕೆಟ್ ಗೆ ಎಷ್ಟೇ ಹಣ ಆದ್ರು ಖರೀಧಿಸಲು ಸಿದ್ಧರಾಗಿದ್ದಾರೆ.
ಪಂದ್ಯ ನಡೆಯುವ ಓಲ್ಡ್ ಟ್ರಾಫೋರ್ಡ್ ಕ್ರೀಡಾಂಗಣದಲ್ಲಿ 20 ಸಾವಿರ ಮಂದಿಗೆ ಆಸನ ವ್ಯವಸ್ಥೆ ಇದ್ದು, ಈಗಾಗಲೇ ಟಿಕೆಟ್ ಮಾರಾಟ ಕೊನೆಗೊಂಡಿದ್ದು ಎಲ್ಲಾ ಟಿಕೆಟ್ ಗಳು ಸೋಲ್ಡ್ ಔಟ್ ಆಗಿವೆ,
ಆದರೆ Viagogo ಎಂಬ ವೆಬ್ ಸೈಟ್ ಅಭಿಮಾನಿಗಳಿಂದ ಟಿಕೆಟ್ ಖರೀದಿ ಮಾಡುತ್ತಿದ್ದು, 60 ಸಾವಿರದ ರೂ. ವರೆಗೂ ಟಿಕೆಟ್ ಖರೀದಿ ಮಾಡಲು ಮುಂದಾಗುತ್ತಿರುವುದು ಅಚ್ಚರಿಗೆ ಕಾರಣವಾಗಿದೆ.
ಸದ್ಯ ಖರೀದಿ ಮಾಡಿರುವ ಟಿಕೆಟ್ ಬೆಲೆ 62,610 ರೂ.ಗಳನ್ನು ನೀಡಿದೆ. ಪ್ಲಾಟಿನಂ ಟಿಕೆಟ್ ಗಳ ಬೆಲೆ 60 ಸಾವಿರವರೆಗೂ ಇದ್ದು ಬ್ರೋನ್ಜ್ ವರ್ಗದ ಟಿಕೆಟ್ ಗಳು 20 ಸಾವಿರ ದಿಂದ ಆರಂಭವಾಗುತ್ತಿದೆ.
ಒಟ್ಟಾರೆ ನಾಳಿನ ಹೈ ಓಲ್ಟೇಜ್ ಪಂದ್ಯಕ್ಕೆ ಇಡೀ ದೆಶವೇ ಎದುರು ನೋಡುತ್ತಿದ್ದು ಇದನ್ನು ಕಣ್ತುಂಬಿಕೊಳ್ಳಲು ಅಭಿಮಾನಿಗಳು ಕಾತುರದಿಂದ ಕಾಯುತ್ತಿದ್ದಾರೆ.