ಹೀಗೂ ಉಂಟಾ.?

ಮಾಲೀಕರಿಲ್ಲದ ಅಂಗಡಿಯಲ್ಲಿ ಗ್ರಾಹಕರೇ ವ್ಯಾಪಾರಿ …ಬೇಕಾಗಿದ್ದು ತಗೋಳಿ ದುಡ್ ಹಾಕಿ ಹೋಗಿ ..!

June 11, 2020

563

ಈಗಂತೂ ಪ್ರತಿ ಅಂಗಡಿಯಲ್ಲಿ ಕಳ್ಳತನವಾಗಬಾರ್ದು ಅಂತ ಏನೆಲ್ಲಾ ಪ್ರಯತ್ನ ಮಾಡ್ತಾರೆ ಅನ್ನೋದು ನಿಮಗೆಲ್ಲಾ ಗೊತ್ತಿರೋ ವಿಷ್ಯಾನೆ..! ಕೆಲವೊಂದು ಅಂಗಡಿಗಳಲ್ಲಿ ಕಳ್ಳತನ ತಡೆಯೋಕಂತಾನೇ ಹೆಚ್ಚು ಯುವಕರನ್ನ ನೇಮಕ ಮಾಡಿಕೊಂಡಿರ್ತಾರೆ. ಇನ್ನೂ ಕೆಲವೊಂದು ಅಂಗಡಿಗಳಲ್ಲಿ ಸಿಸಿ ಕ್ಯಾಮರಾಗಳ ಕಣ್ಗಾವಲು ಇರೋದನ್ನೂ ನೋಡ್ಬೋದು. ಆದ್ರೆ ನಾವ್ ಹೇಳೋಕೊರ್ಟಿರೋ ಅಂಗಡಿಯಲ್ಲಿ ಮಾಲಿಕರೇ ಇಲ್ಲಾ ರೀ..! ಅಲ್ಲಿ ವ್ಯಾಪಾರಕ್ಕೆ ಯಾರನ್ನೂ ನಿಲ್ಲಿಸಿಯೂ ಇಲ್ಲ … ಅಷ್ಟೇ ಅಲ್ಲ ಇಂದಿಗೂ ಈ ಅಂಗಡಿಯಲ್ಲಿ ಕಳ್ಳತನ ಅನ್ನೋದೇ ಆಗಿಲ್ವಂತೆ..! ಆದ್ರೂ ಈ ಅಂಗಡಿಯಲ್ಲಿ ಇಂದಿಗೂ ನ್ಯಾಯಯುತ ಬೆಲೆಯಲ್ಲಿ ವ್ಯಾಪಾರ ನಡೀತಾ ಇದೆ.

ನಿಮಗೆಲ್ಲಾ ಆಶ್ಚರ್ಯವಾಯ್ತಾ..? ಆದ್ರೂ ಅದೇ ವಾಸ್ತವ ನೋಡಿ. ಇಂತಹದೊಂದು ಹಣ್ಣಿನ ಅಂಗಡಿ ಇರೋದು ಮಿಜೋರಾಂನಲ್ಲಿ. ರಾಜಧಾನಿ ಐದ್ವಾಲದಿಂದ ಸುಮಾರು 65 ಕಿ.ಮೀ ದೂರದಲ್ಲಿರೋ ಈ ಹಣ್ಣಿನ ಅಂಗಡಿಯಲ್ಲಿ ಇಂದಿಗೂ ಯಾವೊಬ್ಬ ಮಾಲೀಕನಾಗಲೀ ಅಥವಾ ಕೆಲಸಗಾರನಾಗಲೀ ಇಲ್ಲ. ಇಲ್ಲಿ ವ್ಯಾಪಾರ ಅನ್ನೋದು ಬರೀ ವಿಶ್ವಾಸದಿಂದಲೇ.. ಹೆದ್ದಾರಿ ಬದಿಯಲ್ಲಿರುವ ಈ ಅಂಗಡಿಯಲ್ಲಿ ತರಕಾರಿ ಮತ್ತು ಹಣ್ಣನ್ನು ಮಾರಾಟ ಮಾಡುತ್ತಾರೆ. ಇಲ್ಲಗೆ ಬರೋ ಗ್ರಾಹಕರು ನಿಂತುಕೊಂಡು ವ್ಯಾಪಾರ ಮಾಡುತ್ತಿರಲಿಲ್ಲ ಬದಲಾಗಿ ತಮಗೆ ಬೇಕಾದ ತರಕಾರಿ ಅಥವಾ ಹಣ್ಣನ್ನು ತಾವೇ ಆಯ್ಕೆ ಮಾಡಿಕೊಳ್ಳುತ್ತಾರೆ, ಪ್ರತಿ ಕೆ.ಜಿಗೆ ಇಂತಿಷ್ಟು ಎಂದು ಬೆಲೆಯನ್ನು ಬರೆದಿರಲಾಗಿರುತ್ತದೆ.ದರ ಪ್ರಕಾರವಾಗಿಯೇ ಗ್ರಾಹಕರು ಅಲ್ಲಿರುವ ಬಾಕ್ಸ್‍ಗೆ ಹಣವನ್ನು ಹಾಕಿ ಕೊಳ್ಳುತ್ತಾರೆ. ಇನ್ನೋಂದು ಆಶ್ಚರ್ಯಯಕರ ವಿಷಯ ಅಂದ್ರೆ ಹಣ್ಣು ತರಕಾರಿ ಕೊಂಡ ಗ್ರಾಹಕರು, ಹಣ ಹಾಕಿ ಮತ್ತೊಂದು ಬಾಕ್ಸಸ್ ನಲ್ಲಿ ಚಿಲ್ಲರೆಯನ್ನು ಸರಿಯಾದ ಪ್ರಮಾಣದಲ್ಲಿ ತೆಗೆದುಕೊಳ್ಳುತ್ತಾರೆ.