ಕೂದಲು ಉದುರುವುದು ಇತ್ತೀಚೆಗೆ ಬಹುತೇಕ ಜನರನ್ನು ಕಾಡುತ್ತಿರುವ ಅತಿ ದೊಡ್ಡ ಸಮಸ್ಯೆಯಾಗಿದೆ. ಧೂಳು, ಪೋಷಕಾಂಶದ ಕೊರತೆ, ಅನಾರೋಗ್ಯ, ಮಾನಸಿಕ ಒತ್ತಡ ಮುಂತಾದ ಕಾರಣಗಳಿಂದ ಕೂದಲು ಉದುರುತ್ತದೆ.
ಕೂದಲು ಉದುರುವುದನ್ನು ತಡೆಗಟ್ಟಲು ಹೀಗೆ ಮಾಡಿ
ತಲೆಗೆ ಮಸಾಜ್ ಮಾಡುವುದು, ವಾರಕ್ಕೊಮ್ಮೆ ಈರುಳ್ಳಿ ರಸ ಹಾಕುವುದು, ತಲೆಹೊಟ್ಟು ಕಾಣಿಸಿದರೆ ಮೊಸರು ಹಚ್ಚಿ ಸ್ವಲ್ಪ ಹೊತ್ತಿನ ಬಳಿಕ ತಲೆಸ್ನಾನ ಮಾಡುವುದು ಮಾಡಬೇಕು.
ಒದ್ದೆ ಕೂದಲನ್ನು ಡ್ರೈಯರ್‌ ಬಳಸಿ ಒಣಗಿಸಬೇಡಿ, ವಾತಾವರಣದ ಉಷ್ಣತೆಯಲ್ಲೇ ಕೂದಲು ಒಣಗಲು ಬಿಡಿ. ಒದ್ದೆ ಕೂದಲನ್ನು ಬಿಗಿದು ಕಟ್ಟಬೇಡಿ.
ಕೂದಲಿಗೆ ರಾಸಾಯನಿಕ ಬಣ್ಣ ಹಚ್ಚುವುದು, ಕೂದಲನ್ನು ಸ್ಟ್ರೈಟ್ನಿಂಗ್ ಮಾಡುವುದು, ನಂತರ ಕರ್ಲಿಂಗ್‌ ಮಾಡುವುದು ಮಾಡ್ತಾ ಇರಬೇಡಿ. ಇದರಿಂದ ಕೂದಲಿಗೆ ಹಾನಿಯುಂಟಾಗುತ್ತದೆ.
ಹಾರ್ಮೋನ್‌ಗಳ ವ್ಯತ್ಯಾಸ ಉಂಟಾದಾಗ ಕೂದಲು ಉದುರುತ್ತದೆ. ಆದ್ದರಿಂದ ವಿಪರೀತ ಕೂದಲು ಉದುರುತ್ತಿದ್ದರೆ ವೈದ್ಯರ ಸಲಹೆ ಪಡೆಯುವುದು ಒಳ್ಳೆಯದು.
ಧೂಮಪಾನ, ಮದ್ಯಪಾನ, ಅತ್ಯಧಿಕ ಕೆಫೀನ್ ಆಹಾರ ಸೇವನೆಯಿಂದ ದೂರವಿದ್ದರೆ ಕೂದಲಿನ ಆರೋಗ್ಯ ಹೆಚ್ಚುವುದು.
