ನಾಸಾ ಆಫರ್! 70 ದಿನ ಮಲಗಿದ್ದರೆ 12.17ಲಕ್ಷ!

ಇಲ್ಲೊಂದು ಸಿಹಿ ಸುದ್ದಿ. ಸತತ 70 ದಿನಗಳ ವರೆಗೆ ಹಾಸಿಗೆಯಲ್ಲೇ ಮಲಗಿ ಬಿಂದಾಸ್ ಆಗಿ ನಿದ್ರೆಯಲ್ಲಿ ಮುಳುಗೇಳ್ತಾ ಆರಾಮಾವಾಗಿ ಇರಬಹುದು. ಹಾಗೆ ಮಾಡ್ತಾನೇ ಹಣವನ್ನೂ ಸಂಪಾದಿಸಬಹುದು. ಅರೆ ಇದ್ಯಾವುದಪ್ಪಾ ಇಷ್ಟು ಮಜವಾದ ಆಫರ್‌ ಎಲ್ಲಿದೆ ಅಂತ ಕೇಳ್ತಿದೀರಾ. ವಿವರ ಇಲ್ಲಿದೆ. ಬಾಹ್ಯಾಕಾಶಯಾನದ ಅವಧಿಯಲ್ಲಿ ಗಗನಯಾತ್ರಿಗಳ ಸುರಕ್ಷತೆ ಮತ್ತು ಉತ್ತಮ ಆರೋಗ್ಯದ ಮೇಲಿನ ಪರಿಣಾಮಗಳನ್ನು ಅಧ್ಯಯನ ಮಾಡುವ ಸಲುವಾಗಿ ಬಾಹ್ಯಾಕಾಶ ಸಂಸ್ಥೆ ಈ ಅಧ್ಯಯನ ನಡೆಸುತ್ತಿದೆ.
ಈ ಅಧ್ಯಯನದ ಗಿನಿಪಿಗ್‌ ನೀವಾಗಬೇಕು ಅನ್ನಿಸಿದ್ರೆ ಕೆಲವು ಷರತ್ತುಗಳಿವೆ ಅವುಗಳನ್ನ ತಪ್ಪದೇ ಪಾಲಿಸಬೇಕು. ಎನಂತೀರಾ ವಿವರಗಳು ಇಲ್ಲಿವೆ. ಇಲ್ಲಿ ಸ್ವಯಂಸೇವಕರ ತಂಡಗಳನ್ನು 2 ಭಾಗಗಳಾಗಿ ವಿಭಜಿಸಲಾಗುತ್ತದೆ. ಸದಾ ಮಲಗಿಯೇ ಇರಬೇಕಾದ ಈ ಪ್ರಯೋಗದಲ್ಲೊ ಒಂದ ತಂಡಕ್ಕೆ ವ್ಯಾಯಾಮ ಮಾಡೋ ಅನುಕೂಲವಿದ್ದರೆ ಮತ್ತೊಂದು ತಂಡಕ್ಕೆ ಆ ಅನುಕೂಲವಿಲ್ಲ. ಮಲಗಿದಲ್ಲಿಯೇ ಪುಸ್ತಕ ಓದಬಹುದು, ಇಂಟರ್ ನೆಟ್ನಲ್ಲಿ ಬ್ರೌಸ್‌ ಮಾಡಬಹುದು, ಸ್ಕೈಪ್ ಮಾಡಬಹುದು. ಇನ್ನು ಹೃದಯ, ಮೂಳೆ, ಸ್ನಾಯು, ನರ, ರಕ್ತಪರಿಚಲನಾ ಸೇರಿದಂತೆ ವಿವಿಧ ರೀತಿಯ ವೈದ್ಯಕೀಯ ಪರೀಕ್ಷೆಗಳು ನಡೆಸಲಾಗುತ್ತೆ. ಇದೆಲ್ಲದರಲ್ಲಿ ಯಶಸ್ವಿ ಕಂಡವರಿಗೆ ನಾಸಾದಿಂದ 12.17ಲಕ್ಷ ಸಿಗುತ್ತದೆ ಅಂತೆ.