ರಿಯಲ್ ಸ್ಟೋರಿ

ಒಂದೇ ಇನ್ನಿಂಗ್ಸ್ ನಲ್ಲಿ 1009 ರನ್ ಬಾರಿಸಿದ ಪೋರ..! ಕ್ರಿಕೆಟ್ ಇತಿಹಾಸದಲ್ಲಿ ಹೊಸ ದಾಖಲೆ ಬರೆದ ಆಟೋ ಚಾಲಕನ ಮಗ..!

January 5, 2016

ಅದು ಬರೋಬ್ಬರಿ 116 ವರ್ಷಗಳ ಹಿಂದಿನ ಕ್ರಿಕೆಟ್ ರೆಕಾರ್ಡ್. ವಿಶ್ವದ ಯಾವುದೇ ಕ್ರಿಕೆಟಿಗನಿಂದಲೂ ಕೂಡಾ ಅದನ್ನು ಮುರಿಯಲು ಸಾಧ್ಯವಾಗಿರಲಿಲ್ಲ. ವಿಶ್ವ ಪ್ರಸಿದ್ಧ ಹೊಡಿ ಬಡಿ ದಾಂಡಿಗರೆನಿಸಿಕೊಂಡವರೂ ಕೂಡಾ ಅದರ ಹತ್ತಿರಕ್ಕೂ ಸುಳಿದಿರಲಿಲ್ಲ. ಆದರೆ ಭಾರತದ ಓರ್ವ ಹುಡುಗ ಮಾತ್ರ ಆ ರೆಕಾರ್ಡನ್ನು ಬ್ರೇಕ್ ಮಾಡಿದ್ದಾನೆ.
ಯೆಸ್.. ಮುಂಬೈ ಮೂಲದ ಪ್ರಣವ್ ಧನವಾಡೆ ಎಂಬ ಅಂಡರ್ 16 ವಿಭಾಗದ ಕ್ರಿಕೆಟಿಗ ಆರ್ಯ ಗುರುಕುಲ ಸ್ಕೂಲ್ ವಿರುದ್ಧ ಕೇವಲ ಒಂದೇ ಇನ್ನಿಂಗ್ಸ್ನಲ್ಲಿ 1009 ರನ್ ಗಳಿಸೋ ಮೂಲಕ ವಿಶೇಷ ಸಾಧನೆಯನ್ನು ಮಾಡಿದ್ದಾರೆ.
ಎರಡು ದಿನಗಳ ಆಟದಲ್ಲಿ ಮೊದಲ ದಿನ 15 ವರ್ಷದ ಪ್ರಣಭ್ 199 ಎಸೆತಗಳಲ್ಲಿ ಬರೋಬ್ಬರಿ 652 ರನ್ ಚಚ್ಚಿದ್ದರು. ಇಂದು ಆಟ ಮುಂದುವರೆಸಿ 1009 ರನ್ ಗಡಿ ದಾಟಿದ್ದಾರೆ..! ಇವರ ಇನ್ನಿಂಗ್ಸ್ ನಲ್ಲಿ ಕೇವಲ 323 ಎಸೆತಗಳಲ್ಲಿ 59 ಸಿಕ್ಸರ್ 127 ಬೌಂಡರಿಗಳನ್ನು ಒಳಗೊಂಡ 1009 ರನ್ ದಾಖಲಿಸಿದ್ದಾರೆ ಒಟ್ಟಾರೆ ತಂಡದ ಮೊತ್ತ 1465/6, ಇವರ ವೈಯಕ್ತಿಕ ಸ್ಕೋರ್ ಅಜೇಯ 1009..! ಆ ಮೂಲಕ 116 ವರ್ಷಗಳ ಹಿಂದೆ ಇಂಗ್ಲೆಂಡ್ ನ ಅರ್ಥರ್ ಕೋಲಿನ್ಸ್ ಎಂಬುವವರು ನಿರ್ಮಿಸಿದ್ದ 628 ರನ್ ಗಳ ಅಭೇಧ್ಯ ಕೋಟೆಯನ್ನು ಬೇಧಿಸಿದ್ದಾನೆ. 1899ರಲ್ಲಿ ಇಂಗ್ಲೆಂಡ್ ನ ಜ್ಯೂನಿಯರ್ ಹೌಸ್ ಮ್ಯಾಚ್ ಟೂರ್ನಿಯಲ್ಲಿ ಅರ್ಥರ್ ಕೋಲಿನ್ಸ್ 628 ರನ್ ಗಳ ಬೃಹತ್ ಮೊತ್ತವನ್ನು ಪೇರಿಸಿದ್ದರು.
ಕ್ರಿಕೆಟ್ ಇತಿಹಾಸದಲ್ಲಿ ನೂತನ ದಾಖಲೆ ಬರೆದ ಪ್ರಣಬ್ ಬಡ ಆಟೋಚಾಲಕನ ಮಗ..! ಪ್ರಣವ್ ಧನವಾಡೆ ಅತ್ಯಂತ ಬಡತನದ ಕುಟುಂಬದಿಂದ ಮೇಲೆದ್ದು ಬಂದಿರುವ ಕ್ರಿಕೆಟಿಗ. ಆತನ ತಂದೆ ಆಟೋ ಓಡಿಸಿ ಜೀವನ ನಡೆಸುತ್ತಾರೆ. ಅದರಿಂದ ಬಂದ ಒಂದು ಪಾಲನ್ನು ಪ್ರಣವ್ ನ ಕ್ರಿಕೆಟ್ ಪ್ರ್ಯಾಕ್ಟಿಸ್ ಗೆ ಮೀಸಲಿಡುತ್ತಾರೆ. ಭಾರತದಲ್ಲಿ ಬಡತನ ಎಂಬುದು ದೊಡ್ಡ ಮಹಾಮಾರಿಯಾಗಿದೆ. ಆ ಬಡತನದ ಮಧ್ಯೆಯೇ ಅದೆಷ್ಟೋ ಪ್ರತಿಭೆಗಳು ಮರೆಯಾಗಿ ಹೋಗುತ್ತಿವೆ. ಆದರೆ ಪ್ರಣವ್ ಮಾತ್ರ ಆ ರೀತಿಯಾಗದೇ ದೊಡ್ಡ ಹೆಸರು ಮಾಡಬೇಕಿದೆ.

Video :