ಇದು ನಿಜಕ್ಕೂ ಶಾಂಕಿಂಗ್ ನ್ಯೂಸ್…! ರಾಜ್ಯದಲ್ಲಿ ಲಿಂಗಾನುಪಾತ ಇಳಿಮುಖವಾಗಿ ಸಾಗಿದೆ.
2002ರಲ್ಲಿ ಪೂರ್ವ ನಿರ್ಧಾರ ಮತ್ತು ಭ್ರೂಣ ಪತ್ತೆ ಕಾಯ್ದೆಗೆ (ಪಿಸಿ ಅಂಡ್ ಪಿಎನ್ ಡಿಟಿ ಆ್ಯಕ್ಟ್) ತಿದ್ದುಪಡಿ ತಂದಿದ್ದರೂ ಯಾವುದೇ ಪ್ರಯೋಜನವಾಗಿಲ್ಲ ಎನ್ನಬಹುದು…! ಕಳೆದ 15 ವರ್ಷಗಳಲ್ಲಿ ಈ ಕಾಯ್ದೆ ಉಲ್ಲಂಘನೆಗೆ ಸಂಬಂಧಿಸಿದಂತೆ 79 ಪ್ರಕರಣಗಳು ವರದಿ ಆಗಿದ್ದರೂ ಶಿಕ್ಷೆ ಆಗಿದ್ದು 3 ಪ್ರಕರಣಗಳಿಗೆ ಸಂಬಂಧಿಸಿದಂತೆ ಮಾತ್ರ ಎಂದು ತಿಳಿಸಿದ ಬಿಜೆಪಿಯ ವಿಧಾನ ಪರಿಷತ್ ಸದಸ್ಯ ಗಣೇಶ್ ಕಾರ್ಣಿಕ್, ಭ್ರೂಣಲಿಂಗ ಪತ್ತೆ ಮತ್ತು ಹತ್ಯೆ ನಿಷೇಧ ಕಾಯ್ದೆ ಉಲ್ಲಂಘಿಸಿದವರಿಗೆ ಕಠಿಣ ಶಿಕ್ಷೆ ಆಗಬೇಕು ಎಂದು ಆಗ್ರಹಿಸಿದ್ದಾರೆ.
ಬೆಳಗಾವಿ ಅಧಿವೇಶದಲ್ಲಿ ಶೂನ್ಯವೇಳೆಯಲ್ಲಿ ಮಾತಾಡಿದ ಅವರು ಈ ವಿಷಯವನ್ನು ಪ್ರಸ್ತಾಪಿಸಿದ್ರು. 2014ರಲ್ಲಿ ಲಿಂಗಾನುಪಾತ 917 ಇತ್ತು. ಅಂದರೆ ಪ್ರತಿ 1000 ಗಂಡುಮಕ್ಕಳಿಗೆ 917 ಹೆಣ್ಣುಮಕ್ಕಳಿದ್ದರು. 2017ರ ವೇಳೆಗೆ ಈ ಪ್ರಮಾಣ 898ಕ್ಕೆ ಇಳಿಕೆಯಾಗಿದೆ ಎಂದು ಅಂಕಿ-ಅಂಶಗಳ ಸಹಿತ ವಿವರಿಸಿದ ಅವರು, ತಪ್ಪಿತಸ್ಥರಿಗೆ ಶಿಕ್ಷೆ ಆದಲ್ಲಿ ಮಾತ್ರ ಲಿಂಗಾನುಪಾತದ ವ್ಯತ್ಯಾಸವನ್ನು ಸರಿದೂಗಿಸಲು ಸಾಧ್ಯ ಅಥವಾ ಅಂತರ ಕಡಿಮೆ ಮಾಡಲು ಸಾಧ್ಯ ಎಂದು ಹೇಳಿದ್ದಾರೆ.
ಲಿಂಗಾನುಪಾತದಲ್ಲಿ ಈ ವ್ಯತ್ಯಾಸ ನಿಜಕ್ಕೂ ಆಘಾತಕಾರಿ ವಿಷಯವಾಗಿದ್ದು, ಭ್ರೂಣ ಪತ್ತೆ, ಭ್ರೂಣ ಹತ್ಯೆಗೆ ಕಡಿವಾಣ ಹಾಕಲೇಬೇಕು.
