ಫೇಸ್ ಬುಕ್ ಸ್ವಾಮ್ಯದ ಅತ್ಯಂತ ಜನಪ್ರಿಯ ಚಾಟಿಂಗ್ ಅಪ್ಲಿಕೇಷನ್ ವಾಟ್ಸಾಪ್ ಕಾಲಕಾಲಕ್ಕೆ ಅಪ್ಡೇಟ್ ಆಗುತ್ತಿರುತ್ತದೆ. ಆದರೆ, ನವೆಂಬರ್ 1ರಿಂದ ಹಲವು ಫೋನ್ ಗಳಲ್ಲಿ ವಾಟ್ಸಾಪ್ ವರ್ಕ್ ಆಗಲ್ಲ.
ಭಾರತದಲ್ಲಿ ಅತಿ ಹೆಚ್ಚು ಸಕ್ರಿಯ ಬಳಕೆದಾರರನ್ನು ಹೊಂದಿರುವ ಮೆಸೆಜಿಂಗ್ ಅಪ್ಲಿಕೇಶನ್. ಎಲ್ಲಾ ವಯಸ್ಸಿನವರು ವಾಟ್ಸಾಪ್ ಅಪ್ಲಿಕೇಶನ್ಗೆ ಮಾರು ಹೋಗಿದ್ದಾರೆ. ಹೊಸ ಹೊಸ ಅಪ್ಡೇಟ್ಗಳನ್ನು ಮಾಡುವ ಮೂಲಕ ಮತ್ತಷ್ಟು ಜನರಿಗೆ ಹತ್ತಿರವಾಗುತ್ತಿದೆ. ಆದರೆ 2011ಕ್ಕೂ ಹಳೆ ಸ್ಮಾರ್ಟ್ ಫೋನ್ ಗಳಲ್ಲಿ ವಾಟ್ಸಾಪ್ ಕಾರ್ಯ ನಿರ್ವಹಿಸುವುದಿಲ್ಲ ಎಂದು ಸಂಸ್ಥೆ ಹೇಳಿದೆ. ಇದು ಆಂಡ್ರಾಯ್ಡ್ ಹಾಗೂ ಐಒಎಸ್ ಆಧಾರಿತ ಸ್ಮಾರ್ಟ್ ಫೋನ್ ಗಳೆರಡಕ್ಕೂ ಅನ್ವಯವಾಗಲಿದೆ.
ನೀವು ಹಳೆಯ ಆಂಡ್ರಾಯ್ಡ್, ಐಒಎಸ್ ಫೋನ್ಗಳನ್ನು ಬಳಸುತ್ತಿದ್ದರೆ ಒಎಸ್ ಅಪ್ಡೇಟ್ ಜೊತೆಗೆ ವಾಟ್ಸಾಪ್ ಅಪ್ಡೇಟ್ ಮಾಡಿಕೊಳ್ಳುವುದು ಮುಖ್ಯ. ಪ್ರಸ್ತುತ ಮೆಸೇಜಿಂಗ್ ಅಪ್ಲಿಕೇಶನ್ಗೆ ಹೊಂದಿಕೆಯಾಗುವ ಕೆಲವು ಹಳೆಯ ಸಾಧನಗಳಿಗೆ ಬೆಂಬಲವನ್ನು ಹಿಂತೆಗೆದುಕೊಳ್ಳುವುದಾಗಿ ವಾಟ್ಸಾಪ್ ಮತ್ತೊಮ್ಮೆ ಘೋಷಿಸಿದೆ. ಹೀಗಾಗಿ ಇಂತಹ ಮೊಬೈಲ್ಗಳಲ್ಲಿ ವಾಟ್ಸಾಪ್ ಕಾರ್ಯ ನಿರ್ವಹಿಸುವುದಿಲ್ಲ.
ಹಳೆಯ ಆಂಡ್ರಾಯ್ಡ್ ಮೊಬೈಲ್ ಮೂಲಕ ಕೆಲವು ಬಳಕೆದಾರರು ಇತ್ತೀಚಿನ ಸಾಫ್ಟ್ವೇರ್ಗೆ ನವೀಕರಿಸುವ ಮೂಲಕ ವಾಟ್ಸಾಪ್ ಅನ್ನು ಪ್ರವೇಶಿಸಲು ಸಾಧ್ಯವಾಗುತ್ತದೆ. ಆದರೆ, ಕೆಲವು ಮೊಬೈಲ್ಗಳಿಗೆ ನವೆಂಬರ್ 1, 2021 ರಿಂದ ವಾಟ್ಸಾಪ್ ಶಾಶ್ವತವಾಗಿ ಪ್ರವೇಶಿಸಲಾಗುವುದಿಲ್ಲ.
ಐಒಎಸ್ 10 ಗಿಂತ ಹಳೆಯ ಆಪರೇಟಿಂಗ್ ಸಿಸ್ಟಮ್ ಸಾಫ್ಟ್ವೇರ್ನಲ್ಲಿ ಚಾಲನೆಯಲ್ಲಿರುವ ಯಾವುದೇ ಐಫೋನ್ನಲ್ಲಿ ಕಾರ್ಯ ನಿರ್ವಹಿಸುವುದಿಲ್ಲ. ಈ ಫೋನ್ಗಳನ್ನು ಹೊಂದಿರುವ ಬಳಕೆದಾರರು ನವೆಂಬರ್ 1, 2021 ರಿಂದ ವಾಟ್ಸಾಪ್ ಅನ್ನು ಬಳಸಲು ಸಾಧ್ಯವಾಗುವುದಿಲ್ಲ.
ಮುಂದಿನ ವರ್ಷದ ಆರಂಭದಿಂದ ಐಫೋನ್ 4 ಮಾಡೆಲ್ಗಳಿಗೆ ಮೆಸೇಜಿಂಗ್ ಅಪ್ಲಿಕೇಶನ್ ಪ್ರವೇಶಿಸಲು ಸಾಧ್ಯವಾಗುವುದಿಲ್ಲ. ಐಫೋನ್ 4 ಎಸ್, 5, 5 ಎಸ್, 5 ಸಿ, 6 ಮತ್ತು 6 ಎಸ್ ಎಲ್ಲವನ್ನೂ ಐಒಎಸ್ 10ಕ್ಕೆ ನವೀಕರಿಸಬಹುದು, ಆದ್ದರಿಂದ ಒಮ್ಮೆ ನವೀಕರಿಸಿದ ನಂತರ ಅವರು ವಾಟ್ಸಾಪ್ ಅನ್ನು ಪಡೆಯಲು ಸಾಧ್ಯವಾಗುತ್ತದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.
