ರಾಜಧಾನಿಯಲ್ಲಿ ವಾಯು ಗುಣಮಟ್ಟ ಕಳಪೆ; ಹಲವು ಪ್ರದೇಶಗಳಲ್ಲಿ ‘ಅನಾರೋಗ್ಯಕರ’ ಮಟ್ಟ

ರಾಜಧಾನಿಯಲ್ಲಿ ವಾಯು ಗುಣಮಟ್ಟ ಕಳಪೆ; ಹಲವು ಪ್ರದೇಶಗಳಲ್ಲಿ ‘ಅನಾರೋಗ್ಯಕರ’ ಮಟ್ಟ

ಬೆಂಗಳೂರು: ಬೆಂಗಳೂರಿನ ವಾಯು ಗುಣಮಟ್ಟ ಸೂಚ್ಯಂಕ (AQI) ಇಂದಿನ ದಿನ 164 ದಾಖಲಾಗಿದ್ದು, ನಗರದ ಹಲವೆಡೆ ಗಾಳಿಯ ಗುಣಮಟ್ಟ ಕಳಪೆ ಮಟ್ಟದಲ್ಲಿದೆ. ಇಂದಿನ ಅಂಕಿಅಂಶಗಳ ಪ್ರಕಾರ PM2.5 ಪ್ರಮಾಣ 74 ಮತ್ತು PM10 ಪ್ರಮಾಣ 101 ಇದೆ. ಕಳೆದ ಕೆಲವು ದಿನಗಳಿಗೆ ಹೋಲಿಸಿದರೆ ಗಾಳಿಯ ಗುಣಮಟ್ಟ ಸ್ವಲ್ಪ ಸುಧಾರಿಸಿದಂತೆ ಕಂಡರೂ, WHO ಮಾರ್ಗಸೂಚಿಗಳ ಪ್ರಕಾರ ಇಂತಹ ವಾಯು ಗುಣಮಟ್ಟ ಆರೋಗ್ಯಕ್ಕೆ ಹಾನಿಕರ ಎಂದು ತಜ್ಞರು ಎಚ್ಚರಿಕೆ ನೀಡಿದ್ದಾರೆ.

ಬೆಂಗಳೂರಿನ ಕಳಪೆ ಗಾಳಿ ಇರುವ ಪ್ರಮುಖ ಪ್ರದೇಶಗಳು

ಇತ್ತೀಚಿನ ವರದಿಗಳ ಪ್ರಕಾರ, ಕಲ್ಯಾಣ ನಗರದಲ್ಲಿ AQI 170 ಮೀರಿಸುತ್ತಿದ್ದು, ಇದು ನಗರದ ಅತ್ಯಂತ ಕಳಪೆ ಗಾಳಿ ಇರುವ ಪ್ರದೇಶಗಳಲ್ಲಿ ಒಂದಾಗಿದೆ. ವಾಹನ ದಟ್ಟಣೆಗೆ ಹೆಸರಾದ ಸಿಲ್ಕ್ ಬೋರ್ಡ್ ಜಂಕ್ಷನ್ನಲ್ಲಿ ನೈಟ್ರೋಜನ್ ಡೈಆಕ್ಸೈಡ್ (NO2) ಮತ್ತು ಧೂಳಿನ ಕಣಗಳ ಪ್ರಮಾಣ ಅಧಿಕವಾಗಿದೆ. ವೈಟ್‌ಫೀಲ್ಡ್ ಮತ್ತು ಐಟಿಪಿಎಲ್ ಪ್ರದೇಶಗಳಲ್ಲಿ ನಿರಂತರ ನಿರ್ಮಾಣ ಕಾಮಗಾರಿಗಳು ಹಾಗೂ ವಾಹನ ಸಂಚಾರದಿಂದ ಗಾಳಿಯ ಗುಣಮಟ್ಟ ‘ಅನಾರೋಗ್ಯಕರ’ ಮಟ್ಟ ತಲುಪಿದೆ. ಕೈಗಾರಿಕಾ ಹೊರಸೂಸುವಿಕೆಯ ಪರಿಣಾಮ ಜಿಗಣಿಯಲ್ಲಿ AQI ಕೆಲವೊಮ್ಮೆ 187 ಕ್ಕೂ ಅಧಿಕ ದಾಖಲಾಗುತ್ತಿದೆ. ಹಾಗೇ ಹೆಬ್ಬಾಳ ಹಾಗೂ ಮೆಖ್ರಿ ಸರ್ಕಲ್ ಭಾಗಗಳಲ್ಲಿ ವಿಮಾನ ನಿಲ್ದಾಣ ಸಂಪರ್ಕ ರಸ್ತೆಗಳಲ್ಲಿ ನಿರಂತರ ವಾಹನ ಸಂಚಾರ ಗಾಳಿಯ ಮಾಲಿನ್ಯ ಹೆಚ್ಚಿಸುತ್ತಿದೆ.

ರಾಜ್ಯದ ಇತರ ನಗರಗಳ ಇಂದಿನ AQI

ಬೆಂಗಳೂರು – 164

ಮಂಗಳೂರು – 164

ಮೈಸೂರು – 134

ಬೆಳಗಾವಿ – 160

ಕಲಬುರ್ಗಿ – 127

ಶಿವಮೊಗ್ಗ – 170

ಬಳ್ಳಾರಿ – 200

ಹುಬ್ಬಳ್ಳಿ – 104

ಉಡುಪಿ – 160

ವಿಜಯಪುರ – 97

AQI ಮಟ್ಟಗಳ ವಿವರಣೆ

ಉತ್ತಮ: 0–50

ಮಧ್ಯಮ: 50–100

ಕಳಪೆ: 100–150

ಅನಾರೋಗ್ಯಕರ: 150–200

ಗಂಭೀರ: 200–300

ಅಪಾಯಕಾರಿ: 300–500+