ಯುವತಿಯರು ಚಲಿಸುತ್ತಿದ್ದ ಆಟೋಗೆ ಡಿಕ್ಕಿ ಹೊಡೆದು ಅತ್ಯಾಚಾರಕ್ಕೆ ಯತ್ನಿಸಿದ ಘಟನೆ ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ನಡೆದಿದೆ.
ಬೆಳ್ತಂಗಡಿ ತಾಲೂಕು ಗಂಡಿಬಾಗಿಲು ಆಶ್ರಮದ ಬಳಿ ಅಕ್ಕ-ತಂಗಿಯರಿಬ್ಬರು ಆಟೋದಲ್ಲಿ ಚಲಿಸುತ್ತಿದ್ದರು. ಈ ವೇಳೆ ಬಿ.ಜೆ ಥಾಮಸ್ ಎಂಬಾತ ಕಾರಿನಿಂದ ಆಟೋಗೆ ಡಿಕ್ಕಿ ಹೊಡೆದಿದ್ದು, ಆಟೋ ಪಲ್ಟಿಯಾಗಿದೆ. ಬಳಿಕ ಕೆಳಕ್ಕೆ ಬಿದ್ದ ಅಕ್ಕ-ತಂಗಿಯರಿಬ್ಬರನ್ನೂ ಎಳೆದಾಡಿ ಅತ್ಯಾಚಾರಕ್ಕೆ ಯತ್ನಿಸಿದ್ದಾನೆ.
20ವರ್ಷ ಅಕ್ಕ ಮತ್ತು 18ವರ್ಷದ ತಂಗಿ ಇಬ್ಬರಿಗೂ ತುಟಿ ರಕ್ತ ಬರುವಂತೆ ಕಚ್ಚಿ ವಿಕೃತಿ ಮೆರೆದಿದ್ದಾನೆ. ಈತನ ವಿರುದ್ಧ ಸಂತ್ರಸ್ತ ಸಹೋದರಿಯರಿಬ್ಬರೂ ಧರ್ಮಸ್ಥಳ ಪೊಲೀಸ್ ಠಾಣೆಯಲ್ಲಿ ದೂರನ್ನು ನೀಡಿದ್ದಾರೆ. ಈ ಹಿಂದೆ ಕೂಡ ಈತನ ಹುಚ್ಚಾಟದ ಬಗ್ಗೆ ಇದೇ ಸಹೋದರಿಯರು ದೂರು ನೀಡಿದ್ದರು. ಇದೇ ಕಾರಣಕ್ಕೆ ಕೃತ್ಯ ಎಸಗಿದ್ದಾನೆ ಎನ್ನಲಾಗಿದೆ.