ಕೆಜಿಎಫ್ ಚಾಪ್ಟರ್ 1 ಸಿನಿಮಾ ದೊಡ್ಡ ಮಟ್ಟಿನ ಯಶಸ್ಸು ನೀಡಿದ್ದು ಗೊತ್ತಿರುವ ವಿಚಾರ. ಅಂತರಾಷ್ಟ್ರೀಯ ಮಟ್ಟದಲ್ಲೂ ಯಶ್ ಹೆಸರು ಗಳಿಸಿದ್ದುಂಟು.. ಈ ಸಿನಿಮಾದ ಪ್ರತಿಯೊಂದು ದೃಶ್ಯವೂ ಕೂಡ ನೋಡಿದವರ ಮನದಲ್ಲಿ ಅಚ್ಚಳಿಯದೇ ಉಳಿದಿದೆ. ಸದ್ಯ ಈ ಚಿತ್ರದ ಮುಂದಿನ ಭಾಗ ರೆಡಿಯಾಗುತ್ತಿದೆ.
ಪ್ರಶಾಂತ್ ನೀಲ್ ನಿರ್ದೇಶನದಲ್ಲಿ ಮೂಡಿ ಬಂದ ಕೆಜಿಎಫ್ ಇದೀಗ ಮುಂದುವರೆದ ಭಾಗವಾಗಿ ತೆರೆ ಕಾಣುವುದಕ್ಕೆ ತಯಾರಿ ನಡೆಸಿದೆ. ಈಗಾಗಲೇ ಎಲ್ಲಾ ಸಿದ್ದತೆಗಳು ನಡೆದಿದ್ದು, ಇತ್ತೀಚೆಗೆ ಸಿನಿಮಾಗಾಗಿ ಆಡಿಷನ್ ಕೂಡ ನಡೆದಿದೆ. ಇನ್ನೂ ಈ ಸಿನಿಮಾಗೆ ಇದೀಗ ನಟ ಯಶ್ ತಯಾರಿ ನಡೆಸುತ್ತಿದ್ದು, ತಮ್ಮ ಕೂದಲು ಹಾಗೂ ಗಡ್ಡಕ್ಕೆ ಹೊಸ ರೂಪ ನೀಡಿದ್ದಾರೆ.
