ಒಂದಷ್ಟು ಪ್ಯಾನ್ ಇಂಡಿಯಾ ಸಿನಿಮಾಗಳ ಅಬ್ಬರದ ನಡುವೆ , ವಿಕಿಪೀಡಿಯ ಚಿತ್ರ ಪ್ರೇಕ್ಷಕರಿಗೆ ಮನಗೆದ್ದಿದೆ . ಇಂದಿನ ಯುವಕ ಪೀಳಿಗೆಯ ಸುತ್ತ ಸಾಗುವ ಅಂಶಗಳನ್ನೊಳಗೊಂಡ ಈ ಚಿತ್ರ ಎಲ್ಲಾ ವರ್ಗದ ಜನರನ್ನು ಮನರಂಜಿಸುತ್ತಿದೆ. ಫ್ರೆಂಡ್ಸ್‌, ಫ್ಯಾಮಿಲಿ, ಲವ್‌, ಲೈಫ್ ಸ್ಟೈಲ್, ಕಮಿಟ್‌ಮೆಂಟ್‌ ಹೀಗೆ ಹತ್ತಾರು ವಿಷಯಗಳನ್ನೊಳಗೊಂಡ ನವಿರಾದ ಕಥೆಯನ್ನು ಮನಮುಟ್ಟುವಂತೆ ನಿರ್ದೇಶಕ ಸೋಮು ಹೊಯ್ಸಳ ಕಟ್ಟಿಕೊಟ್ಟಿದ್ದಾರೆ. ಕಿರುತೆರೆಯಿಂದ ಬೆಳ್ಳಿತೆರೆಗೆ ಎಂಟ್ರಿ ಕೊಟ್ಟಿರುವ ಯಶವಂತ್ ಅಭಿನಯ ನೋಡುಗರ ಗಮನಸೆಳೆಯುವಂತಿದೆ. ಮೊದಲ ಹೆಜ್ಜೆಯಲ್ಲಿ ಯಶವಂತ್ ಜನಮನ ಗೆದ್ದಿದ್ದಾರೆ . ಆಶಿಕಾ ಸೋಮಶೇಖರ್‌ ಮತ್ತು ಪೋಷಕ ಪಾತ್ರದಲ್ಲಿ ಮಂಜುನಾಥ್‌ ಹೆಗ್ಡೆ ಮನೋಜ್ಞವಾಗಿ ನಟಿಸಿದ್ದಾರೆ.
ರಫ್ ಕಟ್ ಪ್ರೊಡಕ್ಷನ್ ನಡಿ ನಿರ್ಮಾಣವಾಗಿರುವ ವಿಕಿಪೀಡಿಯ ಸಿನಿಮಾಗೆ ಚಿದಾನಂದ್ ಎಚ್‌.ಕೆ. ಛಾಯಾಗ್ರಹಣ, ರಾಕೇಶ್ ಮತ್ತು ನೀಲಿಮ ಸಂಗೀತ, ರವಿಚಂದ್ರನ್ ಸಿ ಸಂಕಲನವಿದೆ.
ಯಾವುದೇ ಒಂದು ಸಿನಿಮಾ ಎಲ್ಲಾ ಪ್ರಚಾರ ಆಚೆಗೂ ನೋಡುಗರ ಅಭಿಪ್ರಾಯದಿಂದಲೇ ಮನ ಸೆಳೆಯುವುದು. ಅದರಂತೆ ವಿಕಿಪೀಡಿಯ ಸಿನಿಮಾ ಕೂಡ ನೋಡುಗರನ್ನು ಆಕರ್ಷಿಸುತ್ತಿದೆ.
