ಬೆಂಗಳೂರಿನಲ್ಲಿ ಬೈಕ್ ಟ್ಯಾಕ್ಸಿ ಸೇವೆ ಬಳಸಬೇಡಿ ಎಂದು ಹೇಳಿದ ಸಾರಿಗೆ ಇಲಾಖೆ..!

ಬೆಂಗಳೂರಿನ ಜನಕ್ಕೆ ಕಳೆದ ದಿನ ಓಲಾ ಮತ್ತು ಉಬರ್ ಬೈಕ್ ಟ್ಯಾಕ್ಸಿ ಸೇವೆ ಕೇಳಿ ತುಂಬ ಸಂತಸದಲ್ಲಿದ್ದರು. ಆದರೆ ಇಂದು ಆ ಬೈಕ್ ಸೇವೆ ಅಕ್ರಮ ಓಲಾ ಮತ್ತು ಊಬರ್ ಬೈಕ್ ಟ್ಯಾಕ್ಸಿ ಸೇವೆಯನ್ನು ಬಳಸಬೇಡಿ ಎಂದು ಸಾರಿಗೆ ಇಲಾಖೆ ಜನರಿಗೆ ಮನವಿ ಮಾಡಿದ್ದು, ಈ ಕುರಿತು ಪತ್ರಿಕಾ ಪ್ರಕಟಣೆ ಬಿಡುಗಡೆ ಮಾಡಿದೆ. ಬೈಕ್‌ನಲ್ಲಿ ಸಂಚರಿಸುವಾಗ ಯಾವುದೇ ಅಪಘಾತ ನಡೆದರೆ ವಿಮೆ ಸೌಲಭ್ಯ ಸಿಗುವುದಿಲ್ಲ ಎಂದು ಇಲಾಖೆ ಸ್ಪಷ್ಟಪಡಿಸಿದೆ. ಈ ಎರಡೂ ಕಂಪನಿಗಳು ಯಾವುದೇ ರೀತಿಯ ಪರವಾನಿಗಿಯನ್ನು ಸಾರಿಗೆ ಇಲಾಖೆಯಿಂದ ಪಡೆಯದೇ ಈ ಸೇವೆಯನ್ನ ಆರಂಭಿಸಲು ಸಿದ್ದವಾಗಿದೆ. ಬೈಕ್ ಟ್ಯಾಕ್ಸಿ ಯಲ್ಲಿ ನಾಗರೀಕರು ಸಂಚಾರ ಮಾಡದಂತೆ ಎಚ್ಚರಿಕೆ ನೀಡಿದೆ. ಕರ್ನಾಟಕ ಸರ್ಕಾರದನ್ವಯ ಜಾರಿಯಲ್ಲಿರುವ 1988ರ ಮೊಟಾರ್ ವಾಹನ ಕಾಯಿದೆಯಡಿ ಎರಡೂ ಕಂಪನಿಗಳ ವಿರುದ್ದ ಕ್ರಮ ಕೈಗೊಳ್ಳುವುದಾಗಿ ಇಲಾಖೆ ಹೇಳಿದ್ದು ದ್ವಿಚಕ್ರ ವಾಹನ ಖಾಸಗಿ ಸಾರಿಗೆ ಎಂದು ಪರಿಗಣಿಸಲಾಗಿದೆ. ಓಲಾ ಬೈಕ್ ಟ್ಯಾಕ್ಸಿ ಮತ್ತು ಉಬರ್ ಮೊಟೊ ಈ ಸೇವೆಯಿಂದ ದೂರ ಉಳಿಯಬೇಕು ಎಂದು ಆದೇಶಿಸಿದೆ.

ಓಲಾ’ ಕ್ಯಾಬ್ ಸೇವಾ ಸಂಸ್ಥೆಯು ದೇಶದಲ್ಲಿ ಮೊದಲ ಬಾರಿಗೆ ನಗರದಲ್ಲಿ ‘ಬೈಕ್ ಟ್ಯಾಕ್ಸಿ’ ಸೇವೆಯನ್ನು ಬೆಂಗಳೂರಿನಲ್ಲಿ ಮಾರ್ಚ್ 2 ರಿಂದ ಈ ಸೇವೆಯನ್ನು ಅರಂಭಿಸಿತ್ತು. ಗ್ರಾಹಕರ ಪ್ರತಿಕ್ರಿಯೆ ಆಧರಿಸಿ ಉಳಿದ ನಗರಗಳು, ರಾಜ್ಯಗಳಿಗೆ ಈ ಸೇವೆಯನ್ನು ವಿಸ್ತರಿಸಲಾಗುವುದು ಹೇಳಿತ್ತು.