ಮೂರನೇ ಕ್ಲಾಸ್ ಹುಡುಗಿ ಗ್ರಂಥಪಾಲಕಿ..! ಕೊಳಗೇರಿ ಮಕ್ಕಳಿಗೆ ಗ್ರಂಥಾಲಯ ತೆರೆದ ಜಾಣೆ..!

ಆಕೆ ಅತ್ಯಂತ ಚಿಕ್ಕ ವಯಸ್ಸಿನ ಗ್ರಂಥಪಾಲಕಿ..! ಅವಳ ಮಣ್ಣಿನ ಗೋಡೆಯ ಮನೆಯೇ ಗ್ರಂಥಾಲಯ..! ಅಲ್ಲಿಗೆ ಓದಲು ಬರುವವರು ಕೊಳಗೇರಿ ಮಕ್ಕಳು..! ಅವರಿಗಾಗಿಯೇ ಪುಟ್ಟ ಬಾಲಕಿ ಗ್ರಂಥಾಲಯ ತೆರೆದಿದ್ದಾಳೆ..! ಆ ಬಾಲಕಿಗಿನ್ನೂ 9 ವರ್ಷ..!
ಮೂರನೇ ಕ್ಲಾಸ್ನಲ್ಲಿ ಓದ್ತಾ ಇರೋ ಆಕೆಯ ಹೆಸರು ಮುಸ್ಕಾನ್ ಅಹಿರ್ವಾರ್. ಭೋಪಾಲ್ ನ ದುರ್ಗಾನಗರದ ಕೊಳಗೇರಿಯಲ್ಲೊಂದು ಮಣ್ಣಿನ ಮನೆ..! ಅಪ್ಪ, ಬಡಗಿ, ಅಮ್ಮ ಗೃಹಿಣಿ..!
ಜನವರಿಯಲ್ಲಿ ರಾಜ್ಯ ಶಿಕ್ಷಣ ಕೇಂದ್ರ ಈ ಕೊಳಗೇರಿಯಲ್ಲಿ ವಿಶೇಷ ರೀತಿಯಲ್ಲಿ ಹೊಸ ವರ್ಷಾಚರಣೆ ಮಾಡಿತು..! ಆಗ ಪ್ರಶ್ನೋತ್ತಾರ ಸ್ಪರ್ಧೆಯೊಂದನ್ನು ಏರ್ಪಡಿಸಿತ್ತು..! ಅದರಲ್ಲಿ ಮುಸ್ಕಾನ ಗೆದ್ದಳು..! ಅದರಿಂದ ಪ್ರೇರಿತಳಾದ ಅವಳಲ್ಲಿ ಓದುವ ಆಸೆ ಹೆಚ್ಚಿತು..! ತನ್ನ ಸ್ನೇಹಿತರಲ್ಲೂ ಓದುವ ಆಸಕ್ತಿ ಕಂಡಳು..! ಅವರಿಗೂ ಪ್ರೋತ್ಸಾಹಿಸಿದಂತೆ ಆಗುತ್ತೆ, ನಾನೂ ಹೆಚ್ಚು ಹೆಚ್ಚು ಕಲಿತಂತೆ ಆಗುತ್ತೆ..! ನಮ್ಮ, ಸ್ಲಂ ಮಕ್ಕಳು ಜಾಣರಾಗ್ಲಿ ಅನ್ನೋ ಒಳ್ಳೆ ಆಸೆ ಅವಳಿಗೆ ಬಂದಿರಬೇಕು..! ಅವತ್ತೇ ಗ್ರಂಥಾಲಯ ನಿರ್ಮಿಸಿಯೇ ಬಿಟ್ಟಳು..!

ಅವಳ ಮನೆಯೇ ಗ್ರಂಥಾಲಯ..! ಸಂಜೆ ಶಾಲೆಯಿಂದ ಮನೆಗೆ ಬಂದವಳೇ ಮನೆಯ ಜಗಲಿ ಮೇಲೆ ಪುಸ್ತಕ ಭಂಡಾರ ತೆರೆಯುತ್ತಾಳೆ..! ಇತ್ತೀಚಿನ ಅಂಕೆ ಅಂಶಗಳ ಪ್ರಕಾರ 119 ಪುಸ್ತಕಗಳಿವೆ..! ಮದ್ಯಪ್ರದೇಶದ ರಾಜ್ಯ ಶಿಕ್ಷಾ ಕೇಂದ್ರ ಅಹಿರ್ವಾರ್ ಗ್ರಂಥಾಲಯಕ್ಕೆ ಪುಸ್ತಕ ಒದಗಿಸಿದ್ದಾರೆ..! ನಮ್ಮ ದೇಶದ ಇತಿಹಾಸ, ರಾಜ ಮಹಾರಾಜರ ಬಗ್ಗೆ, ಸಂಸ್ಕೃತಿ ಬಗ್ಗೆ ಎಲ್ಲರೂ ತಿಳಿ ಬೇಕು ಅನ್ನೋದು ಈ ಕಂದಮ್ಮನ ಆಸೆಯಂತೆ..! ಸ್ಲಂ ಮಕ್ಕಳು ಮನೆಗೆ ಪುಸ್ತಕ ತಗೊಂಡು ಹೋಗಿ ಓದಿ ತಂದು ಕೊಡ್ತಾರೆ…! ಕೆಲವರು ಅಲ್ಲೇ ಈ ಪುಟ್ಟ ಗ್ರಂಥಪಾಲಕಿ ಜೊತೆ ಓದ್ತಾರೆ..! ಅರ್ಥವಾಗದೇ ಇರೋದನ್ನು ಅವಳ ಬಳಿ ಅಥವಾ ಅವಳ ಅಕ್ಕನ ಬಳಿ ಕೇಳಿ ತಿಳಿದು ಕೊಳ್ತಾರೆ..!