ಇಂಗ್ಲೆಂಡ್ ಪ್ರವಾಸದಲ್ಲಿರುವ ಭಾರತದ ಪ್ರಧಾನಿ ನರೇಂದ್ರ ಮೋದಿಯವರು ನಿನ್ನೆ ವಿಂಬ್ಲೆ ಸ್ಟೇಡಿಯಂನಲ್ಲಿ `ಇಮ್ರಾನ್ ಖಾನ್’ರನ್ನು ಹೊಗಳಿದ್ದಾರೆ..! ಭಾರತದ ಬಗ್ಗೆ ಮಾತಾಡ್ತಾ ಇಮ್ರಾನ್ ಖಾನ್ ರನ್ನು ಏಕೆ ಹೊಗಳಿದ್ದಾರೆಂದು ಆಶ್ಚರ್ಯಪಡಬೇಡಿ..! ಹಾಗೆಯೇ ಕೋಪ ಮಾಡಿಕೊಳ್ಳಬೇಡಿ..! ಮೋದಿ ಇಮ್ರಾನ್ ಖಾನ್ ರವರನ್ನು ಮೆಚ್ಚಿ ಮಾತನಾಡಿದ್ದಲ್ಲದೇ ನಾವೆಲ್ಲಾ ತಿಳಿಯಲೇ ಬೇಕಾದ 8 ಸಂಗತಿಗಳನ್ನು ತಿಳಿಸಿದ್ದಾರೆ..! ಅಂದಹಾಗೆ ಈ ಇಮ್ರಾನ್ ಖಾನ್ ಪಾಕಿಸ್ತಾನದ ಮಾಜಿ ವೇಗದ ಬೌಲರ್ ಅಲ್ಲ..! ಪಾಕ್ ನ ಆ ಕ್ರಿಕೆಟಿಗರಿಂತಲೂ ಈ ಇಮ್ರಾನ್ ಖಾನ್ ತುಂಬಾನೇ ವಿಭಿನ್ನರು..! ಮೋದಿ ಹೊಗಳಿದ್ದೂ ಪಾಕ್ ಇಮ್ರಾನ್ ಖಾನ್ ನ್ನಲ್ಲ..! ಭಾರತದ ಯುವಕ “ಇಮ್ರಾನ್ ಖಾನ್’ರನ್ನು..! ಆ ಇಮ್ರಾನ್ ಖಾನ್ ಯಾರೂ, ಅವರನ್ನು ಮೋದಿ ಇಂಗ್ಲೆಂಡಿನಲ್ಲಿ ಹೊಗಳಿದ್ದೇಕೆ..?! ಇಮ್ರಾನ್ ಖಾನ್ ಬಗ್ಗೆ ನಾವೆಲ್ಲಾ ತಿಳಿಯಲೇ ಬೇಕಾದ 08 ಸಂಗತಿಗಳಾವುವು ಅನ್ನುವುದರ ಫುಲ್ ಡೀಟೈಲ್ಸ್ ಇಲ್ಲಿದೆ..!
ಈ ಯುವ ಇಮ್ರಾನ್ ಖಾನ್ ರಾಜಸ್ತಾನದ ಅಲ್ವಾರ್ ದವರು. ಇವರು ಸರಿ ಸುಮಾರು 50 ಮೊಬೈಲ್ ಅಪ್ಲಿಕೇಷನ್ ಗಳನ್ನು ಅಭಿವೃದ್ಧಿ ಪಡಿಸಿದ್ದಾರೆ..! ತಾನು ಅಭಿವೃದ್ಧಿ ಪಡಿಸಿರೋ ಅಪ್ಲಿಕೇಷನ್ ಗಳನ್ನು ವಿದ್ಯಾರ್ಥಿಗಳಿಗೆ ಉಚಿತವಾಗಿ ನೀಡಿದ್ದಾರೆ..! ಇವರ ಬಗ್ಗೆ ತುಂಬಾ ಜನರಿಗೆ ಗೊತ್ತೇ ಇಲ್ಲದ ಮಾಹಿತಿಯನ್ನು ಮೋದಿ ಇಂಗ್ಲೆಂಡಿ ನಲ್ಲಿ ಹೇಳಿದ್ದಾರೆ..! ಮೋದಿಯವರು ಹೇಳಿದ ಆ 08 ವಿಷಯಗಳು ಇಲ್ಲಿವೆ..!
1. ಇಮ್ರಾನ್ ಖಾನ್ ರವರು ಸರ್ಕಾರಿ ಸಂಸ್ಕೃತ ಪ್ರೌಡಶಾಲೆಯಲ್ಲಿ ಗಣಿತ ಶಿಕ್ಷಕರು. ಇವರು ಕೇವಲ ಮೂರು ವರ್ಷಕ್ಕೂ ಕಡಿಮೆ ಅವಧಿಯಲ್ಲಿ 50 ಆ್ಯಪ್ ಗಳನ್ನು ಅಭಿವೃದ್ಧಿ ಪಡಿಸಿದ್ದಾರೆ..!
2. ಕಂಪ್ಯೂಟರ್ ವಿಷಯದಲ್ಲಿ ಔಪಚಾರಿಕ ಶಿಕ್ಷಣವನ್ನು ಪಡೆಯದ ಇಮ್ರಾನ್ ಖಾನ್ ಅವರು ಒಬ್ಬಂಟಿಗನಾಗಿ ಆ್ಯಪ್ ಗಳನ್ನು ಅಭಿವೃದ್ಧಿ ಪಡಿಸಿದ್ದಾರೆ..! ಇವರು ಗೂಗಲ್ ಮತ್ತು ಪುಸ್ತಕಗಳ ಸಹಾಯದಿಂದ ಎಲ್ಲಾ ವಿಚಾರಗಳನ್ನು ತಿಳಿದಿದ್ದಾರೆ..! ಇವರ ಕಿರಿಯ ಸೋದರ ಕಂಪ್ಯೂಟರ್ ಸೈನ್ಸ್ ಇಂಜಿನಿಯರ್ ಆಗಿದ್ದಾರೆ. ಅವರ ಪುಸ್ತಕಗಳುಕೂಡ ಇವರು ಆ್ಯಪ್ ಗಳನ್ನು ಅಭಿವೃದ್ದಿ ಪಡಿಸಲು ನೆರವಾಗಿವೆ..!
3. 2005ಕ್ಕೂ ಮೊದಲೇ ಇಮ್ರಾನ್ ಖಾನ್ ಹೆಚ್ಟಿಎಂಎಲ್ ಕಲಿತು ಅವರೇ ಸ್ವಂತ ವೆಬ್ಸೈಟ್ ವಿನ್ಯಾಸವನ್ನು ಮಾಡಿದ್ದರು..!(ತಿತಿತಿ.ರಣಚಿಟಞ.ಛಿಠಟ)
4. ಈ ವೆಬ್ ಸೈಟ್ ನಲ್ಲಿ ಅವರನ್ನ ಅವರು ವೆಬ್ ಡೆವಲಪ್ಪರ್ ಎಂದು ಪರಿಚಯಿಸಿಕೊಂಡಿದ್ದರು..!
5. 2014ರಲ್ಲಿ ಮಸ್ಸೂರಿಯ ಲಾಲ್ ಬಹುದ್ದೂರ್ ಶಾಸ್ತ್ರೀ ನ್ಯಾಷನಲ್ ಅಕಾಡಮೆ ಆಫ್ ಅಡ್ಮಿನಿಸ್ಟ್ರೇಷನ್ ನಲ್ಲಿ ನಡೆದ ರಾಷ್ಟ್ರಮಟ್ಟದ ವಿಚಾರ ಸಂಕಿರಣದಲ್ಲಿ ಒಂದು ಅವಧಿಯಲ್ಲಿ ಇವರು ವಿಚಾರ ಸಂಕಿರಣವನ್ನು ಮಾಡಿದ್ದರು..! ಈ ಸೆಮಿನಾರಿನಲ್ಲಿ ವೀಕ್ಷಕರಾಗಿದ್ದವರು ಐಎಎಸ್ ಅಧಿಕಾರಿಗಳು..!
6. ಇವರು ಮೊದಲು ಅಭಿವೃದ್ಧಿ ಪಡಿಸಿದ ಆ್ಯಪ್ ಎನ್ಸಿಇಆರ್ಟಿ. ಇದು 9ನೇ ತರಗತಿಯ ವಿದ್ಯಾರ್ಥಿಗಳಿಗೆ ವಿಜ್ಞಾನ ಕಲಿಯಲು ಸಹಕಾರಿ ಆಗುವ ಆ್ಯಪ್ ಆಗಿತ್ತು..! ಇದನ್ನು ಅಭಿವೃದ್ಧಿ ಪಡಿಸಿದ್ದು 2012ರ ಮೊದಲೇ..! ಅಲ್ಲಿಂದ ಇಲ್ಲಿಯವರೆಗೆ ಇವರು ಹಿಂತಿರುಗಿ ನೋಡಿಲ್ಲ..!
7. ಇವರು ಅಭಿವೃದ್ಧಿ ಪಡಿಸಿರೋ ಆ್ಯಪ್ ಅನ್ನು 2.5 ಮಿಲಿಯನ್ ಜನ ಡೌನ್ಲೋಡ್ ಮಾಡಿಕೊಂಡಿದ್ದಾರೆ..! ಈ ಆ್ಯಪ್ನ ಸ್ಕ್ರೀನ್ ವೀವರ್ಸ್ ಸಂಖ್ಯೆ 19 ಮಿಲಿಯನ್..!
8. ಇದನ್ನು ಹೊರತುಪಡಿಸಿದರೆ ಇವರ ಬಹಳಷ್ಟು ಸಾಮಾನ್ಯ ವಿಜ್ಞಾನ ಆ್ಯಪ್ ಗಳು 500000 ಡೌನ್ಲೋಡ್ ಆಗಿವೆ..!
ಇಂಗ್ಲೆಂಡಿನ ಅತೀ ದೊಡ್ಡ ಸ್ಟೇಡಿಯಂ ವಿಂಬ್ಲೆ ಯಲ್ಲಿ ನಿಂತು ನಮ್ಮ ಪ್ರಧಾನಿ ಮೋದಿಯವರು ಭಾರತದ ಬಗ್ಗೆ ಹೆಳುತ್ತಾ.. ಹೀಗೆ ಈ ಇಮ್ರಾನ್ ಖಾನ್ ಅವರನ್ನು ಜಗತ್ತಿಗೇ ಪರಿಚಯಿಸಿ “ನನ್ನ ಭಾರತದಲ್ಲಿ ಇಮ್ರಾನ್ರಂತಹ ಲೆಕ್ಕವಿಲ್ಲದಷ್ಟು ಜನರು ವಾಸಿಸುತ್ತಿದ್ದಾರೆ” ಅಂತ ಬಹಳ ಹೆಮ್ಮೆಯಿಂದ ನುಡಿದಿದ್ದಾರೆ..!
ನಾವು ಭಾರತೀಯರು ಅಂತ ಹೇಳಿಕೊಳ್ಳೋಕೆ ಎಷ್ಟೊಂದು ಹೆಮ್ಮೆ ಆಗುತ್ತೆ ಅಲ್ವೇ..?! ನಾನು ಹೆಮ್ಮೆಯಿಂದ ಹೇಳಿಕೊಳ್ಳುತ್ತೇನೆ..! ನಾನು ಭಾರತೀಯ.. ಭಾರತ ನನ್ನ ದೇಶ..!
- ಶಶಿಧರ ಡಿ ಎಸ್ ದೋಣಿಹಕ್ಲು
Like us on Facebook The New India Times
www.facebook.com/thenewindiantimes
TNIT Whats App No : 97316 23333
Send Your Stories to : tnitkannada@gmail.com
POPULAR STORIES :
ಕರ್ನಾಟಕ ಸರ್ಕಾರಕ್ಕೆ ಜನಸಾಮಾನ್ಯನ ಪ್ರಶ್ನೆಗಳು..! ಕನಿಷ್ಟ ಕಾಕತಾಳೀಯ ಅಂತಾದ್ರೂ ಹೇಳಿ..! ಸಮಾಧಾನ ಮಾಡ್ಕೋತೀವಿ..!
ಊಟಕ್ಕೆ ಆರ್ಡರ್ ಮಾಡಿದವಳು ಬೆಂಗಳೂರನ್ನೇ ಬಿಟ್ಟು ಹೋಗಿದ್ದೇಕೆ..?
ಇವರು ಬೆಂಗಳೂರಿನ ಉಕ್ಕಿನ ಮನುಷ್ಯ..! ಇಂಥಾ ಕೆಲಸ ಮಾಡೋರು ತುಂಬಾ ಅಪರೂಪ..!
ಈತನೇ ನೋಡಿ ವಿಶ್ವದ ಅತಿ ಶ್ರೀಮಂತ ಕ್ಷೌರಿಕ..! ಈತನ ಬಳಿ ಇವೆ 250ಕ್ಕೂ ಹೆಚ್ಚು ಐಶಾರಾಮಿ ಕಾರುಗಳು..!
ವಿದೇಶಿಯರ ಬಾಯಲ್ಲೂ ಕನ್ನಡ ಕನ್ನಡ ಕನ್ನಡ..! ವಿದೇಶಿ ಮಹಿಳೆಯೊಬ್ಬರು ಹಚ್ಚೇವು ಕನ್ನಡದ ದೀಪ.. ಅಂತ ಹಾಡ್ತಾ ಇದ್ದಾರೆ..!
ಲಾಭದಾಯಕ ಕೆಲಸವನ್ನು ಬಿಟ್ಟು ಬಂದವರು..! ಅಷ್ಟಕ್ಕೂ ಇವರೆಲ್ಲಾ ಕೆಲಸ ಬಿಟ್ಟಿದ್ದೇಕೆ ಗೊತ್ತಾ..?!
ಅಲ್ಲಿ ಏನೆಲ್ಲಾ ಬಾಡಿಗೆ ಸಿಗುತ್ತೆ ಗೊತ್ತಾ..? ಜಪಾನಿಗರ ಬಾಡಿಗೆ ಪ್ರೀತಿ..!
ನಮ್ಮ ಶಂಕ್ರಣ್ಣ ಇನ್ನೂ ಇರಬೇಕಾಗಿತ್ತು..! ಹುಟ್ಟು ಹಬ್ಬದ ಶುಭಾಶಯಗಳು ಶಂಕ್ರಣ್ಣ..! ಶಂಕರ್ ನಾಗ್ ಮತ್ತೆ ಹುಟ್ಟಿಬನ್ನಿ…
ಆಕೆಗೂ ತಾನು ಗರ್ಭಿಣಿ ಅಂತ ಗೊತ್ತೇ ಇರ್ಲಿಲ್ಲ..! ಇದ್ದಕ್ಕಿದ್ದಂತೆ ಮಗು ಹುಟ್ಟಿ ಬಿಡುತ್ತೆ..!
ಒಂಬತ್ತು ವರ್ಷದ ಪೋರ ಕಂಪನಿಯೊಂದರ ಸಿಇಒ..! ಈ ಪೋರ ಆ್ಯಪ್ ಡೆವಲಪರ್, ಸೈಬರ್ ಸೆಕ್ಯುರಿಟಿ ಎಕ್ಸ್ ಪರ್ಟ್..!
