ಬುಧವಾರ ಟೆಸ್ಟ್ ಶ್ರೇಯಾಂಕ(ICC Test Rankings) ಐಸಿಸಿ ಹೊರಡಿಸಿದ್ದು, ಭಾರತದ ಹಿರಿಯ ಆಫ್ ಸ್ಪಿನ್ನರ್ ರವಿಚಂದ್ರನ್ ಅಶ್ವಿನ್(off-spinner Ravichandran Ashwin)ಎರಡನೇ ಸ್ಥಾನಕ್ಕೆ ಏರಿದರೆ, ಆರಂಭಿಕ ಆಟಗಾರ ಮಯಾಂಕ್ ಅಗರ್ವಾಲ್, ನ್ಯೂಜಿಲ್ಯಾಂಡ್ ಸ್ಪಿನ್ನರ್ ಅಜಾಜ್ ಪಟೇಲ್ ಅವರೊಂದಿಗೆ ಶ್ರೇಯಾಂಕದಲ್ಲಿ ಭಾರಿ ಪ್ರಗತಿ ಸಾಧಿಸಿದ್ದಾರೆ.
ಮುಂಬೈನಲ್ಲಿ ನಡೆದ ಎರಡನೇ ಟೆಸ್ಟ್ʼನಲ್ಲಿ ಪ್ಲೇಯರ್ ಆಫ್ ದಿ ಮ್ಯಾಚ್ ಪ್ರಯತ್ನದಲ್ಲಿ ಅಗರ್ವಾಲ್, 150 ಮತ್ತು 62 ರನ್ ಗಳಿಸಿದ್ದಾರೆ. ಈ ಮೂಲಕ ಪುರುಷರ ಶ್ರೇಯಾಂಕದಲ್ಲಿ 11ನೇ ಸ್ಥಾನ ಗಿಟ್ಟಿಸಿಕೊಂಡಿದ್ದಾರೆ. ಈ ಮೂಲಕ ಅವ್ರು ಮೊದಲ ಬಾರಿಗೆ ವೃತ್ತಿಜೀವನದ ಅತ್ಯುತ್ತಮ 10ನೇ ಸ್ಥಾನಕ್ಕಿಂತ ಕೇವಲ ಒಂದು ಸ್ಥಾನ ಕೆಳಗಿದ್ದಾರೆ.
ಇನ್ನು ಟೆಸ್ಟ್ನಲ್ಲಿ ಮ್ಯಾಜಿಕ್ ಮಾಡಿದ ಎಜಾಜ್ ಪಟೇಲ್, ಜಿಮ್ ಲೇಕರ್ ಮತ್ತು ಅನಿಲ್ ಕುಂಬ್ಳೆ ಅವರನ್ನ ಅನುಕರಿಸಿ ಟೆಸ್ಟ್ ಇನ್ನಿಂಗ್ಸ್ʼನಲ್ಲಿ ಎಲ್ಲಾ 10 ವಿಕೆಟ್ʼಗಳನ್ನ ಪಡೆದ ಮೂರನೇ ಆಟಗಾರ ಅನ್ನೋ ಹೆಗ್ಗಳಿಕೆಗೆ ಪಾತ್ರರಾದ್ರು. ಈ ಮೂಲಕ 38ನೇ ಸ್ಥಾನದಿಂದ 23ನೇ ಸ್ಥಾನಕ್ಕೇರಿದ್ದಾರೆ.
