ವಿಶ್ವದ ಏಳು ಆಧುನಿಕ ಅದ್ಭುತಗಳಲ್ಲಿ ಒಂದು ತಾಜ್ ಮಹಲ್. ದೆಹಲಿಯ ಯುಮನೆಯ ತಟದಲ್ಲಿರುವ ಈ ಭವ್ಯ ಮಹಲ್ ನೋಡೋದೆ ಕಣ್ಣಿಗೆ ಹಬ್ಬ. ತನ್ನ ಪ್ರೀತಿಯ ಮಡದಿ ಮುಮ್ತಾಜ್ ಗಾಗಿ ಷಹಜಹಾನ್ ನಿರ್ಮಿಸಿದ ಈ ಭವ್ಯ ಸೌಧ ಇಂದು ಪ್ರೀತಿಯ ದ್ಯೋತಕವಾಗಿದೆ. ಪ್ರೇಮಿಗಳ ಪಾಲಿನ ದೇವಾಲಯವಾಗಿದೆ.
ತಾಜ್ ಮಹಲ್ ಗೆ ತಾಜ್ ಮಹಲೇ ಸರಿಸಾಟಿ.
ಇಂತಹ ತಾಜ್ ಮಹಲ್ ನ ಹಲವಾರು ಭವ್ಯವಾದ ಪ್ರತಿಕೃತಿಗಳು ತಮ್ಮದೇ ಆದ ರೀತಿಯಲ್ಲಿ ಅದ್ಭುತಗಳಾಗಿದ್ದು, ಎಲ್ಲರ ಸೆಳೆಯುತ್ತಿವೆ.
ಇಂತಹ ಪ್ರತಿಕೃತಿಗಳಲ್ಲಿ ಬೀಬೀ ಕಾ ಮಕ್ಬರಾ ಕೂಡ ಒಂದು. ಬೀಬಿ ಕಾ ಮಕ್ಬರಾ,, ತಾಜ್ ಮಹಲ್ ನ ಅದ್ಭುತ ಪ್ರತಿಕೃತಿ. ಈ ಮೇರುಕೃತಿಯು ತನ್ನದೇ ಅದ ಅದ್ಭುತ ಕಲಾತ್ಮಕತೆಯನ್ನು ಪ್ರದರ್ಶಿಸುತ್ತಾ, ಎಲ್ಲರ ಆಕರ್ಷಿಸುತ್ತಲಿದೆ.
ಬೀಬಿ ಕಾ ಮಕ್ಬರಾ ಹದಿನೇಳನೇ ಶತಮಾನದಲ್ಲಿ ನಿರ್ಮಾಣವಾಗಿತ್ತು. ಔರಂಗಜೇಬನು ತನ್ನ ಮೊದಲ ಪತ್ನಿ ದಿಲ್ರಾಸ್ ಬಾನು ಬೇಗಂನ ಪ್ರೀತಿಯ ನೆನಪಿಗಾಗಿ ನಿರ್ಮಿಸಲಾದ ಸಮಾಧಿಯಾಗಿದೆ. ತಾಜ್ಮಹಲ್ನ ಈ ಅದ್ಭುತ ಪ್ರತಿಕೃತಿ ಔರಂಗಾಬಾದ್ನಲ್ಲಿ ಹೆಚ್ಚು ಭೇಟಿ ನೀಡುವ ಸ್ಥಳಗಳಲ್ಲಿ ಒಂದಾಗಿದೆ. ಅದರ ವಾಸ್ತುಶಿಲ್ಪದ ಸೌಂದರ್ಯ ಮತ್ತು ಐತಿಹಾಸಿಕ ಮಹತ್ವದಿಂದಾಗಿ ಖಂಡಿತವಾಗಿಯೂ ಪ್ರವಾಸಿಗರನ್ನು ಸೆಳೆಯುತ್ತದೆ.
ಬೀಬಿ ಕಾ ಮಕ್ಬರಾ ತಾಜ್ ಮಹಲ್ ನ ಪ್ರತಿಬಿಂಬವಾಗಿದೆ ಇದನ್ನು ವಾಸ್ತುಶಿಲ್ಪಿ ಉಸ್ತಾದ್ ಅಹ್ಮದ್ ಲಹೌರಿಯವರ ಪುತ್ರ ಅಟಾ ಉಲ್ಲಾ ನಿರ್ಮಿಸಿದ್ದಾರೆ. ಇವರೇ ಪ್ರೀತಿಯ ಸ್ಮಾರಕ
ತಾಜ್ ಮಹಲ್ ನಿರ್ಮಾಣದ ಹಿಂದಿನ ಸೂತ್ರಧಾರಿ ಎಂದು ನಂಬಲಾಗಿದೆ. ಮಹಾರಾಷ್ಟ್ರದ ಔರಂಗಾಬಾದ್ ಜಿಲ್ಲೆಯಲ್ಲಿ ಶಾಂತಿಯುತವಾಗಿ ನೆಲೆಗೊಂಡಿರುವ ಬೀಬಿ ಕಾ ಮಕ್ಬರಾ ಇಂದು ಮೊಘಲ್ ವಾಸ್ತುಶಿಲ್ಪದ ಶೈಲಿಯಲ್ಲಿ ಮಾಡಿದ ಅದ್ಭುತ ವಿನ್ಯಾಸಗಳು ಮತ್ತು ಮಾದರಿಗಳಿಂದಾಗಿ ಬಹಳ ಮಹತ್ವದ್ದಾಗಿದೆ.
ತಾಜ್ಮಹಲ್ನೊಂದಿಗೆ ಹೋಲುವ ವೈಶಿಷ್ಟ್ಯಗಳಿಂದಾಗಿ, ಇದನ್ನು ಡೆಕ್ಕನ್ನ ತಾಜ್ ಎಂದೂ ಕರೆಯುತ್ತಾರೆ. ಈ ಮಿನಿ ತಾಜ್ಮಹಲ್ಗೆ ಪ್ರತಿನಿತ್ಯವೂ ಸಾವಿರಾರು ಮಂದಿ ಭೇಟಿ ನೀಡಿ ಅದರ ಅಖಂಡ ಸೌಂದರ್ಯವನ್ನು ಶ್ಲಾಘಿಸುತ್ತಾರೆ.
ಬೀಬಿ ಕಾ ಮಕ್ಬರಾದ ಹಿರಿಮೆ ಅದರ ರಚನಾತ್ಮಕ ಕೆತ್ತನೆ ಮತ್ತು ವಾಸ್ತುಶಿಲ್ಪ ಶೈಲಿಯಲ್ಲಿದೆ ಅಂದರೆ ತಪ್ಪಾಗಲಾರದು. ವರ್ಣರಂಜಿತ ಉದ್ಯಾನವನದ ಸುತ್ತಲೂ ಮತ್ತು ಎತ್ತರದ ಚದರ ವೇದಿಕೆಯಲ್ಲಿ ಸ್ಥಾಪಿಸಲಾದ ಬೀಬಿ ಕಾ ಮಕ್ಬರಾ ನಾಲ್ಕು ಮೂಲೆಗಳನ್ನು ಹೊಂದಿದೆ. ಒಳಾಂಗಣ ವಿನ್ಯಾಸಗಳು ಮತ್ತು ಮಾದರಿಗಳಿಗೆ ಸಂಬಂಧಿಸಿದಂತೆ, ಈ ತಾಜ್ ಆಫ್ ಡೆಕ್ಕನ್ ತಾಜ್ ಮಹಲ್ ನ ಒಟ್ಟಾರೆ ಸ್ವರೂಪವನ್ನು ಅನುಕರಿಸುವುದು.
ಸೀಲಿಂಗ್ ಮತ್ತು ಕಿಟಕಿ ಚೌಕಟ್ಟುಗಳಲ್ಲಿನ ರೇಖಾಚಿತ್ರಗಳು ತಾಜ್ ಮಹಲ್ ಗಿಂತ ಭಿನ್ನ ವಾಗಿದ್ದು, ಪ್ರವಾಸಿಗರಿಗೆ ಇನ್ನೂ ಆಕರ್ಷಕವಾಗಿವೆ. ಒಂದೆಡೆ, ಈ ಐತಿಹಾಸಿಕ ಸ್ಮಾರಕದ ಸುತ್ತಲಿನ ಶಾಂತಿಯುತ ಉದ್ಯಾನಗಳ ಮಧ್ಯೆ ನೀವು ವಿಶ್ರಾಂತಿ ಪಡೆಯಬಹುದು ಮತ್ತು ಮತ್ತೊಂದೆಡೆ, 17 ನೇ ಶತಮಾನದ ವಾಸ್ತುಶಿಲ್ಪದ ಸೌಂದರ್ಯವನ್ನು ಬೀಬಿ ಕಾ ಮಕ್ಬರಾ ಮೂಲಕ ನೀವು ಅನ್ವೇಷಿಸಬಹುದು.
