ರಜನಿಕಾಂತ್ ಹಾಲಿವುಡ್ ಸೀಕ್ರೆಟ್ ಬಗ್ಗೆ ಯಾರಿಗೂ ಗೊತ್ತಿಲ್ಲದ ಒಂದು ವಿಷಯ..!

ರಜನಿಕಾಂತ್, ಸೂಪರ್ ಸ್ಟಾರ್ ರಜನಿ ಅಥವಾ ಥಲೈವ,ಹೀಗೆ ಹಲವು ಬಿರುದುಗಳನ್ನು ಹೊಂದಿರೋ ಒಂದು ಅದ್ಭುತ ವ್ಯಕ್ತಿ ಸೂಪರ್ ಸ್ಟಾರ್ ರಜನಿಕಾಂತ್. ಒಬ್ಬ ಕಥಾ ನಾಯಕ,ತನ್ನ ಬಗ್ಗೆ ಕಥೆಗಳನ್ನು ಬರೆಯುತ್ತಲೇ, ಅವುಗಳನ್ನು ನಮಗೆಲ್ಲಾ ತಿಳಿಸುತ್ತಾ ತನ್ನ ಜೀವನ ಕಳೆಯುತ್ತಿದ್ದಾರೆ. ಇವರ ಬಗ್ಗೆ ಇನ್ನೂ ಒಂದು ಇಂಟರೆಸ್ಟಿಂಗ್ ವಿಷ್ಯವಿದೆ ,ಇದಿನ್ನೂ ಜನ ಸಾಮಾನ್ಯರ ದೃಷ್ಟಿಗೆ ಬಿದ್ದೇ ಇಲ್ಲ. ಅದೇನು ಗೊತ್ತಾ???
ರಜನಿಯವರು,ಹಾಲಿವುಡ್ ಸಿನಿಮಾದಲ್ಲಿ ನಟಿಸಿರುವುದು ಹಲವರಿಗೆ ಗೊತ್ತಿಲ್ಲದ ವಿಚಾರ.1988 ರಲ್ಲಿ ಇವರು ಬ್ಲಡ್ ಸ್ಟೋನ್ ಎಂಬ ಸಿನಿಮಾದಲ್ಲಿ ಒಬ್ಬ ಟ್ಯಾಕ್ಸಿ ಡ್ರೈವರ್ ನ ಪಾತ್ರದಲ್ಲಿ ಅದ್ಬುತವಾಗಿ ನಟಿಸಿದ್ರು.
ಬ್ಲಡ್ ಸ್ಟೋನ್ ಒಂದು ಅಕ್ಷನ್-ಸಾಹಸಮಯ ಸಿನಿಮಾವಾಗಿದ್ದು, ಇದನ್ನು ಡ್ವೈಟ್ ಲಿಟ್ಟಲ್ ಎಂಬುವರು ನಿರ್ದೇಶಿಸಿದ್ದಾರೆ. ಅಮೇರಿಕಾದ ಪತಿಪತ್ನಿಯ ಬಗೆಗಿನ ಕಥೆಯನ್ನೊಳಗೊಂಡ ಸಿನಿಮಾ ಇದಾಗಿದ್ದು, ಅವರ ದಕ್ಷಿಣ ಭಾರತದ ಪ್ರವಾಸ ಹಾಗೂ ಅಲ್ಲಿ ಅವರು ರೂಬಿ ಡೈಮಂಡ್ ನ್ನು ಪತ್ತೆ ಹಚ್ಚಲು ನಡೆಸುವ ಸಾಹಸ ಕೆಲಸಕ್ಕೆ,ನಮ್ಮ ರಜನಿಯವರು ಟ್ಯಾಕ್ಸಿ ಚಾಲಕನಾಗಿ ಸಾಥ್ ಕೊಟ್ಟು ತಮ್ಮ ಸೊಗಸಾದ ಅಭಿನಯ ತೋರಿದ್ದಾರೆ.
ರಜನಿಯವರ ಉಳಿದ ಸಿನಿಮಾದಂತೆ ಇದರ ಗುಣಮಟ್ಟ ಅಳೆಯುವುದು ಸ್ವಲ್ಪ ಕಷ್ಟ ಆದ್ರೂ ಇದಕ್ಕೆ 4.5/10 ಎಂದು IMDB ರೇಟಿಂಗ್ ನೀಡಲಾಗಿತ್ತು.
ವ್ಯಾವಹಾರಿಕವಾಗಿ ಹೇಳುವುದಾದಲ್ಲಿ,ಇದೊಂದು ಸಾಧಾರಣ ಮಟ್ಟದ ಯಶಸ್ಸನ್ನು ಕಂಡ ಸಿನಿಮಾವಾಗಿದೆ.
ಅಮೇರಿಕನ್ ನಟರಾದ ಬ್ರೆಟ್ ಸ್ಟಿಮ್ಲಿ ಹಾಗೂ ಅನ್ನಾ ನಿಕೋಲಸ್ ಜೊತೆ ನಟಿಸಿದ ಅನುಭವ ತುಂಬಾ ಸೊಗಸಾಗಿತ್ತು ಎಂದು ಥಲೈವ ಅನ್ನುತ್ತಾರೆ.
ಈ ಸಿನಿಮಾ ರಿಲೀಸ್ ಆಗಿ ಸರಿ ಸುಮಾರು 28 ವರುಷಗಳೇ ಕಳೆದರೂ ಇನ್ನೂ ಈ ಬ್ಲಡ್ ಸ್ಟೋನ್ ಸಿನಿಮಾ,ಸಿನಿ ಜಗತ್ತಿನಲ್ಲಿ ಭದ್ರವಾಗಿ ಕಾಪಾಡಲ್ಪಟ್ಟಿದೆ.ಅಷ್ಟಕ್ಕೂ ಈ ಸಿನಿಮಾ ನಿರ್ಮಿಸಿದ ವ್ಯಕ್ತಿ ಯಾರು ಗೊತ್ತೇ?? ಮಾಜಿ ಟೆನ್ನಿಸ್ ಪ್ಲೇಯರ್ ಆಗಿರೋ ಅಶೋಕ್ ಅಮೃತ್ ರಾಜ್ ರವರು.

ರಜನಿ ಅಭಿಮಾನಿಗಳೇ! ನೀವು ಬೇಕಿದ್ರೆ, ಯೂಟ್ಯೂಬ್ ನಲ್ಲಿ ಈ ಸಿನಿಮಾವನ್ನು ಫ್ರೀ ಆಗಿ ನೋಡಬಹುದು.ಇಲ್ಲಿದೆ ಲಿಂಕ್.