ಸೈನಾ ಸಾಧನೆಗೆ ಕಾರಣ ಕೊಹ್ಲಿಯಂತೆ.. ಅದ್ಹೇಗೆ…?

ಆಸ್ಟ್ರೇಲಿಯನ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯನ್ನ ಗೆದ್ದು ಹೊಸ ಇತಿಹಾಸವನ್ನ ನಿರ್ಮಿಸಿರೋ ಸೈನಾ ನೆಹ್ವಾಲ್ ಬ್ಯಾಡ್ಮಿಂಟನ್ ಲೋಕದಲ್ಲಿ ಹೊಸ ಶಕೆ ಆರಂಭಿಸಿದ ಆಟಗಾರ್ತಿ. ಭಾರತದ ಹೆಮ್ಮೆಯ ಬ್ಯಾಡ್ಮಿಂಟನ್ ತಾರೆ..ಸೈನಾ ಆಸ್ಟ್ರೇಲಿಯಾ ಓಪನ್ ಕಿರೀಟವನ್ನ 2ನೇ ಬಾರಿಗೆ ಮುಡಿಗೇರಿಸಿಕೊಳ್ಳೋ ಮೂಲಕ ಮತ್ತೊಂದು ಸಾಧನೆ ಮಾಡಿದ್ದಾರೆ.
ಮುತ್ತಿನ ನಗರಿಯ ಬೆಡಗಿಯ ಸಾಧನೆಗೆ ಕಾರಣವಾಗಿದ್ದು ವಿರಾಟ್ ಕೊಹ್ಲಿಯಂತೆ. ಹೌದು ಟೀಂ ಇಂಡಿಯಾದ ಟೆಸ್ಟ್ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಸೈನಾ ಗೆ ಸ್ಪೂರ್ತಿಯಂತೆ. ವಿರಾಟ್ ಕೊಹ್ಲಿ ಮೈದಾನದಲ್ಲಿ ತೋರೋಅಗ್ರೇಸ್ಸಿವ್ ನೆಸ್, ಎದುರಾಳಿ ತಂಡವನ್ನ ತನ್ನ ಆಕ್ರಮಣಕಾರಿ ಮನೋಭಾವದಿಂದ ಕಟ್ಟು ಹಾಕೋ ಚಾಣಾಕ್ಷತನವನ್ನ ಸೈನಾ ತಮ್ಮ ಆಟದಲ್ಲೂ ರೂಢಿಸಿಕೊಂಡಿದ್ದಾರಂತೆ.
ವಿಶ್ವ ರ್ಯಾಕಿಂಗ್ ನಲ್ಲಿ ನಂ 1 ಪಟ್ಟ ಅಲಂಕರಿಸಿದ್ದ ಹೈದ್ರಾಬಾದ್ ಹುಡುಗಿ ಚೀನಾದ ಸನ್ ಯು ರನ್ನ ಸೋಲಿಸಿ ಆಸ್ಟ್ರೇಲಿಯನ್ ಓಪನ್ ಸೂಪರ್ ಸೀರಿಸ್ ನಲ್ಲಿ ಗೆಲುವು ಸಾಧಿಸಿ ಮತ್ತೊಂದು ಸಾಧನೆ ಮಾಡಿದ್ದಾರೆ. ಸೈನಾ ಈ ಸಾಧನೆಗೆ ವಿರಾಟ್ ಕೊಹ್ಲಿ ಟ್ವಿಟರ್ ನಲ್ಲಿ ಶುಭಾಶಯವನ್ನ ಹೇಳಿದ್ದಾರೆ.
ವಿರಾಟ್ ಕೊಹ್ಲಿ ಹಲವು ಆಟಗಾರರಿಗೆ ಸ್ಫೂರ್ತಿಯಾಗಿದ್ದಾರೆ. ಕ್ರಿಕೆಟ್ ಇರಬಹುದು ಇಲ್ಲಾ ಇತರೇ ಆಟವೇ ಆಗಿರಬಹುದು. ವಿರಾಟ್ ಕೊಹ್ಲಿಯನ್ನ ಅನುಸರಿಸುವವರು ಬಹಳ ಮಂದಿ ಇದ್ದಾರೆ. ಆಸೀಸ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಿ ಗೆದ್ದ ಸೈನಾ ಕೊಹ್ಲಿಯ ಅಪ್ಪಟ ಅಭಿಮಾನಿಯೂ ಹೌದು.