ನವಿಲುನ್ನ ನೋಡಿ ಕೆಂಬೂತ ರೆಕ್ಕೆ ಕಟ್ಕೊಂಡು ಕುಣಿತಂತೆ ಹಾಗಾಯ್ತು ನಮ್ ರೈನಾ ಕಥೆ.

ಮಾತು ಮನೆ ಕೆಡಸ್ತು ತೂತು ಒಲೆ ಕೆಡಸ್ತು ಅಂತಾರೆ… ಹಾಗೆ ನಾವ್ ಆಡೋ ಮಾತು ನಮ್ಮ ವ್ಯಕ್ತಿತ್ವ ತೋರಿಸುತ್ತೆ. ಅಂಥದ್ದೇ ಒಂದು ಮಾತು ದಿ ಗ್ರೇಟ್ ಕ್ರಿಕೆಟರ್ ಸುರೇಶ್ ರೈನಾ ಅಸಲಿತನವನ್ನ ಬಿಚ್ಚಿಟ್ಟಿದೆ. ಗುಜರಾತ್ ಲಯನ್ಸ್ ತಂಡ ಏರ್ಪಡಿಸಿದ್ದ ಪ್ರೆಸ್ಸ್ ಮೀಟ್ ನಲ್ಲಿ ಹೇಗೆ ಬೇಕೋ ಹಾಗೆ ಮಾತನಾಡಿ ವಿವಾದಕ್ಕೆ ಗುರಿಯಾಗಿದ್ದಾರೆ.
ಟಿ ಟ್ವೆಂಟಿ ವಿಶ್ವಕಪ್ ಸೆಮಿ ಫೈನಲ್ ನಲ್ಲಿ ಟೀಂ ಇಂಡಿಯಾ ಸೋತಾಗ ಸುದ್ದಿಗೋಷ್ಠಿಯಲ್ಲಿ ವಿದೇಶಿ ಪರ್ತಕರ್ತ ಕೇಳಿದ ಪ್ರಶ್ನೆಗೆ ಧೋನಿ ತುಂಬಾ ಬುದ್ಧಿವಂತಿಕೆಯಿಂದ ಉತ್ತರ ಕೊಟ್ಟಿದ್ರು. ಪರ್ತಕರ್ತನ ಪ್ರಶ್ನೆಗೆ ಆತನಿಂದಲೇ ಉತ್ತರವನ್ನು ತೆಗೆಸಿದ್ರು. ಪರ್ತಕರ್ತರು, ಎಲ್ಲಾ ಮಾಧ್ಯಮಗಳು ಧೋನಿ ಬುದ್ಧಿವಂತಿಕೆಯನ್ನ ಹಾಡಿಹೊಗಳಿದ್ರು. ಧೋನಿಯ ತಾಳ್ಮೆ ಮತ್ತು ಸಮಯೋಚಿತ ಪ್ರತಿಕ್ರಿಯೆಗೆ ಪ್ರಶಂಸೆ ವ್ಯಕ್ತಪಡಿಸಿದ್ರು. ಮಾಹಿಯ ಪಕ್ಕಾ ದೋಸ್ತ್ ಆಗಿರುವ ರೈನಾ ಮಾಹಿಯನ್ನೇ ಕಾಪಿ ಮಾಡಲು ಹೋಗಿ ನಗೆ ಪಾಟಲಿಗೆ ಗುರಿಯಾಗಿದ್ದಾರೆ.
ಇಷ್ಟಕ್ಕೂ ಪರ್ತಕರ್ತ ಕೇಳಿದ ಪ್ರಶ್ನೆ ಇಷ್ಟೇ… ಟೀಂ ಇಂಡಿಯಾಗೆ ಯಾರು ಕೋಚ್ ಆದ್ರೆ ತಾವು ಕಂಫರ್ಟಬಲ್ ಆಗಿರ್ತೀರಿ ಆಂತ. ಅಂದ್ರೆ ವಿದೇಶಿ ಆಥವಾ ದೇಶಿ ಕೋಚ್ ಬಗ್ಗೆ, ಸುರೇಶ್ ರೈನಾ ಒಬ್ಬ ಜವಾಬ್ದಾರಿಯುತ ಆಟಗಾರನಾಗಿ ತನ್ನ ಅಭಿಪ್ರಾಯವನ್ನು ತಿಳಿಸಬೇಕಿತ್ತು ಆದ್ರೆ ರೈನಾ ಹಾಸ್ಯಾಸ್ಪದವಾಗಿ ಉತ್ತರ ನೀಡಿ ಬೇಜವಬ್ದಾರಿ ಪ್ರದರ್ಶಿಸಿರೋದಲ್ಲದೇ ತಮ್ಮ ವ್ಯಕ್ತಿತ್ವದ ಅಸಲಿಯತ್ತನ್ನ ಪರಿಚಯ ಮಾಡಿಸಿದ್ದಾರೆ.
ಹೌದು ಪರ್ತಕರ್ತರ ಪ್ರಶ್ನೆಗೆ ರೈನಾ, ನೀವು ನಿಮ್ಮ ಹೆಂಡತಿಯೊಡನೆ ಕಂಫರ್ಟೆಬಲ್ ಆಗಿರ್ತೀರೋ ಅಥವಾ ಬೇರೆಯವರ ಜೊತೆಗೋ ಅಂತ ಉತ್ತರಿಸಿ ವಿವಾದಕ್ಕೀಡಾಗಿದ್ದಾರೆ. ಕೂಲ್ ಕ್ಯಾಪ್ಟನ್ ಮಾಹಿಯನ್ನ ಕಾಪಿ ಮಾಡಲು ಹೋಗಿ ರೈನಾ ಪೇಚಿಗೆ ಸಿಲುಕಿದ್ದಾರೆ. ನವಿಲುನ್ನ ನೋಡಿ ಕೆಂಬೂತ ರೆಕ್ಕೆ ಕಟ್ಕೊಂಡು ಕುಣಿತಂತೆ ಹಾಗಾಯ್ತು ನಮ್ ರೈನಾ ಕಥೆ. ಧೋನಿಯ ತಾಳ್ಮೆ ವಿವೇಕ ಸಮಯಕ್ಕೆ ತಕ್ಕಂತ ಆಟ ಮತ್ತು ಬುದ್ಧಿವಂತಿಕೆ ಕಾಪಿ ಮಾಡುವಂತದ್ದಲ್ಲ . ಇತ್ತೀಚಿಗೆ ರನ್ ಗಳಿಸಲು ಮರೆತಂತಿರುವ ರೈನಾ ಯಾರೊಂದಿಗೆ ಹೇಗೆ ವರ್ತಿಸಬೇಕು, ಎಲ್ಲಿ ಹೇಗೆ ಮಾತನಾಡಬೇಕು ಅನ್ನೋದನ್ನು ಮರೆತಂತಿದ್ದಾರೆ.