ಮಹಿಳೆಯರ ಮೇಲೆ ಅತ್ಯಾಚಾರ, ಕೊಲೆ ಪ್ರಕರಣಗಳು ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿವೆ. ಮಹಿಳಾ ಸುರಕ್ಷತೆ ಬಗ್ಗೆ ಎಲ್ಲೆಡೆ ಭಾರೀ ಮಟ್ಟದಲ್ಲಿ ಚರ್ಚೆಯಾಗುತ್ತಿದೆ. ಈ ಬೆನ್ನಲ್ಲೇ ಕೇರಳದಲ್ಲಿ ಮಹಿಳಾ ಪ್ರವಾಸಿಗರಿಗೆಂದೇ ವಿಶೇಷವಾದ `ಪಿಂಕ್ ರೂಂ’ ಯೋಜನೆ ರೂಪುತಾಳಲು ರೆಡಿಯಾಗಿದೆ.
ಮಹಿಳಾ ಪ್ರವಾಸಿಗರಿಗೆಂದೇ `ಪಿಂಕ್ ರೂಂ’ಗಳನ್ನು ಪರಿಚಯಿಸಲಾಗಿದೆ. ಮಹಿಳಾ ಪ್ರಯಾಣಿಕರ ಭದ್ರತೆಯನ್ನೇ ಪ್ರಮುಖ ಆದ್ಯತೆಯಾಗಿಟ್ಟುಕೊಂಡು ಈ ವಿನೂತನ ಕಲ್ಪನೆಯನ್ನು ಹುಟ್ಟುಹಾಕಲಾಗಿದೆ.
ಸ್ವಿಟ್ಜಲೆರ್ಂಡ್ ಮೂಲದ, ಕೇರಳದ ತಿರುವನಂತಪುರಂನಲ್ಲಿ ವಾಸವಿರುವ ಕ್ರೈಸ್ಟ್ ಜಾನ್ಸನ್ ಪಿಂಕ್ ರೂಂ ಪರಿಕಲ್ಪನೆ ರುವಾರಿ. ಸರ್ವೀಸ್ ಅಪಾಟ್ಮೆಂಟ್ ಇದಾಗಿದ್ದು, ಮಹಿಳೆಯರ ವಿರುದ್ಧ ಅಪರಾಧ ಪ್ರಕರಣಗಳು ಹೆಚ್ಚುತ್ತಿರುವುದರಿಂದ ಈ ಪರಿಕಲ್ಪನೆ ಪರಿಚಯಿಸಿದ್ದಾರೆ. ಪಿಂಕ್ ರೂಂನಲ್ಲಿ ಮಹಿಳೆಯರ ಭದ್ರತೆಗೆ ಆದ್ಯತೆ ನೀಡಲಾಗಿದೆ. ನಿಶ್ಚಿಂತೆಯಿಂದ, ಸುರಕ್ಷಿತವಾಗಿರುವಂತೆ ಸೇವೆ ನೀಡುವುದು ಇದರ ಉದ್ದೇಶ ಎಂದು ಕ್ರೈಸ್ಟ್ ಜಾನ್ಸನ್ ತಿಳಿಸಿದ್ದಾರೆ.
Thiruvananthpuram: Christe Jhonson from Switzerland has started a 'Select Rooms' services dedicated only to women travellers, the serviced apartments are named 'Pink Rooms.' #Kerala pic.twitter.com/1TDY7HXpfk
— ANI (@ANI) November 30, 2019
ಸರ್ವೀಸ್ ಅಪಾಟ್ಮೆಂಟ್ಗಳಿಗೆ ಪಿಂಕ್ ರೂಂ ಎಂದು ಹೆಸರಿಡಲಾಗಿದೆ. ಮಹಿಳಾ ಸಬಲೀಕರಣದ ಉದ್ದೇಶವೂ ಈ ಯೋಜನೆಯಲ್ಲಿ ಅಡಗಿದೆ. ಮಹಿಳಾ ಪ್ರಯಾಣಿಕರಿಗμÉ್ಟೀ ಅಲ್ಲದೇ, ಬೇರೆ ಊರಿನಿಂದ ಒಬ್ಬರೇ ಬಂದು ತಂಗುವವರಿಗೂ ಈ ಸೇವೆ ಲಭ್ಯವಿದೆ. ಅಕುಲಂ ಟೂರಿಸ್ಟ್ ವಿಲೇಜಿನಲ್ಲಿ ಸದ್ಯಕ್ಕೆ ಈ ಸೇವೆ ಆರಂಭಿಸಲಾಗಿದೆ. ಐಟಿ ಪಾರ್ಕ್ ಗಳಿಗೆ ಹತ್ತಿರವಿರುವಂತೆ ಈ ಯೋಜನೆ ರೂಪಿತಗೊಂಡಿದೆ. ಎಲ್ಲರೂ ಮಹಿಳಾ ಸಿಬ್ಬಂದಿ : ಮಹಿಳೆಯರ ಭದ್ರತೆಯೇ ಇಲ್ಲಿ ಆದ್ಯತೆಯಾಗಿರುವುದರಿಂದ ಇಡೀ ಪಿಂಕ್ ರೂಂನಲ್ಲಿ ಮಹಿಳಾ ಸಿಬ್ಬಂದಿಯಷ್ಟೇ ಇರಲಿದ್ದಾರೆ. ಎಲ್ಲೆಡೆ ಸಿಸಿ ಟಿವಿ ಇರಲಿದೆ.
ಆಹಾರ, ಲಾಂಡ್ರಿ ಇನ್ನಿತರ ಸೇವೆಗಳು ಸಏರಿದಂತೆ ದಿನದ 24 ಗಂಟೆಯೂ ಎಲ್ಲಾ ಸೇವೆಗಳು ಅಪಾಟ್ಮೆಂಟಲ್ಲಿ ಲಭ್ಯವಿರುತ್ತದೆ. ತಾತ್ಕಾಲಿಕವಾಗಿ ನೆಲೆ ಬಯಸುವವರಿಗೂ ಈ ಅಪಾರ್ಟ್ ಮೆಂಟ್ ಅನುಕೂಲವಾಗಲಿದೆ.
