ಇತ್ತೀಚೆಗಷ್ಟೇ ಮಾಸ್ಟರ್ ಸಿನಿಮಾದ ಮೂಲಕ ಬಿಗ್ಗೆಸ್ಟ್ ಬ್ಲಾಕ್ ಬಸ್ಟರ್ ಚಿತ್ರ ನೀಡಿರುವ ಇಳಯ ದಳಪತಿ ವಿಜಯ್ ಅವರು ಇದೀಗ ನೆಲ್ಸನ್ ನಿರ್ದೇಶನದಲ್ಲಿ ಅಭಿನಯಿಸುತ್ತಿದ್ದಾರೆ. ಇದಾದ ಬಳಿಕ ವಿಜಯ್ ಅವರ ಮುಂದಿನ ಚಿತ್ರ ಯಾವ ನಿರ್ದೇಶಕರ ಜೊತೆ ಮಾಡಲಿದ್ದಾರೆ ಎಂಬ ಕುತೂಹಲ ಎಲ್ಲರಲ್ಲಿಯೂ ಇದೆ. ಇದೀಗ ಈ ಕುತೂಹಲ ಮತ್ತಷ್ಟು ಹೆಚ್ಚಾಗುವಂತೆ ಮಾಡಿದೆ ಪ್ರಶಾಂತ್ ನೀಲ್ ಮತ್ತು ವಿಜಯ್ ಅವರ ಭೇಟಿ..
ಹೌದು ಮೂಲಗಳ ಪ್ರಕಾರ ಪ್ರಶಾಂತ್ ನೀಲ್ ತೆಲುಗಿನ ನಿರ್ಮಾಪಕರಾದ ದಿಲ್ ರಾಜು ಅವರ ಜೊತೆ ತಮಿಳಿನ ಇಳಯದಳಪತಿ ವಿಜಯ್ ಅವರನ್ನು ಭೇಟಿ ಮಾಡಿ ಒಂದು ಸುತ್ತಿನ ಮಾತುಕತೆ ನಡೆಸಿದ್ದಾರಂತೆ. ವಿಜಯ್ ಅವರು ಪ್ರಶಾಂತ್ ನೀಲ್ ಅವರ ಬಳಿ ಕಥೆಯನ್ನು ಕೇಳಿ ಇಷ್ಟಪಟ್ಟಿದ್ದಾರೆ ಎಂಬ ಸುದ್ದಿಯೂ ಇದೆ. ಸಿನಿಮಾಗಾಗಿಯೇ ಈ ಮೂವರು ಒಂದು ಕಡೆ ಸಭೆ ನಡೆಸಿದ್ದು ಆದಷ್ಟು ಬೇಗ ಅಧಿಕೃತವಾಗಿ ಸಿನಿಮಾ ಅನೌನ್ಸ್ ಮಾಡಲಿದ್ದಾರೆ ಎನ್ನಲಾಗುತ್ತಿದೆ.
