ಆರ್.ಸಿ.ಬಿ ಗೆದ್ದೇ ಗೆಲ್ಲುತ್ತೆ..!? ಐಪಿಎಲ್ ಮ್ಯಾಚ್ `ಫಿಕ್ಸ್ ಆಗಿದೆಯಾ..!?

ಇವತ್ತು ಆರ್.ಸಿ.ಬಿ ಗೆ ಮಾಡು ಇಲ್ಲವೇ ಮಡಿ ಪಂದ್ಯ. ಮಾಡಿದರೆ ಕಪ್ ಗೆಲ್ಲುವ ಆಸೆ ಜೀವಂತವಾಗಿರುತ್ತದೆ. ಮಡಿದರೆ ಖೇಲ್ ಖತಂ. ಆದರೆ ಈಗಾಗಲೇ ಟೀಂನಿಂದ ಔಟಾಗಿರುವ ಪಂಜಾಬ್ ಮೈಚಳಿಬಿಟ್ಟು ಆಡುವುದರಲ್ಲಿ ಸಂಶಯವಿಲ್ಲ. ಅದರಲ್ಲೂ ಆರ್.ಸಿ.ಬಿ ಯನ್ನು ಡ್ಯಾಮೇಜ್ ಮಾಡಲು ಬೇಕಾದ ರಣತಂತ್ರಗಳಲ್ಲಿ ತೊಡಗಿದೆ. ಕ್ರೀಡಾಪ್ರೇಮಿಗಳು ಹೀಗೆಲ್ಲಾ ಭಾವಿಸುತ್ತಿದ್ದಾರೆ. ಆದರೆ ಬೆಂಗಳೂರು ಫೈನಲ್ ಗೆ ಹೋಗಲೇಬೇಕು ಎಂಬ ಒಳ ಒಪ್ಪಂದ ನಡೆದಿದೆ ಎನ್ನಲಾಗುತ್ತಿದೆ. ಫೈನಲ್ ಪಂದ್ಯ ಬೆಂಗಳೂರಿನಲ್ಲಿರುವುದರಿಂದ, ಜೊತೆಗೆ ಬೆಂಗಳೂರಿನ ಆಟಗಾರರು ಕೊಡುವಷ್ಟು ಮನರಂಜನೆಯನ್ನು ಯಾರೂ ಕೊಡುತ್ತಿಲ್ಲವಾದ್ದರಿಂದ- ಬಿಸಿನೆಸ್ ಲೆಕ್ಕಾಚಾರದಲ್ಲಿರುವ ಆಡಳಿತ ಮಂಡಳಿಯ ಪ್ರಮುಖರು ಮ್ಯಾಚ್ ಫಿಕ್ಸ್ ಮಾಡಿಕೊಂಡಿದ್ದಾರೆ ಎಂದು ಬಲ್ಲಮೂಲಗಳಿಂದ ಮಾಹಿತಿ ಸೋರಿಕೆಯಾಗಿದೆ. ಇವು ಎಷ್ಟು ನಿಜವೋ..? ಸುಳ್ಳೋ..? ಗೊತ್ತಿಲ್ಲ. ಆದರೆ ಆರ್.ಸಿ.ಬಿ ಯಿಂದ ಸಿಕ್ಕಾಪಟ್ಟೆ ಬಿಸಿನೆಸ್ ಆಗುತ್ತೇ ಅನ್ನೋದು ಮಾತ್ರ ದಿಟ. ಕೋಹ್ಲಿ, ಗೇಲ್, ವಿಲಿಯರ್ಸ್, ವ್ಯಾಟ್ಸನ್- ಇವರಲ್ಲಿ ಯಾರಾದರಿಬ್ಬರು ಸ್ಕ್ರೀಸ್ ನಲ್ಲಿ ಕಚ್ಚಿಕೊಂಡರೇ ಸಾಕು, ಗುಡುಗು, ಸಿಡಿಲಿನದ್ದೇ ಆರ್ಭಟ. ಇದು ಗೊತ್ತಿರುವ ಹಕೀಕತ್ತಾಗಿರುವುದರಿಂದ ಮೂರ್ನಾಲ್ಕು ಮ್ಯಾಚ್ ಫಿಕ್ಸ್ ಆಗಿದೆ ಎನ್ನಲಾಗುತ್ತಿದೆ. ಹಿಂದಿನ ಒಂದೆರಡು ಮ್ಯಾಚ್ ಗಳೂ ಫಿಕ್ಸ್ ಆಗಿವೆ ಎಂದೂ ಹೇಳಲಾಗುತ್ತಿದೆ. ಬಲಿಷ್ಠ ಬೌಲಿಂಗ್ ಪಡೆಯಿದ್ದ ಗುಜರಾತ್ ಲಯನ್ಸ್ ಮೇಲೆ ಆರ್.ಸಿ.ಬಿ 248 ಸಿಡಿಸಿತ್ತು. ಆದರೆ ಆರ್.ಸಿ.ಬಿಯ ದುರ್ಬಲ ಬೌಲಿಂಗ್ ವಿರುದ್ಧ ಗುಜರಾತ್ ಸಿಂಹಗಳು 140ಕ್ಕೆ ಕುಸಿದಿದ್ದರು. ಇದು ಹಲವರ ಸಂಶಯಕ್ಕೆ ಕಾರಣವಾಗಿದೆ.