ದರ್ಶನ್ ಅಭಿನಯದ ರಾಬರ್ಟ್ ಚಿತ್ರ ನಾಡಿದ್ದು ಅಂದರೆ ಶಿವರಾತ್ರಿ ಹಬ್ಬದ ಪ್ರಯುಕ್ತ ಗುರುವಾರ ಬಿಡುಗಡೆಯಾಗುತ್ತಿದೆ. ರಾಜ್ಯಾದ್ಯಂತ ಮುಂಗಡ ಬುಕ್ಕಿಂಗ್ ಓಪನ್ ಆಗಿದ್ದು ಭರ್ಜರಿಯಾಗಿ ಬುಕ್ಕಿಂಗ್ ನಡೆಯುತ್ತಿದೆ. ಇನ್ನು ದರ್ಶನ್ ಅವರು ಇತ್ತೀಚೆಗಷ್ಟೇ ಸಂದರ್ಶನವೊಂದರಲ್ಲಿ ರಾಬರ್ಟ್ ಚಿತ್ರದ ಚಿತ್ರೀಕರಣದ ನೆನಪುಗಳನ್ನು ಹಂಚಿಕೊಂಡರು.
ರಾಬರ್ಟ್ ಚಿತ್ರದಲ್ಲಿ ಅಂಡರ್ ವಾಟರ್ ಸಾಹಸ ದೃಶ್ಯ ಇದ್ದು ಅದನ್ನು ಚಿತ್ರೀಕರಿಸಲು ಚಿತ್ರತಂಡಕ್ಕೆ ಬಹುದೊಡ್ಡ ಸವಾಲು ಎದುರಾಗಿತ್ತು. ಈ ಸಂದರ್ಭದಲ್ಲಿ ರಾಬರ್ಟ್ ಚಿತ್ರ ತಂಡಕ್ಕೆ ನೆರವಾಗಿದ್ದು ಕೇರ್ ಆಫ್ ಫುಟ್ ಪಾತ್ ಖ್ಯಾತಿಯ ಕಿಶನ್ ಮತ್ತು ಆತನ ತಂಡ. ಹೌದು ರಾಬರ್ಟ್ ಚಿತ್ರತಂಡ ಅಂಡರ್ ವಾಟರ್ ಚಿತ್ರೀಕರಣವನ್ನು ಮಾಡದೆ ಕಷ್ಟದಲ್ಲಿದ್ದಾಗ ಅದಕ್ಕೆ ಬೇಕಾದ ಸಲಕರಣೆಗಳನ್ನು ಕಿಶನ್ ಮತ್ತು ಸ್ನೇಹಿತರು ಒದಗಿಸಿ ಅಂಡರ್ ವಾಟರ್ ಶೂಟಿಂಗ್ ನಡೆಯಲು ಸಲಹೆಗಳನ್ನು ನೀಡಿ ಚಿತ್ರೀಕರಣ ಯಶಸ್ವಿಯಾಗುವಂತೆ ಮಾಡಿದರು.
ಇನ್ನೂ ಈ ವಿಷಯವನ್ನು ಸ್ವತಃ ದರ್ಶನ್ ಅವರೇ ಇತ್ತೀಚೆಗಷ್ಟೇ ಸಂದರ್ಶನವೊಂದರಲ್ಲಿ ಹೇಳಿಕೊಂಡು ಕಿಶನ್ ಅವರನ್ನು ಹೊಗಳಿದರು.
