ಬ್ಯಾಂಕುಗಳಿಗೆ ಸಾಲ ಮರುಪಾವತಿ ಮಾಡದೆ ವಂಚಿಸಿ ಪರಾರಿಯಾಗಿದ್ದ ಉದ್ಯಮಿಯ ಸಾಲವನ್ನು ವಸೂಲಿ ಮಾಡಲು ಈ ಮೂಲಕ ಅವಕಾಶ ಮಾಡಿಕೊಟ್ಟಿದೆ.
ಪಿಎಂಎಲ್ಎ ನ್ಯಾಯಾಲಯ 5,600 ಕೋಟಿ ರೂಪಾಯಿ ಬಾಕಿ ಸಾಲದ ಮೊತ್ತವನ್ನು ಹಿಂಪಡೆಯಲು ವಿಜಯ್ ಮಲ್ಯ ಅವರಿಗೆ ಸೇರಿದ ಕೆಲವು ರಿಯಲ್ ಎಸ್ಟೇಟ್ ಆಸ್ತಿಗಳು ಮತ್ತು ಸೆಕ್ಯೂರಿಟಿಗಳನ್ನು ಮಾರಾಟ ಮಾಡಲು ಬ್ಯಾಂಕುಗಳಿಗೆ ಅನುಮತಿ ನೀಡಿದೆ. ಇದು ಹಿಂದೆ ಜಾರಿ ನಿರ್ದೇಶನಾಲಯದಡಿ ಇತ್ತು ಎಂದು ಪಂಜಾಬ್ ನ್ಯಾಷನಲ್ ಬ್ಯಾಂಕ್ ವಸ್ಥಾಪಕ ನಿರ್ದೇಶಕ, ಮಲ್ಲಿಕಾರ್ಜುನ ರಾವ್ ಹೇಳಿದರು.
“ಈಗ ಪ್ರಮುಖ ಬ್ಯಾಂಕ್ ಆ ಆಸ್ತಿಗಳನ್ನು ಮಾರಾಟ ಮಾಡುತ್ತದೆ. ಕಿಂಗ್ಫಿಶರ್ನಲ್ಲಿ ಪಿಎನ್ಬಿಗೆ ಹೆಚ್ಚಿನ ಸಾಲದ ಮಾನ್ಯತೆ ಇಲ್ಲ. ಆದರೆ ಒಮ್ಮೆ ಪ್ರಮುಖ ಬ್ಯಾಂಕ್ ಕಾರ್ಯತತ್ಪರವಾದರೆ ನಮ್ಮ ಪಾಲನ್ನು ನಾವು ಪಡೆಯುತ್ತೇವೆ” ಎಂದು ರಾವ್ ಹೇಳಿದರು.
“ಈಗ ಪ್ರಮುಖ ಬ್ಯಾಂಕ್ ಆ ಆಸ್ತಿಗಳನ್ನು ಮಾರಾಟ ಮಾಡುತ್ತದೆ. ಕಿಂಗ್ಫಿಶರ್ನಲ್ಲಿ ಪಿಎನ್ಬಿಗೆ ಹೆಚ್ಚಿನ ಸಾಲದ ಮಾನ್ಯತೆ ಇಲ್ಲ. ಆದರೆ ಒಮ್ಮೆ ಪ್ರಮುಖ ಬ್ಯಾಂಕ್ ಕಾರ್ಯತತ್ಪರವಾದರೆ ನಮ್ಮ ಪಾಲನ್ನು ನಾವು ಪಡೆಯುತ್ತೇವೆ” ಎಂದು ರಾವ್ ಹೇಳಿದರು.
ಮಲ್ಯ ತನ್ನ ಕಿಂಗ್ಫಿಶರ್ ಏರ್ಲೈನ್ಸ್ ಸಾಲವನ್ನು ಒಳಗೊಂಡು 9,000 ಕೋಟಿಗೂ ಅಧಿಕ ಬ್ಯಾಂಕ್ ಸಾಲ ಬಾಕಿ ಪ್ರಕರಣದಲ್ಲಿ ಆರೋಪಿಯಾಗಿದ್ದಾರೆ. ಅವರೀಗ ಪ್ರಸ್ತುತ ಯುನೈಟೆಡ್ ಕಿಂಗ್ಡಂನಲ್ಲಿದ್ದಾರೆ. ಮಲ್ಯ ಅವರನ್ನು ಪರಾರಿಯಾದ ಆರ್ಥಿಕ ಅಪರಾಧಿ ಎಂದು 2019 ರ ಜನವರಿಯಲ್ಲಿ ಮುಂಬೈನ ವಿಶೇಷ ನ್ಯಾಯಾಲಯ ಘೋಷಿಸಿದೆ.
2013 ರಲ್ಲಿ ಕಿಂಗ್ಫಿಶರ್ನ ನಷ್ಟಕ್ಕೆ ಸಂಬಂಧಿಸಿ ಬ್ಯಾಂಕುಗಳ ಒಕ್ಕೂಟಕ್ಕೆ ಒಂದು ಶತಕೋಟಿ ಡಾಲರ್ಗಿಂತ ಹೆಚ್ಚಿನ ವಂಚನೆ ಮಾಡಲಾಗಿದೆ ಎಂಬ ಆರೋಪ ವಿಜಯ್ ಮಲ್ಯ ಅವರ ಮೇಲಿದೆ. ಈ ಪ್ರಕರಣಕ್ಕೆ ಸಂಬಂಧಿಸಿದತೆ ಅವರನ್ನು ಭಾರತಕ್ಕೆ ಹಸ್ತಾಂತರಿಸುವಂತೆ ಸರ್ಕಾರ ಪ್ರಯತ್ನಿಸುತ್ತಿದೆ. ಆದರೆ ಸರಕಾರದ ವಿರುದ್ಧ ಹೋರಾಡಲು 65 ವರ್ಷ ವಯಸ್ಸಿನ ವಿಜಯ್ ಮಲ್ಯ ಲಭ್ಯವಿರುವ ಎಲ್ಲ ಕಾನೂನು ಕಾರ್ಯವಿಧಾನಗಳನ್ನು ಬಳಸಿಕೊಂಡಿದ್ದಾರೆ.
