ಗೋವಾಕ್ಕೆ ಪ್ರವಾಸ ಹೋಗೋದ್ ಯಾಕೆ? ಅಲ್ಲಿ ಬೀಚ್ ನೋಡೋಕೆ, ಪಾಶ್ಚಮಿತ್ಯ ಸಂಸ್ಕೃತಿಯನ್ನು ಕಣ್ತುಂಬಿಕೊಳ್ಳೋಕೆ, ಪಾರ್ಟಿ ಮಾಡಿ ಮಜಾ ಮಾಡೋಕೆ….!
ಈ ನಿಮ್ಮ ಗೋವಾ ಪ್ರಯಾಣ ಇನ್ನೂ ರೋಮಾಂಚನಕಾರಿ ಆಗಬೇಕೆ? ಹಾಗಾದ್ರೆ ನೀವು ಮುಂಬೈನಿಂದ ಗೋವಾಕ್ಕೆ ಬೋಟ್ ನಲ್ಲಿ ಹೋಗಿ…!
ಹೌದು, ನೀವೀಗ ಗೋವಾ-ಮುಂಬೈ ಪ್ರಯಾಣವನ್ನು ಬೋಟ್ ನಲ್ಲಿ ಮಾಡಬಹದು. ಈ ವ್ಯವಸ್ಥೆ ಇತ್ತೀಚೆಗೆ ಪ್ರಾರಂಭವಾಗಿದೆ. ಆಗಸ್ಟ್ 1ರಿಂದ ಈ ಅವಕಾಶ ಸಾಧ್ಯವಾಗಿದೆ.
ಶಿಪ್ನಲ್ಲಿ 6 ಕೆಟಗರಿಗಳಿರುತ್ತದೆ. ಕ್ರೂಜ್ನ್ನು ಚಲಾಯಿಸು ಸೀ ಈಗಲ್ ಕಂಪನಿಯ ಪ್ರಕಾರ ಈ ಕ್ರೂಜ್ನಲ್ಲಿ 6 ವಿಭಾಗಗಳಿರುತ್ತವೆ, ಟಿಕೇಟ್ನಲ್ಲಿ ಊಟ, ರಿಫ್ರೆಶ್ಮೆಂಟ್ ಹಾಗೂ ಬ್ರೇಕ್ಫಾಸ್ಟ್ ಸೇರಿರುತ್ತದೆ.
ಒಂದು ಕ್ರೂಜ್ ನಲ್ಲಿ ಒಂದು ಬಾರಿಗೆ 500ಮಂದಿ ಪ್ರಯಾಣ ಮಾಡಬಹುದು. ಮುಂಬೈನಿಂದ ಗೋವ ಹೋಗುವಾಗ ರತ್ನಗಿರಿ, ಮಾಲ್ವಾನಾ , ವಿಜಯದುರ್ಗಾ ಹಾಗೂ ರಾಯ್ ಘಡ್ ನಂತಹ ಸ್ಥಳಗಳಲ್ಲಿ ಪ್ಲಾನ್ಡ್ ಹಾಲ್ಟ್ ಸಹ ಇದೆ.
ಪ್ರತಿದಿನ ಸಂಜೆ 5ಗಂಟೆಗೆ ಕ್ರೂಜ್ ಮುಂಬೈನಿಂದ ಹೊರತ್ತದೆ. ಮರುದಿವಸ ಬೆಳಗ್ಗೆ 9ಗಂಟೆಗೆ ಗೋವಾ ತಲುಪುತ್ತದೆ.
ಕ್ರೂಜ್ ನಲ್ಲಿ 8 ರೆಸ್ಟೋರೆಂಟ್ ಮತ್ತು ಬಾರ್ ಹೊರತು ಪಡಿಸಿ 24ಗಂಟೆ ಕಾಫಿ ಶಾಪ್ ಓಪನ್ ಇರುತ್ತದೆ. ಇಷ್ಟದ ತಿನಿಸುಗಳಿರುತ್ತವೆ. ಈಜುಕೊಳ, ಮನೋರಂಜನೆಯ ಕೋಣೆ ಕೂಡ ಇದೆ. ಟಿಕೆಟ್ ದರ 7ಸಾವಿರ ರೂಪಾಯಿ.