ಹೊಸ ವರ್ಷದ ಸಂಭ್ರಮಕ್ಕೆ ಹೋಟೇಲ್, ಬಾರ್ & ರೆಸ್ಟೋರೆಂಟ್ ಗಳ ಅವಧಿಯ ವಿಸ್ತರಣೆ
ನಾಳೆ ರಾತ್ರಿ ಹೊಸ ವರ್ಷವನ್ನ ಬರ ಮಾಡಿಕೊಳ್ಳಲು ಜನತೆ ಸಿದ್ದವಾಗಿದ್ದಾರೆ.. ಹೀಗಾಗೆ ಬೆಂಗಳೂರು ನಗರದ ಹೊಟೇಲ್ ಗಳು, ಬಾರ್ ಹಾಗು ರೆಸ್ಟೋರೆಂಟ್ ಅವಧಿಯನ್ನ ಮಧ್ಯರಾತ್ರಿ 2 ಗಂಟೆ ತನಕ ವಿಸ್ತರಿಸಿ ಆದೇಶ ಹೊರಡಿಸಲಾಗಿದೆ.. ನಗರ ಪೊಲೀಸ್ ಆಯುಕ್ತರಾದ ಟಿ.ಸುನೀಲ್ ಕುಮಾರ್ ಈ ಬಗ್ಗೆ ಆದೇಶವನ್ನ ಹೊರಡಿಸಿದ್ದು, ಹೋಟೆಲ್, ಬಾರ್ ಮತ್ತು ರೆಸ್ಟೊರೆಂಟ್ ಸಮಯವನ್ನ ರಾತ್ರಿ 2 ಗಂಟೆ ತನಕ ಕಾರ್ಯ ನಿರ್ವಹಿಸಲು ಅನುಮತಿ ನೀಡಲಾಗಿದೆ..
ಸಿಎಲ್-2 ಹೊರತುಪಡಿಸಿ ಉಳಿದೆಲ್ಲಾ ಹೋಟೆಲ್, ಬಾರ್ ಮತ್ತು ರೆಸ್ಟೋರೆಂಟ್ಗಳು ಪೊಲೀಸರ ಅನುಮತಿ ಪಡೆಯಬೇಕು ಎಂದು ತಿಳಿಸಿದ್ದು, ಹೊಸ ವರ್ಷದ ಸಂಭ್ರಮದಲ್ಲಿ ಅಹಿತಕರ ಘಟನೆ ನಡೆದರೆ ಅದಕ್ಕೆ ಮಾಲೀಕರೆ ನೇರ ಹೊಣೆ ಆಗುತ್ತಾರೆ ಎಂದು ಸಹ ಸ್ಪಷ್ಟಪಡೆಸಿದ್ದಾರೆ..
