ಅಬ್ಬಾ ಇವನೆಂಥಾ ಪ್ರತಿಭಾವಂತ..! ಚಿಕ್ಕವಯಸ್ಸಲ್ಲೇ ಎಂಥಾ ಸಾಧನೆ ಮಾಡಿದ್ದಾನೆ..! ನಿಜಕ್ಕೂ ಈ ಹುಡುಗ ಇಷ್ಟೊಂದು ದೊಡ್ಡ ಸಾಧನೆ ಮಾಡಿದ್ದಾನ…? ನಂಬಲಾಗ್ತಾ ಇಲ್ಲ ಗುರೂ..! ಹೀಗೆ ಅನೇಕ ಅಭಿಪ್ರಾಯಗಳನ್ನು ಈ ಸ್ಟೋರಿ ಓದಿದ ಮೇಲೆ ನೀವು ಹೇಳೇ ಹೇಳ್ತೀರಿ..! ಈತನ ಸ್ಟೋರಿಯನ್ನು ಕೇಳಿದಾಗ ನನಗೂ ಅಚ್ಚರಿಯಾಯ್ತು..! ಅಚ್ಚರಿಯಾದ್ರೂ ನಿಜ.. ಅದಕ್ಕಾಗಿಯೇ ಈತನ ಸ್ಟೋರಿಯನ್ನು ನಿಮಗೆ ಹೇಳ್ತಾ ಇದ್ದೀನಿ.
ಆತ ಕ್ಯಾಲಿಫೋರ್ನಿಯಾದ ಸ್ಯಾನ್ ಗ್ಯಾಬ್ರಿಯಲ್ಲಿನವನು. ಹೆಸರು, `ಮೋಶೆ ಕೈ ಕ್ಯಾವೆಲಿನ್’..! ಒಂದಲ್ಲ ಇವನ ಬಳಿ ಎರಡು ಪದವಿಗಳಿವೆ…! ಸಮುದಾಯ ಕಾಲೇಜ್ ಒಂದರಲ್ಲಿ ಪದವಿ ಪಡೆದ..! ಆ ಪದವಿ ಪಡೆದ ನಾಲ್ಕು ವರ್ಷದ ನಂತರ ಲಾಸ್ ಏಂಜೆಲ್ಸಿನ `ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯದಿಂದ’ `ಗಣಿತಶಾಸ್ತ್ರ’ದಲ್ಲಿ ಪದವಿ ಪಡೆದ. ಅಯ್ಯೋ ಇದರಲ್ಲೇನಿದೆ ಅಂತೀರಾ..?! ಸಾರ್, ಅವನು ಪದವಿ ಪಡೆದಿದ್ದರಲ್ಲಿ ಏನೇನೂ ವಿಶೇಷ ಇಲ್ಲ..! ಅಚ್ಚರಿ, ವಿಶೇಷ ಅಂದ್ರೆ, ಅವನು ಮೊದಲ ಪದವಿಯನ್ನು ಪಡೆಯುವಾಗ ಕೇವಲ 11 ವರ್ಷದವನಾಗಿದ್ದ..! ನಾಲ್ಕು ವರ್ಷದ ನಂತರ ಗಣಿತಶಾಸ್ತ್ರದಲ್ಲಿ ಪದವಿ ಪಡೆಯುವಾಗ ಕೇವಲ ಹದಿನೈದೇ ವರ್ಷ..!
ಈಗ ಈತನಿಗೆ ಹದಿನೇಳು ವರ್ಷ ಬೋಸ್ಟನ್ ನ ಬ್ರಾಂಡೀಸ್ ಯೂನಿವರ್ಸಿಟಿಯಲ್ಲಿ ಸೈಬರ್ ಸೆಕ್ಯುರಿಟಿ ವಿಷಯದಲ್ಲಿ ಸ್ನಾತಕೋತ್ತರ ಪದವಿಯನ್ನು ಪಡೀಬೇಕು ಅಂತ ಅನ್ಕೊಂಡಿದ್ದ..! ಅದಕ್ಕಾಗಿಯೇ ಆನ್ಲೈನ್ ತರಬೇತಿಗೆ ಸೇರಿಕೊಂಡಿದ್ದ..! ಹೀಗಿರುವಾಗಲೇ ಅವನೇ ಆಶ್ಚರ್ಯಪಡುವಂತೆ ಬಾಹ್ಯಕಾಶ ಸಂಶೋಧನಾ ಸಂಸ್ಥೆ `ನಾಸಾ’ದಿಂದ “ವಿಮಾನ ಮತ್ತು ಡ್ರೋನ್ಗಳ ಕಣ್ಗಾವಲು ತಾಂತ್ರಿಕ ವಿಭಾಗದಲ್ಲಿ ಕೆಲಸ ಮಾಡುವಂತೆ ಆಹ್ವಾನ ಬಂತು..! ಆದ್ದರಿಂದ ಸ್ನಾತಕೋತ್ತರ ಪದವಿ ಮಾಡೋ ಯೋಚನೆಯನ್ನು ಸಧ್ಯಕ್ಕೆ ದೂರ ಮಾಡಿ ನಾಸಾದಲ್ಲಿ ಕೆಲಸ ಮಾಡಲು ಹೊರಟು ಹೋದ(ರು)..! ನೆನಪಿರಲಿ, ನಾಸಕ್ಕೆ ಹೊರಟ ಈ ಹುಡುಗನಿಗಿನ್ನೂ 17 ವರ್ಷ..!
ಆಕಾಶದಲ್ಲಿ ವಿಮಾನವನ್ನೂ ಹಾರಿಸಬಲ್ಲ ಈ 17ರ ಪೋರ.., ಈ ವರ್ಷದ ಅಂತ್ಯದೊಳಗೆ ಪೈಲೆಟ್ ಪರವಾನಿಗೆಯನ್ನು ಪಡೆಯಬೇಕೆಂಬ ಕನಸನ್ನು ಕಂಡಿದ್ದಾನೆ(ರೆ)..! ಲಾಸ್ ಏಂಜೆಲ್ಸ್ ಬಳಿಯ ಇವರ ಮನೆಗೆ ಹೋದರೆ, ಇವರು ಪಡೆದ ಕ್ರೀಡಾ ಪ್ರಶಸ್ತಿಗಳು, ಪದಕಗಳು, ಶೀಲ್ಡ್ ಗಳು, ಮಾರ್ಷಲ್ ಆರ್ಟ್ ನಲ್ಲಿಪಡೆದ ಪ್ರಶಸ್ತಿಗಳನ್ನೂ ನೋಡಬಹದು..!
ಇವರ ತಾಯಿ ಥೈವಾನಿನವರು, ತಂದೆ ಬ್ರೆಜಿಲ್ಲಿನವರು. ಕ್ಯಾವೆಲಿನ್ರಿಗೆ ಅವರ ಸಾಧನೆ ಬಗ್ಗೆ ಕೇಳಿದ್ರೆ..””ನಾನು ಎಲ್ಲರಂತೆ ಸಾಮಾನ್ಯನೇ.. ಅಪ್ಪ ಅಮ್ಮನ ಪ್ರೋತ್ಸಾಹದಿಂದ ಶೈಕ್ಷಣಿಕ ಮತ್ತು ಪಠ್ಯೇತರ ಚಟುವಟಿಕೆಗಳಲ್ಲಿ ಇಷ್ಟೊಂದು ಸಾಧನೆ ಮಾಡಲು ಸಾಧ್ಯವಾಗಿದೆ.. ನಾನು ಎಂದೂ ಅಸಮಾನ್ಯ ಪ್ರತಿಭಾವಂತನೆಂದು ಭಾವಿಸಿಲ್ಲ.” ಅಂತಾರೆ..!
ಕ್ಯಾವೆಲಿನ್ನರ ತಾಯಿ ಮಗನ ಬಗ್ಗೆ ಮಾತನಾಡ್ತಾ..”ನನ್ನ ಮಗ ಎಲ್ಲರಂತೆ ಸಾಮಾನ್ಯ ಹುಡುಗನೇ..! ಆದರೆ ಬೇಗ ಬೇಗ ಕಲಿಯುತ್ತಾನೆ..! ತುಂಬಾ ಚುರುಕಾಗಿದ್ದಾನೆ..! ಅವನು ನಾಲ್ಕು ತಿಂಗಳ ಮಗುವಾಗಿದ್ದಾಗನೇ ಆಕಾಶದಲ್ಲಿ ಹೋಗ್ತಾ ಇದ್ದ ಜೆಟ್ ಅನ್ನು ನಮಗೆ ತೋರಿಸಿದ್ದ..! ಚೀನಿ ಭಾಷೆಯಲ್ಲಿ ವಿಮಾನಕ್ಕಿರುವ ಪದವನ್ನೇ ಆತ ಮೊಟ್ಟಮೊದಲ ಬಾರಿ ಉಚ್ಚರಿಸಿದ್ದು..! ಏಳನೇ ವರ್ಷದವನಿರುವಾಗಲೇ ಟ್ರಿಗ್ನೋಮೇಟ್ರಿ ಕಲಿತಿದ್ದ..! ಅವನು ಶಾಲೆಯಲ್ಲಿ ಕಲಿತಿದ್ದಕ್ಕಿಂತ ಮನೆಯಲ್ಲಿ ಕಲಿತಿದ್ದೇ ಹೆಚ್ಚು…”! ಅಂತಾರೆ.
ಕ್ಯಾವೆಲಿನ್ನ ಗಣಿತ ಪ್ರಾಧ್ಯಪಕರಾದ ಪ್ರೊ. ಡೇನಿಯಲ್ ಜಜ್ ” ಕ್ಯಾವೆಲಿನ್ ಜನ್ಮತಃ ಪ್ರತಿಭಾವಂತ ಎಂದು ಬಹಳಷ್ಟು ಜನ ಭಾವಿಸ್ತಾರೆ..! ಅಂಥಹ ಪ್ರತಿಭೆ ಸ್ವಾಭಾವಿಕವಾಗಿಯೇ ಬರುತ್ತೆ..! ನಿಜ, ಆದರೆ ಈತ ಎಲ್ಲಾ ವಿದ್ಯಾರ್ಥಿಗಳಿಗಿಂತ ಹೆಚ್ಚಿಗೆ ಶ್ರಮವಹಿಸಿ ಕಲಿಯುತ್ತಾನೆ” ಅಂತ ಅಭಿಪ್ರಾಯ ಪಡ್ತಾರೆ..!
ಫ್ರೆಂಡ್ಸ್ ಕೇಳಿದ್ರಲ್ಲಾ.. ಕ್ಯಾವೆಲಿನ್ ಸ್ಟೋರಿಯನ್ನಾ..! 17ನೇ ವಯಸ್ಸಲ್ಲೇ ಎರಡೆರಡು ಪದವಿ ಮಾಡ್ಕೊಂಡು..! ವಿಮಾನವನ್ನೂ ಹಾರಿಸಬಲ್ಲವನಾಗಿ.., ಈಗ ನಾಸಾದಲ್ಲಿ ಕೆಲಸಗಿಟ್ಟಿಸಿಕೊಂಡಿರೋ ಈ ಪೋರನ ಬಗ್ಗೆ ಈಗ ನೀವೇನಂಥೀರಾ..?!
- ಶಶಿಧರ ಡಿ ಎಸ್ ದೋಣಿಹಕ್ಲು
If you Like this Story , Like us on Facebook The New India Times
www.facebook.com/thenewindiantimes
TNIT Whats App No : 97316 23333
Send Your Stories to : [email protected]
purchase atorvastatin pills buy atorvastatin 40mg sale lipitor 10mg drug