ಪಿಂಚಣಿ ಅರ್ಜಿಗೆ ಸೆಲ್ಫಿ ಫೋಟೋ ನಡೆಯುವುದಿಲ್ಲ. ‘ಇದು ಪಿಂಚಣಿ ಅರ್ಜಿ .ದಯವಿಟ್ಟು ಸೆಲ್ಫಿ ಫೋಟೋ ಅಂಟಿಸಬೇಡಿ ಎಂದು ಸಿಬ್ಬಂದಿ ಸಚಿವಾಲಯವು ಕೇಂದ್ರ ಸರ್ಕಾರದ ಪಿಂಚಣಿದಾರರಿಗೆ ಸೂಚನೆ ನೀಡಿದೆ.
ಬಹುತೇಕ ಪಿಂಚಣಿದಾರರು ಪಿಂಚಣಿ ಅರ್ಜಿಗೆ ಸೆಲ್ಫಿ ಫೋಟೋಗಳನ್ನು ಅಂಟಿಸುತ್ತಿರುವುದರಿಂದ ಸಿಬ್ಬಂದಿ , ಸಾರ್ವಜನಿಕ ಅಹವಾಲು ಮತ್ತು ಪಿಂಚಣಿ ಸಚಿವಾಲಯವು ಭಾವಚಿತ್ರಕ್ಕೆ ಸಂಬಂಧಿಸಿ ಕೆಲವು ನಿರ್ಧಿಷ್ಟ ಸೂಚನೆಗಳನ್ನು ನೀಡಿದೆ.
ಕಪ್ಪು-ಬಿಳುಪು ಭಾವಚಿತ್ರ ಸ್ವೀಕರಿಸಲಾಗುವುದಿಲ್ಲ. ನಿಗದಿತ ಜಾಗಕ್ಕಿಂತ ಸಣ್ಣ ಚಿತ್ರ ಹಾಕಬಾರದು, ಬಣ್ಣದ ಇಲ್ಲವೇ ಕಪ್ಪು ಕನ್ನಡಕ ಧರಿಸಬಾರದು, ತಲೆಕೂದಲು ಕಣ್ಣನ್ನು ಮುಚ್ಚಿಬಾರದು, ಸೆಲ್ಫಿ ಭಾವಚಿತ್ರಗಳಿಗೆ ಅವಕಾಶವಿಲ್ಲ, ತಲೆಯನ್ನು ಮೇಲೆ ಅಥವಾ ಕೆಳಗೆ ಬಾಗಿದ ಬಾರದು, ಭಾವಚಿತ್ರದಲ್ಲಿ ಸಹಿ ಹಾಕಿರಬಾರದು, ಸಮವಸ್ತ್ರದಲ್ಲಿರುವ , ಗಾಢ ಹಿನ್ನೆಲೆ ಹೊಂದಿರುವ ಚಿತ್ರಗಳು ಬೇಡ ಎಂದು ಸೂಚಿಸಿದೆ.
ದೇಶದಲ್ಲಿ 48.61 ಲಕ್ಷ ಕೇಂದ್ರ ಸರ್ಕಾರಿ ನೌಕರರಿದ್ದು, 61.17ಲಕ್ಷ ಪಿಂಚಣಿದಾರರಿದ್ದಾರೆ.
