ಚಾಮರಾಜಪೇಟೆಯ ಈದ್ಗಾ ಮೈದಾನಕ್ಕೆ ಮಕ್ಕಳು ಬರ್ತಿಲ್ಲ .

ವಿವಾದಿತ ಸುಳಿಯಲ್ಲಿ ಸಿಲುಕಿರುವ ಚಾಮರಾಜಪೇಟೆಯ ಈದ್ಗಾ ಮೈದಾನದಲ್ಲಿ ಕ್ರಿಕೆಟ್ ಆಡೋದಕ್ಕೂ ಮಕ್ಕಳಿಗೆ ಅಡ್ಡಿಯುಂಟಾಗಿದೆ. ವಿವಾದದಿಂದ ಚಾಮರಾಜಪೇಟೆ ಮೈದಾನದ ಕಡೆಗೆ ಮಕ್ಕಳು ಸುಳಿಯುತ್ತಿಲ್ಲ. ಹಿಂದೆ ಪ್ರತಿ ಭಾನುವಾರ ಹತ್ತಾರು ಸಂಖ್ಯೆಯಲ್ಲಿ ಮೈದಾನಕ್ಕೆ ಬಂದು ಮಕ್ಕಳು ಕ್ರಿಕೆಟ್ ಆಡುತ್ತಿದ್ದರು. ಇದೀಗ ವಿವಾದದ ಜೊತೆಗೆ ಪೊಲೀಸ್ ಬಂದೋ ಬಸ್ತ್ ಕೂಡ ಇರುವ ಹಿನ್ನೆಲೆ ಕೈ ಬೆರಳೆಣಿಕೆಯಷ್ಟು ಮಕ್ಕಳು ಮಾತ್ರ ಕ್ರಿಕೆಟ್ ಆಡುತ್ತಿದ್ದಾರೆ. ಉಳಿದಂತೆ ಇಡೀ ಮೈದಾನದ ಖಾಲಿ ಖಾಲಿಯಾಗಿದ್ದು, ಮೈದಾನ ಫುಲ್ ಬಿಕೋ ಎನ್ನುತ್ತಿದೆ. ಇನ್ನೂ ಚಾಮರಾಜಪೇಟೆಯ ಈದ್ಗಾ ಮೈದಾನದ ವಿವಾದ ಸಧ್ಯಕ್ಕೆ ಮುಗಿಯುವ ಹಂತ ಕಾಣಿಸುತ್ತಿಲ್ಲ. ಗಣೇಶೋತ್ಸವಕ್ಕೂ ಈದ್ಗಾ ಮೈದಾನದಲ್ಲಿ ಧರ್ಮದ ಕಿಡಿ ಹಬ್ಬುವ ಸಾಧ್ಯತೆ ಇದ್ದು, ಮೈದಾನದ ಸುತ್ತ ಹೆಚ್ಚಿನ ಬಂದೋಬಸ್ತ್ ಕೈಗೊಳ್ಳಲಾಗಿದೆ.