ಇದೇ ನೋಡಿ ವಿಶ್ವದ ಅತೀ ಸುಂದರ ನದಿ ..!

ಈ ಜಗತ್ತು ಹತ್ತಾರು ಅಚ್ಚರಿಗಳನ್ನು ತನ್ನೊಡಲಲ್ಲಿಟ್ಟುಕೊಂಡಿದೆ. ವಿಭಿನ್ನ ಜೀವ ಸಂಕುಲವನ್ನು ಹೊಂದಿದೆ. ಇಡೀ ಸೌರಮಂಡಲದಲ್ಲಿ ಇಲ್ಲದಷ್ಟು ವಿಭಿನ್ನತೆಯನ್ನು ಹೊಂದಿದೆ. ಹತ್ತಾರು ರಹಸ್ಯಗಳನ್ನು ಉಳಿಸಿಕೊಂಡಿದೆ. ಅವುಗಳಲ್ಲೊಂದು ಪ್ರಪಂಚದ ಅತ್ಯಂತ ಸುಂದರವಾದ ನದಿ..! ವಿಶೇಷವೆಂದರೆ ಅದಕ್ಕೆ ಪಂಚರಂಗಿ ನದಿ ಎಂದೂ ಕರೆಯುತ್ತಾರೆ. ಈ ನದಿಯು ತನ್ನ ಸೌಂದರ್ಯವನ್ನು ವರ್ಣಿಸಲು ಸಾಧ್ಯವಾಗದಷ್ಟು ಸೌಂದರ್ಯತೆಯನ್ನು ಹೊಂದಿದೆ.
ನೀಲಿ, ಕೆಂಪು, ಹಸಿರು, ಗುಲಾಬಿ, ಹಳದಿ ಬಣ್ಣಗಳಿಂದ ಕೂಡಿದ ಈ ನದಿ ಜಗತ್ತಿನ ಅತ್ಯಂತ ಸುಂದರ ನದಿ ಎಂಬ ಖ್ಯಾತಿಯನ್ನು ಪಡೆದಿದೆ. ಕ್ರಿಸ್ಟಲ್ ಎಂಬ ಹೆಸರಿನ ಈ ನದಿ ಕೊಲಂಬಿಯಾ ದೇಶದಲ್ಲಿ ಹರಿಯುತ್ತದೆ. ಈ ನದಿಯ ಸೌಂದರ್ಯದ ಎದುರು ಎಲ್ಲಾ ಬಣ್ಣಗಳು ನಿಮಗೆ ಅದ್ಭುತವಾಗಿ ಕಾಣಿಸುತ್ತದೆ. ಈ ನದಿಯ ಸುತ್ತ ಮುತ್ತ ಬೆಳೆಯುವ ವಿವಿಧ ಹೂವುಗಳಿಂದಾಗಿ ಈ ನದಿಗೆ ಐದು ಬಣ್ಣಗಳು ಬರುತ್ತವೆ. ಈ ಹೂವುಗಳು ಎಲ್ಲಾ ಕಾಲದಲ್ಲೂ ಅರಳುತ್ತಿರುವುದರಿಂದ ಈ ನದಿ ವಿವಿಧ ಬಣ್ಣಗಳಿಂದ ಕಂಗೊಳಿಸುತ್ತಾ ನೋಡುಗರನ್ನು ಸೆಳೆಯುತ್ತದೆ.

ಈ ನದಿಯಲ್ಲಿ ಬೆಳೆಯುವ ಹೂವುಗಳು ನೀರಿನ ಅರ್ಧ ಒಳಗೆ ಹಾಗೂ ಅರ್ಧ ಹೊರಗಡೆ ಕಾಣಿಸಿಕೊಳ್ಳುತ್ತದೆ. ಇದರಿಂದಾಗಿ ನದಿಗೆ ವಿವಿಧ ಬಣ್ಣ ಹೊಂದಲು ಸಾಧ್ಯವಾಗುತ್ತದೆ. ಈ ನದಿ ಕೇವಲ ತನ್ನ ಸೌಂದರ್ಯದಿಂದ ಮಾತ್ರ ಗಮನ ಸೆಳೆದಿಲ್ಲ. ಬದಲಿಗೆ ನೀರಿನಿಂದ ಹೊರಹೊಮ್ಮುವ ವಿಭಿನ್ನ ಸುಗಂಧದಿಂದಲೂ ಪ್ರವಾಸಿಗರನ್ನು ಸೆಳೆಯುತ್ತಿದೆ.
ಕ್ರಿಸ್ಟಲ್ ನದಿಯ ಸಂಪೂರ್ಣ ಸೌಂದರ್ಯವನ್ನು ಮಳೆಗಾಲದ ನಂತರ ನೋಡಬಹುದು. ಸೂರ್ಯನ ಕಿರಣಗಳು ಈ ನೀರಿನ ಮೇಲೆ ಬಿದ್ದಾಗ ಕಾಮನಬಿಲ್ಲಿನ ವಿವಿಧ ಬಣ್ಣಗಳು ಮೇಲೆ ಬರುವಂತೆ ಕಾಣುತ್ತದೆ. ಆದ್ದರಿಂದ ಕೊಲಂಬಿಯಾಗೆ ಬರುವ ಹೆಚ್ಚಿನ ಪ್ರವಾಸಿಗರು ವಿಶ್ವದ ಅತಿ ಸುಂದರ ನದಿಯ ಮೋಹಕ ಸೌಂದರ್ಯವನ್ನು ಕಣ್ತುಂಬಿಕೊಂಡೇ ಹೋಗುತ್ತಾರೆ.