ಫ್ಯಾಂಟಮ್ ಶೂಟಿಂಗ್ ನಡುವೆ ಕಿಚ್ಚ ಸುದೀಪ್ ಕ್ರಿಕೆಟ್ ಒಲವು ..!

ಫ್ಯಾಂಟಮ್ ಶೂಟಿಂಗ್ ನಡುವೆ ಕಿಚ್ಚ ಸುದೀಪ್ ಕ್ರಿಕೆಟ್ ಒಲವು ..!

ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಸದಾ ಲವಲವಿಕೆಯಿಂದ ಇರುವ ವ್ಯಕ್ತಿ. ಸದಾ ಒಂದಲ್ಲೊಂದು ಕೆಲಸ – ಕಾರ್ಯಗಳಲ್ಲಿ ಅವರು ಬ್ಯುಸಿ ಇರುತ್ತಾರೆ.
ಸ್ಯಾಂಡಲ್ ವುಡ್ ಮಾತ್ರವಲ್ಲದೆ ಬೇರೆ ಬೇರೆ ಸಿನಿಮಾಗಳಲ್ಲಿ ನಟನೆ, ನಿರ್ದೇಶನ, ಕಿರುತೆರೆ ರಿಯಾಲಿಟಿ ಶೋಗಳು ಹೀಗೆ ಕಿಚ್ಚ ಯಾವಾಗಲೂ ಫುಲ್ ಆ್ಯಕ್ಟೀವ್ ಆಗಿರ್ತಾರೆ. .
ಇನ್ನು ಸುದೀಪ್ ಗೆ ಕ್ರಿಕೆಟ್ ಅಂದರೆ ಕೂಡ ಎಲ್ಲಿಲ್ಲದ ಪ್ರೀತಿ. ಕ್ರಿಕೆಟ್ ಎಂದರೆ ಕಿಚ್ಚಗೆ ಬಹಳ ಅಚ್ಚುಮೆಚ್ಚು. ಸಿನಿಮಾ ನಟರಾಗದೆ ಇದ್ದಿದ್ದರೆ ಕಿಚ್ಚನನ್ನು ಕ್ರಿಕೆಟ್ ಆಟಗಾರನಾಗಿ ಕಣ್ತುಂಬಿಕೊಳ್ಳುತ್ತಿದ್ದೇವೆನೋ?

ಸುದೀಪ್ ಸದ್ಯ ಅನೂಪ್ ಭಂಡಾರಿ ನಿರ್ದೇಶನದ ಫ್ಯಾಂಟಮ್ ಸಿನಿಮಾದ ಚಿತ್ರೀಕರಣದಲ್ಲಿ ಬ್ಯುಸಿ ಇದ್ದಾರೆ. ಈ ನಡುವೆ ಬಿಡುವು ಮಾಡಿಕೊಂಡು ಕ್ರಿಕೆಟ್ ಆಡಿದ್ದಾರೆ.
ಆ ವಿಡಿಯೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿರುವ ಸುದೀಪ್, ‘ಈಗ ನಡೆಯುತ್ತಿರುವ ಎಲ್ಲದರ ಮಧ್ಯೆ, ಏನಾದರು ಒಂದು ಒಳ್ಳೆಯ ವಿಚಾರ, ನಮ್ಮ ಮುಖದಲ್ಲಿ ನಗು ತರಿಸುವಂಥದ್ದು, ನಮಗೆ ಒಂದಷ್ಟು ಎನರ್ಜಿ ಕೊಡುವಂತದ್ದು ನಮಗೆ ಕೇಳಲು ಸಿಗೋದು ವಿರಳವಾಗಿದೆ. ಹಾಗಾಗಿ ನಮ್ಮ ಬಳಿ ಏನು ಇದ್ಯೋ ಅದರಲ್ಲೇ ಏನಾದರೂ ಬೆಸ್ಟ್ ಮಾಡೋದು ಉತ್ತಮ. ಫ್ಯಾಂಟಮ್ ಟೀಂ ಜೊತೆಗಿದ್ದು, ನಮ್ಮ ಎರಡೂವರೆ ತಿಂಗಳ ಚಿತ್ರೀಕರಣದ ಜರ್ನಿಯಲ್ಲಿ ಸಹಕರಿಸಿದ ಸಮಯಕ್ಕೆ ನಾನು ಕೃತಜ್ಞನಾಗಿದ್ದೇನೆ’ ಅನ್ನೋ ಸಂದೇಶ ನೀಡಿದ್ದಾರೆ. ಜೊತೆಗೆ ‘ಅಂದ್ಹಾಗೇ, ಹೊಡೆದಂತ ಶಾಟ್ಗಳು ಕೆಟ್ಟದಾಗಿರ್ಲಿಲ್ಲ ಅಲ್ವಾ ಫ್ರೆಂಡ್ಸ್?’ ಎಂದು ಕೇಳಿದ್ದಾರೆ.