ದೇಶದ ಹಳ್ಳಿಗಳಲ್ಲೂ ಇನ್ನು ಮುಂದೆ ಸಿಗಲಿದೆ ಹೈ ಸ್ಪಿಡ್ ಇಂಟರ್ನೆಟ್ ಸೌಲಭ್ಯ…
ಕೆಲವೊಂದು ಕಡೆ ಇಂಟರ್ ನೆಟ್ ಇರಲಿ, ಫೋನ್ ನೆಟ್ ವರ್ಕ್ ಸಹ ಸಿಗೋದಿಲ್ಲ.. ಹೀಗಾಗೆ ಈ ಪರಿಸ್ಥಿಯನ್ನ ನಿಭಾಯಿಸಲು, ಜೊತೆಗೆ ಈ ಇಂಟರ್ನೆಟ್ ಯುಗದಲ್ಲಿ ಕ್ರಾಂತಿ ಎಬ್ಬಿಸುವ ನಿಟ್ಟಿನಲ್ಲಿ ಕಾರ್ಯ ಪ್ರವೃತ್ತರಾಗಿದ್ದಾರೆ ನಮ್ಮ ಇಸ್ರೋ ವಿಜ್ಞಾನಿಗಳು.. ಹೀಗಾಗೆ ಭಾರತೀಯ ಕಾಲಮಾನ 3.23ರ ಸುಮಾರಿಗೆ ಫ್ಯ್ರಾನ್ಸ್ ನ ಜಿಯಾನಾದ ಕೌರೌ ನಲ್ಲಿರುವ ಏರಿಯನ್ ಲಾಂಚ್ ಕಾಂಪ್ಲೆಕ್ಸ್ ನಲ್ಲಿ ಜಿಸ್ಯಾಟ್-11 ಉಪಗ್ರಹವನ್ನ ಯಶಸ್ವಿಯಾಗಿ ಉಡಾವಣೆ ಮಾಡಲಾಗಿದೆ..
ಭಾರತದ ಅತೀ ಹೆಚ್ಚು ತೂಕವಿರುವ ಮೊದಲ ಉಪಗ್ರಹ ಇದಾಗಿದ್ದು 5870 ಕೆಜಿ ತೂಕವಿದೆ. ಭಾರತದ ಮೂಲೆ ಮೂಲೆಗು ಇಂಟರ್ ನೆಟ್ ಸೇವೆಯನ್ನ ಕಲ್ಪಿಸುವ ನಿಟ್ಟಿನಲ್ಲಿ ಬ್ರಾಡ್ ಬ್ಯಾಂಡ್ ಸೇವೆಯನ್ನ ಉತ್ಕೃಷ್ಟಗೊಳಿಸುವ ನಿಟ್ಟಿನಲ್ಲಿ ಈ ಜಿಸ್ಯಾಟ್ ಉಪಗ್ರಹವನ್ನ ಉಡ್ಡಯನ ಮಾಡಲಾಗಿದೆ.. ಇದರ ಮೂಲಕ ಪ್ರತಿ ಸೆಕೆಂಡ್ ಗೆ 16ಜಿಬಿ ವೇಗದಲ್ಲಿ ಅಂತರ್ಜಾಲ ಸೌಲಭ್ಯ ನೀಡುವ ಸಾಮರ್ಥವನ್ನ ಇದು ಹೊಂದಿದೆ..
500 ಕೋಟಿ ವೆಚ್ಚದಲ್ಲಿ ನಿರ್ಮಾಣವಾಗಿರುವ ಈ ಉಪಗ್ರಹ ಮೋದಿ ಅವರ ಡಿಜಿಟಲ್ ಇಂಡಿಯಾಗೆ ಬಲ ನೀಡಿದ್ದು, ಭಾರತದ ಮೂಲೆ ಮೂಲೆಯಲ್ಲಿರುವ ಹಳ್ಳಿಗಳಿಗು ಇಂಟರ್ ನೆಟ್ ಸೇವೆಯು ಈ ಮೂಲಕ ಲಭ್ಯವಾಗಲಿದೆ..
