ಹೀಗೂ ಉಂಟಾ.?

ಕಾಲಿಲ್ಲದೇ ಈಜುವ ಎಂಟರ ಪೋರ..! ಇವನಿಗೆ ಎರಡೂ ಕಾಲಿಲ್ಲ, ಆದರೆ ಈಜುವುದರಲ್ಲಿ ನಿಸ್ಸೀಮ..!

January 30, 2016

ನಿಮಗೆ ಸೆರಿಯನ್ ಕಿಲ್ಸೋ ಗೊತ್ತಾ..?! ಗೊತ್ತಿಲ್ಲದೇ ಇದ್ದರೆ ಗೊತ್ತು ಮಾಡಿಕೊಳ್ಳಿ..! ಇವನು ಇಂಗ್ಲೆಂಡಿನ ಬಾಲಕ. ಹುಟ್ಟುವಾಗಲೇ ಅನಾರೋಗ್ಯದಿಂದ ಬಳಲ್ತಾ ಇದ್ದ ಈತ, 8 ವರ್ಷದವನಿರುವಾಗ ಮೆದುಳಿಗೆ ಸಂಬಂಧಿಸಿದ ಸಮಸ್ಯೆಯಿಂದ ಎರಡೂ ಕಾಲುಗಳನ್ನು ಕಳೆದುಕೊಂಡ..! ಇತರ ಮಕ್ಕಳು ಆಡುವುದನ್ನು ಕಂಡು ನಾನೂ ಅವರಂತೆ ಆಡಬೇಕೆಂದು ಈ ಪುಟ್ಟ ಹುಡುಗನಿಗೆ ಅನಿಸಿತಾದರೂ ಆಡಲಿಕ್ಕೆ ಆ ದೇವರು ಕಾಲುಗಳನ್ನೇ ಕಿತ್ತುಕೊಂಡು ಬಿಟ್ಟಿದ್ದ..! ಆದರೂ ಹುಡುಗ ಎದೆಗುಂದಲಿಲ್ಲ..! ಸ್ನೇಹಿತರೆಲ್ಲಾ ಈಜುವುದನ್ನು ನೋಡಿ, ನಾನೂ ಈಜುತ್ತೇನೆಂದು ಹಠ ಹಿಡಿದ..! ಈಜಲು ಎಂಟರ ಪೋರನಿಗೆ ಕಾಲುಗಳೇ ಇರಲಿಲ್ಲ..! ಅವನ ಆಸೆಗೆ ನೀರೆರೆಯಲು ಅಪ್ಪ ಅಮ್ಮ ಕೂಡ ತುಂಬಾನೇ ಪ್ರಯತ್ನ ಪಟ್ಟರು..! ತಮ್ಮ ಮಗ ಈಜಿಯೇ ಈಜುತ್ತಾನಂತ ದೊಡ್ಡ ಕನಸನ್ನು ಕಂಡು, ಮಗ ಗುರಿ ಮುಟ್ಟಲು ಪ್ರೋತ್ಸಾಹ ಕೊಡ್ತಾರೆ..! ಕೃತಕ ಕಾಲನ್ನು ಜೋಡಿಸ್ತಾರೆ..! ಸಾಮಾನ್ಯ ಕೃತಕ ಕಾಲಿನಲ್ಲಿ ಈಜಲಾಗಲಿಲ್ಲ..! ಅದಕ್ಕಾಗಿ ಈಜುಕಾಲು (ಫ್ಲಿಪ್ಪರ್ಸ್)ಗಳನ್ನು ಅಳವಡಿಸಿದರು..! ಒಂದೇ ಒಂದು ವರ್ಷದಲ್ಲಿ ಸಾಮನ್ಯರಿಗಿಂತಲೂ ಸೊಗಸಾಗಿ ಈಜ ಬಲ್ಲವನಾದ..! ಶಾಲಾ ಮತ್ತಿತರ ಈಜು ಸ್ಪರ್ಧೆಯಲ್ಲಿ ಸ್ಪರ್ಧಿಸಿ ಗೆಲುವಿನ ನಗೆ ಬೀರಿದ..! ಕೃತಕಕಾಲುಗಳ ಸಹಾಯದಿಂದಲೇ ಆಡುತ್ತಾನೆ.. ಕುಣಿಯುತ್ತಾನೆ.. ಈಜುತ್ತಾನೆ..!
ಈಗ ಹೇಳಿ ಸೆರಿಯನ್ ಕಿಲ್ಸೋ ಅಸಾಮನ್ಯ ಪ್ರತಿಭೆ ಅಲ್ವಾ..?! ಈತ ತುಂಬಾನೇ ಗ್ರೇಟ್ ಅಲ್ವಾ..?! ಮನಸ್ಸಿದ್ದರೆ ಅಸಾಧ್ಯವಾದುದು ಏನೂ ಇಲ್ಲ..! ಸಮಸ್ಯೆಗಳಿರೋದೇ ಪರಿಹಾರ ಕಂಡುಕೊಳ್ಳಲಿಕ್ಕೆ..! ನಮ್ಮಲ್ಲಿನ ಋಣಾತ್ಮಕ ಅಂಶಗಳನ್ನು ಲೆಕ್ಕಿಸದೇ ಗೆಲ್ಲೋದು ಹೇಗೆಂದು ತೋರಿಸಿಕೊಟ್ಟ ಎಂಟರ ಪೋರನಿಗೆ ಒಳ್ಳೇದಾಗಲಿ ಅಂತ ಹರಸಿ.