ಬೆಂಗಳೂರು ಸೇರಿದಂತೆ ಹಲವು ನಗರಗಳಲ್ಲಿ AQI ಏರಿಕೆ: ಮಂಗಳೂರು ‘ಅನಾರೋಗ್ಯಕರ’ ಮಟ್ಟಕ್ಕೆ
ಬೆಂಗಳೂರು: ಕೆಲ ದಿನಗಳಿಂದ ಏರಿಕೆಯಾಗುತ್ತಿದ್ದ ಗಾಳಿಯ ಗುಣಮಟ್ಟ ಸೂಚ್ಯಂಕ (AQI) ಇಂದು ಮತ್ತಷ್ಟು ಕಳಪೆ ಮಟ್ಟ ತಲುಪಿದೆ. ಬೆಂಗಳೂರಿನಲ್ಲಿ ಸ್ವಲ್ಪ ಮಟ್ಟಿನ ಸುಧಾರಣೆ ಕಂಡಿದ್ದರೂ, ಮಂಗಳೂರಿನಲ್ಲಿ ವಾಯು ಗುಣಮಟ್ಟ ಮತ್ತೆ ಕುಸಿತ ಕಂಡಿದೆ. ಮೈಸೂರು ಮತ್ತು ಬೆಳಗಾವಿಯಲ್ಲೂ ಗಾಳಿಯ ಗುಣಮಟ್ಟ 150ರ ಸುತ್ತಮುತ್ತ ದಾಖಲಾಗಿದ್ದು, ತಜ್ಞರು ಮುನ್ನೆಚ್ಚರಿಕೆ ವಹಿಸುವಂತೆ ಸಲಹೆ ನೀಡಿದ್ದಾರೆ.
ಇಂದು ಬೆಂಗಳೂರಿನ AQI 140ಕ್ಕೆ ತಲುಪಿದ್ದು ‘ಕಳಪೆ’ ಮಟ್ಟದಲ್ಲಿದೆ. ಮಂಗಳೂರಿನಲ್ಲಿ AQI 185 ದಾಖಲಾಗಿದ್ದು ‘ಅನಾರೋಗ್ಯಕರ’ ಮಟ್ಟ ತಲುಪಿದೆ. ಜೊತೆಗೆ ಕಲಬುರ್ಗಿ (149), ಹುಬ್ಬಳ್ಳಿ (154), ವಿಜಯಪುರ (160), ಉಡುಪಿ (170) ನಗರಗಳಲ್ಲಿಯೂ ಗಾಳಿಯ ಗುಣಮಟ್ಟ ಆತಂಕಕಾರಿ ಮಟ್ಟದಲ್ಲಿದೆ.
WHO ಮಾನದಂಡಗಳ ಪ್ರಕಾರ 100 ಕ್ಕಿಂತ ಹೆಚ್ಚಿನ AQI ಆರೋಗ್ಯಕ್ಕೆ ಹಾನಿಕರವಾಗಿದ್ದು, ವಿಶೇಷವಾಗಿ ಮಕ್ಕಳಿಗೆ, ವೃದ್ಧರಿಗೆ ಮತ್ತು ಉಸಿರಾಟ ಸಮಸ್ಯೆಯುಳ್ಳವರಿಗೆ ಹೆಚ್ಚು ಅಪಾಯಕಾರಿಯಾಗಿದೆ.
ಇಂದಿನ ಪ್ರಮುಖ ನಗರಗಳ AQI:
ಬೆಂಗಳೂರು – 140
ಮಂಗಳೂರು – 185
ಮೈಸೂರು – 126
ಬೆಳಗಾವಿ – 165
ಕಲಬುರ್ಗಿ – 149
ಶಿವಮೊಗ್ಗ – 135
ಬಳ್ಳಾರಿ – 132
ಹುಬ್ಬಳ್ಳಿ – 154
ಉಡುಪಿ – 170
ವಿಜಯಪುರ – 160
AQI ಮಟ್ಟಗಳ ವಿವರಣೆ:
ಉತ್ತಮ – 0 ರಿಂದ 50
ಮಧ್ಯಮ – 51 ರಿಂದ 100
ಕಳಪೆ – 101 ರಿಂದ 150
ಅನಾರೋಗ್ಯಕರ – 151 ರಿಂದ 200
ಗಂಭೀರ – 201 ರಿಂದ 300
ಅಪಾಯಕಾರಿ – 301 ರಿಂದ 500+
ನಗರಗಳಲ್ಲಿ ದಿನದಿಂದ ದಿನಕ್ಕೆ AQI ಏರಿಕೆಯಾಗುತ್ತಿರುವ ಹಿನ್ನೆಲೆಯಲ್ಲಿ, ಅನಾವಶ್ಯಕ ಹೊರಾಂಗಣ ಚಟುವಟಿಕೆಗಳನ್ನು ತಪ್ಪಿಸಲು ಹಾಗೂ ಮಾಸ್ಕ್ ಬಳಸಲು ತಜ್ಞರು ಸೂಚಿಸಿದ್ದಾರೆ.
