ಕಳೆದ ಹದಿನೈದು ವರ್ಷಗಳಿಂದ ಚಂದನವನದ ಪ್ರೇಕ್ಷಕರನ್ನು ಗೋಲ್ಡನ್ ಸ್ಟಾರ್ ಗಣೇಶ್ ಅವರು ರಂಜಿಸುತ್ತಾ ಬಂದಿದ್ದಾರೆ. ಸಿಹಿ ಕಹಿ ಎರಡನ್ನೂ ಸಹ ಸವಿದಿರುವ ಗಣೇಶ್ ಅವರು ಕನ್ನಡ ಸಿನಿಪ್ರೇಕ್ಷಕರಿಗೆ ಮನರಂಜನೆಯಲ್ಲಿ ಕೊರತೆ ಮಾಡುವುದಿಲ್ಲ.
ಗಣೇಶ್ ಅವರು ಪ್ರಸ್ತುತ ಗಾಳಿಪಟ 2 , ತ್ರಿಬಲ್ ರೈಡಿಂಗ್ ಮತ್ತು ಸಖತ್ ಚಿತ್ರಗಳಲ್ಲಿ ಬ್ಯುಸಿಯಾಗಿದ್ದಾರೆ. ಈ ಹಿಂದೆ ಚಮಕ್ ನಂತಹ ಬ್ಲಾಕ್ ಬಸ್ಟರ್ ಚಿತ್ರವನ್ನು ಗಣೇಶ್ ಅವರಿಗೆ ನಿರ್ದೇಶನ ಮಾಡಿದ ಸಿಂಪಲ್ ಸುನಿ ಅವರು ಸಖತ್ ಚಿತ್ರವನ್ನು ಸಹ ನಿರ್ದೇಶನ ಮಾಡುತ್ತಿದ್ದಾರೆ. ಚಮಕ್ ಚಿತ್ರ ಮಾಡಿದ ಮೋಡಿಗೆ ಸಕತ್ ಚಿತ್ರದ ಮೇಲೆ ದೊಡ್ಡ ಮಟ್ಟದ ನಿರೀಕ್ಷೆ ಅಭಿಮಾನಿ ಬಳಗದಲ್ಲಿದೆ.
ಇದೀಗ ಗಣೇಶ್ ಅವರ ಸಕತ್ತು ಚಿತ್ರದ ಚಿತ್ರೀಕರಣದ 1ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದು ಅದರಲ್ಲಿ ಅವರು ಕುರುಡನ ಪಾತ್ರ ನಿರ್ವಹಿಸುತ್ತಿರುವುದಾಗಿ ಹೇಳಿಕೊಂಡಿದ್ದಾರೆ. ಕಳೆದ ಹದಿನೈದು ವರ್ಷಗಳಿಂದ ಮಾಡದ ವಿಭಿನ್ನ ಪಾತ್ರವನ್ನು ಈ ಬಾರಿ ನಾನು ಮಾಡುತ್ತಿದ್ದು ನನ್ನ ಕಣ್ಣುಗಳನ್ನು ಕಟ್ಟಿಟ್ಟು ಅಭಿನಯಿಸಲಿದ್ದೇನೆ ಎಂದು ಗಣೇಶ್ ಅವರು ಸಾಮಾಜಿಕ ಜಾಲತಾಣದಲ್ಲಿ ಹೇಳಿಕೊಂಡಿದ್ದಾರೆ.