ಹೀಗೂ ಉಂಟಾ.?

ಮಾಸ್ಕ್ ಹಾಕದವರ ಮುಖಕ್ಕೆ ಮಾಸ್ಕ್ ಬ್ಲಾಸ್ಟ್ ಮಾಡೋಕೆ ಬಂತು ಮಷೀನ್..!

August 19, 2020

158

ಮಾಸ್ಕ್ ಹಾಕದವರ ಮುಖಕ್ಕೆ ಮಾಸ್ಕ್ ಬ್ಲಾಸ್ಟ್ ಮಾಡೋಕೆ ಬಂತು ಮಷೀನ್..!

ಕೊರೋನಾ ಅನ್ನೋ ಮಹಾಮಾರಿ ವಕ್ಕರಿಸಿದ್ದೇ ತಡ… ಫೇಸ್ ಮಾಸ್ಕ್ಗೆ ಡಿಮ್ಯಾಂಡೋ ಡಿಮ್ಯಾಂಡು..! ಒಂಥರಾ ಮಾಸ್ಕ್ ಅನ್ನೋದು ಕಾಮನ್ ಡ್ರಸ್ ಆಗಿ ಬಿಟ್ಟಿದೆ ..! ಮಾಸ್ಕ್ ಧರಿಸಿಕೊಳ್ಳದೆ ಯಾರೂ ಕೂಡ ಆಚೆ ಬರಲ್ಲ.. ಮಾಸ್ಕ್ ಹಾಕದವರನ್ನು ವಿಚಿತ್ರವಾಗಿ ನೋಡಲಾಗುತ್ತೆ..! ಅವರಿಂದ ಹೆಚ್ಚು ಹೆಚ್ಚು ದೂರ ಸರಿಯುತ್ತೀವಿ..! ಇಂಥಾ ಪರಿಸ್ಥಿತಿಯಲ್ಲಿ ಕೆಲವರು ಮಾಸ್ಕ್ ಬಗ್ಗೆ ಕ್ಯಾರೇ ಎನ್ನದೇ ಮಾಸ್ಕ್ ಧರಿಸಬೇಕೆಂಬ ನಿಯಮಕ್ಕೂ ಬೆಲೆ ಕೊಡದೆ ಬೇಕಾ ಬಿಟ್ಟಿ ಓಡಾಡುತ್ತಿದ್ದಾರೆ. ಅಮೆರಿಕಾದಲ್ಲಿ ಒಂದುಷ್ಟು ಮಂದಿ ಮಾಸ್ಕ್ ಪರ, ಇನ್ನೊಂದಷ್ಟು ಮಂದಿ ಮಾಸ್ಕ್ ವಿರೋಧ ಬಣವಾಗಿಯೇ ಬಿಟ್ಟಿದ್ದಾರೆ!

ನಮ್ಮ ಆರೋಗ್ಯದ ದೃಷ್ಟಿಯಿಂದ ಮತ್ತು ಬೇರೆಯವರ ಆರೋಗ್ಯದ ದೃಷ್ಟಿಯಿಂದ ಮಾಸ್ಕ್ ಧರಿಸಬೇಕಿರುವುದು ಅನಿವಾರ್ಯ.. ಸ್ವಲ್ಪ ದಿನಗಳ ಮಟ್ಟಿಗೆ ಮಾಸ್ಕ್ ಕಡ್ಡಾಯ ಧರಿಸುವುದು ಅವಶ್ಯಕ .. ಆದರೆ ಕೆಲವರ ಮೊಂಡುತನಕ್ಕೆ ಏನ್ ಮಾಡಣ ಹೇಳಿ? ಅದಕ್ಕೆ ಒಬ್ಬ ವ್ಯಕ್ತಿ ಮಾಸ್ಕ್ ಬ್ಲಾಸ್ಟ್ ಮಾಡುವ ಯಂತ್ರವನ್ನು ಪರಿಚಯಿಸಿದ್ದಾನೆ..!

ಮಷೀನ್ ಮುಂದೆ ನಿಂತ ವ್ಯಕ್ತಿ 3, 2, 1 ಎಂದು ಎಣಿಸುವಷ್ಟರಲ್ಲಿ ಮಷೀನ್ ಮುಖದ ಮೇಲೆ ಮಾಸ್ಕ್ ಬ್ಲಾಸ್ಟ್ ಮಾಡುತ್ತದೆ ..! ಮುಖಕ್ಕೆ ಅಪ್ಪಳಿಸುವ ಆ ಮಾಸ್ಕ್ ಆತನ ಮುಖದ ಮೇಲೆ ಗಟ್ಟಿಯಾಗಿ, ಸರಿಯಾದ ರೀತಿಯಲ್ಲಿ ಕೂರುತ್ತದೆ..! ಸದ್ಯ ಈ ವಿಡಿಯೋ ಟ್ವಿಟ್ಟರ್ ನಲ್ಲಿ ಸಖತ್ ಸದ್ದು ಮಾಡುತ್ತಿದೆ!
ಮಾಜಿ ಬ್ಯಾಸ್ಕೆಟ್ಬಾಲ್ ಪ್ಲೇಯರ್ ರೆಕ್ಸ್ ಚಾಪ್ಮ್ಯಾನ್ ಅವರು ಈ ವಿಡಿಯೋವನ್ನು ಹಂಚಿಕೊಂಡು, ನಮ್ಮ ಹುಡ್ಗ ಮುಖಕ್ಕೆ ಮಾಸ್ಕ್ ಧರಿಸದೇ ಓಡಾಡುವವರ ಮುಖಕ್ಕೆ ಮಾಸ್ಕ್ ಬ್ಲಾಸ್ಟ್ ಮಾಡುವ ಯಂತ್ರವೊಂದನ್ನು ಕಂಡು ಹಿಡಿದಿದ್ದಾನೆ ಎಂದು ತಿಳಿಸಿದ್ದಾರೆ.

My man invented “The Karenator”. A machine to blast masks onto mask-less people.

Hilarious…????????????pic.twitter.com/bzSsy7vhXy

— Rex Chapman???????? (@RexChapman) August 17, 2020