ಮೊಬೈಲ್ ಲಾಕ್ ಪ್ಯಾಟ್ರನ್ ಮರೆತೋದ್ರೆ ಏನ್ ಮಾಡ್ಬೇಕು?
ನೀವೇನಾದ್ರೂ ನಿಮ್ಮ ಮೊಬೈಲ್‍ಗೆ ಹೊಸ ಪ್ಯಾಟ್ರನ್ ಇಟ್ಟಿದ್ದಲ್ಲಿ ಅಥವಾ ಹಳೇ ಪ್ಯಾಟ್ರನ್ ಮರೆತು ಹೋಗಿದ್ದಲ್ಲಿ ಅದನ್ನು ಅನ್‍ಲಾಕ್ ಮಾಡಲು ಇಲ್ಲಿದೆ ನೋಡಿ ಸರಳ ಉಪಾಯ..
ಆದರೆ ನಿಮ್ಮ ಫೋನ್ ಅನ್‍ಲಾಕ್ ಮಾಡ್ಬೇಕು ಅಂತಾದ್ರೆ. ನಿಮ್ಮ ಫೋನ್‍ನಲ್ಲಿರೋ ಇಂಟರ್ನಲ್ ಸ್ಟೋರೇಜ್ ಡಿವೈಸ್‍ನ ಎಲ್ಲಾ ಕಾಂಟೆಕ್ಟ್, ಕೆಲವೊಂದು ಅಪ್ಲಿಕೇಶನ್ಸ್‍ಗಳು ಡಿಲೀಟ್ ಆಗಲಿದೆ. ಹಾಗಾಗಬಾರ್ದು ಅಂತಾದ್ರೆ ಮುಂಜಾಗ್ರತೆಯಾಗಿ ನಿಮ್ಮ ಫೋನ್‍ನಲ್ಲಿರುವ ಡೆಟಾಗಳನ್ನ ಮೊದಲೇ ಬೇರೊಂದು ಸ್ಥಳಗಳಲ್ಲಿ ಸೇವ್ ಮಾಡಿಟ್ಟುಕೊಳ್ಳೊದು ಒಳ್ಳೇದು…
ಸ್ಟೆಪ್.1: ಮೊಬೈಲ್ ಸ್ವಿಚ್ ಆಫ್ ಮಾಡಿ.
ನಿಮ್ಮ ಮೊಬೈಲ್ ಪ್ಯಾಟ್ರನ್ ಮರೆತಿದ್ದೇ ಆದಲ್ಲಿ ನೀವು ಸರಳವಾಗಿ ಪ್ಯಾಟ್ರನ್ ಅನ್‍ಲಾಕ್ ಮಾಡ್ಕೊಳ್ಬೇಕು ಅಂತಾದ್ರೆ ಮೊದಲು ನಿಮ್ಮ ಮೊಬೈಲ್‍ನ್ನು ಸ್ವಿಚ್ ಆಫ್ ಮಾಡಿ.
ಸ್ಟೆಪ್.2: ವಾಲ್ಯೂಮ್ ಕೀ, ಲಾಕ್ ಬಟನ್, ಮತ್ತು ಕೀ ಬಟನ್‍ನ್ನು ಏಕ ಕಾಲದಲ್ಲಿ ಪ್ರೆಸ್ ಮಾಡಿ.
ಸ್ಟೆಪ್.2ನಲ್ಲಿ ನೀವು ಮಾಡ್ಬೇಕಾದದ್ದು ಇಷ್ಟೇ ಸ್ವಿಚ್ ಆಫ್ ಮಾಡಿದ್ದ ಮೊಬೈಲ್‍ನ್ನು ಮತ್ತೆ ಆನ್ ಮಾಡ್ಬೇಕು ಅಂದ್ರೆ ನೀವು ವಾಲ್ಯೂಮ್ ಕೀ, ಲಾಕ್ ಬಟನ್ ಹಾಗೂ ಕೀ ಬಟನ್‍ನ್ನು ಏಕ ಕಾಲದಲ್ಲಿ ಒತ್ತಿ ಸ್ವಲ್ಪ ಸಮಯದ ನಂತರ ನಿಮ್ಮ ಮೊಬೈಲ್ ಡಿಸ್ಪ್ಲೇ ಮೇಲೆ ಫ್ಯಾಕ್ಟರಿ ಮೋಡ್ ತೋರ್ಸತ್ತೆ..
ಸ್ಟೆಪ್.3: ಫ್ಯಾಕ್ಟರಿ ಮೋಡ್‍ಗೆ ಎಂಟರ್ ಕೊಡಿ.
ಸಾಮಾನ್ಯವಾಗಿ ನಿಮ್ಮ ಟಚ್ ಸ್ಟ್ರೀನ್ ಈ ಸಂದರ್ಭದಲ್ಲಿ ವರ್ಕ್ ಆಗೊಲ್ಲ ಆದ್ರಿಂದ ನೀವು ಆಗ ವಾಲ್ಯೂಮ್ ಕೀನ ಸಹಾಯವನ್ನು ತಗೋಳ್ಬೇಕಾಗತ್ತೆ. ವಾಲ್ಯೂಮ್ ಕೀ+ ಮೇಲಕ್ಕೆ ಹಾಗೂ ವಾಲ್ಯೂಮ್ ಕೀ- ಕೆಳಕ್ಕೆ ಚಲಿಸಲು ಸಹಕಾರಿಯಾಗಲಿದೆ. ಇದರ ಸಹಕಾರದಿಂದ ನೀವು ಫ್ಯಾಕ್ಟರಿ ಮೋಡ್‍ಗೆ ಹೋಗ್ಬೋದು.
ಸ್ಟೆಪ್.4: ವೈಪ್/ ಫ್ಯಾಕ್ಟರಿ ರೀಸೆಟ್ ಆಪ್ಶನ್ ಬಳಿ ಬಂದಾಗ ಲಾಕ್ ಬಟನ್ ಒತ್ತಿ.
ಮೊಬೈಲ್ ಸ್ಕ್ರೀನ್ ಮೇಲೆ ತೋರಿಲ್ಪಟ್ಟ ವೈಪ್/ ರೀಸೆಟ್ ಮೇಲೆ ಲಾಕ್ ಬಟನ್ ಪ್ರೆಸ್ ಮಾಡಿ.
ಸ್ಟೆಪ್.5: ನಿಮಗೆ ಅಲ್ಲಿ ಯೆಸ್/ನೋ ಆಪ್ಶನ್ ತೋರಿಸತ್ತೆ.
ಯಸ್/ನೋ ಎಂದು ತೋರಿಸುತ್ತಿರುವಾಗ ನೀವು ಯಸ್ ಎಂಬ ಆಪ್ಶನ್‍ಗೆ ಕ್ಲಿಕ್ ಮಾಡಿ.
ಆಗ ನಿಮ್ಮ ಮೊಬೈಲ್ ರೀಸೆಟ್ ಆಗಲು ಆರಂಭಿಸುತ್ತದೆ.
ಸ್ಟೆಪ್.6: ನಿಮ್ಮ ಮೊಬೈಲ್ ಈಗ ಅನ್‍ಲಾಕ್ ಆಗಿರತ್ತೆ ನೋಡಿ..
ನಿಮ್ಮ ಫೋನ್ ರೀಸೆಟ್ ಆದ ಕೂಡಲೇ ನಿಮ್ಮ ಮೊಬೈಲ್ ಫೋನ್ಗೆ ಇಟ್ಟ ಪ್ಯಾಟ್ರನ್ ಇರೋದಿಲ್ಲ ಅನ್‍ಲಾಕ್ ಆಗಿರತ್ತೆ. ಎಂದಾದರೂ ನೀವು ನಿಮ್ಮ ಪ್ಯಾಟ್ರನ್ ಮರೆತಿದ್ದೇ ಆದಲ್ಲಿ ಈ 6 ಸ್ಟೆಪ್ ಫಾಲೋ ಮಾಡುದ್ರೆ ಖಂಡಿತ ನಿಮ್ಮ ಫೋನ್ ಅನ್‍ಲಾಕ್ ಆಗತ್ತೆ ಟ್ರೈ ಮಾಡಿ..
ಕೆ.ಎಲ್ ರಾಹುಲ್ ಬಗ್ಗೆ ನಿಮಗಷ್ಟು ಗೊತ್ತು..?
ನಮ್ಮ ಕರಾವಳಿ ಕುವರ ಕೆ.ಎಲ್ ರಾಹುಲ್ ಸದ್ಯ ಭಾರತ ಕ್ರಿಕೆಟ್ ತಂಡದ ಆಧಾರಸ್ತಂಭ. ಟೀಮ್ ಇಂಡಿಯಾದ ಮುಂದಿನ ನಾಯಕ ಎಂದೇ ಕರೆಯಲ್ಪಡುತ್ತಿದ್ದಾರೆ. ಯಾವುದೇ ಕ್ರಮಾಂಕದಲ್ಲೂ ಬ್ಯಾಟ್ ಬೀಸಬಲ್ಲ ತಾಕತ್ತು ರಾಹುಲ್ ಅವರ ಪ್ಲಸ್ ಪಾಯಿಂಟ್. ಕೆಲವರು ಆಯಾಯ ಕ್ರಮಾಂಕಕ್ಕೆ ಒಗ್ಗಿಕೊಂಡಿರುತ್ತಾರೆ.. ಆದರೆ, ರಾಹುಲ್ ಹಾಗಲ್ಲ… ಯಾವ್ದೇ ಕ್ರಮಾಂಕದಲ್ಲೂ ಪರಿಸ್ಥಿತಿ ಹಾಗೂ ಅಗತ್ಯತೆಗೆ ತಕ್ಕಂತೆ ಬ್ಯಾಟಿಂಗ್ ಮಾಡುತ್ತಾರೆ. ಇತ್ತೀಚಿನ ದಿನಗಳಲ್ಲಿ ಖಾಯಂ ವಿಕೆಟ್ ಕೀಪರ್ ಆಗಿಯೂ ತಂಡಕ್ಕೆ ನೆರವಾಗುತ್ತಿದ್ದಾರೆ. ಇಂತಹ ಕ್ಲಾಸ್ & ಮಾಸ್ ಸ್ಟಾರ್ ಕನ್ನಡಿಗ ರಾಹುಲ್ ಬಗ್ಗೆ ನಿಮ್ಗೆ ಗೊತ್ತಿಲ್ಲದ ಕೆಲವು ಸಂಗತಿಗಳು ಇಲ್ಲಿವೆ…
ಎಲ್ಲಾ ಮಾದರಿಯಲ್ಲಿ ಶತಕ : ರಾಹುಲ್ ಟೆಸ್ಟ್, ಏಕದಿನ ಮತ್ತು ಟಿ20 ಈ ಎಲ್ಲಾ ಫಾರ್ಮೆಟ್ಗಳಲ್ಲಿ ಶತಕ ಬಾರಿಸಿದ್ದಾರೆ. ಮೂರೂ ಮಾದರಿಯಲ್ಲಿ ಶತಕಗಳಿಸಿದ ಭಾರತೀಯರ ಪಟ್ಟಿಯಲ್ಲಿ ರೋಹಿತ್ ಶರ್ಮಾ, ಸುರೇಶ್ ರೈನಾ ಜೊತೆ ಸ್ಥಾನ ಪಡೆದಿದ್ದಾರೆ.
IPLನಲ್ಲಿ ಅತೀವೇಗದ ಅರ್ಧ ಶತಕ : ರಾಹುಲ್ ಕ್ಲಾಸ್ಗೆ ಕ್ಲಾಸ್ ಮಾಸ್ಗೆ ಮಾಸ್… ನೆಲಕಚ್ಚಿ ಆಡೋದು ಗೊತ್ತು, ಸಿಡಿಲಬ್ಬರದ ಬ್ಯಾಟಿಂಗ್ ಮಾಡೋದು ಕೂಡ ಗೊತ್ತು. ಐಪಿಎಲ್ನಲ್ಲಿ ಕಿಂಗ್ಸ್ ಇಲೆವೆಲ್ ಪಂಜಾಬ್ ಪರ ಆಡುತ್ತಿರುವ ರಾಹುಲ್ 2018ರ ಐಪಿಎಲ್ನಲ್ಲಿ ಡೆಲ್ಲಿ ಡೇರ್ ಡೆವಿಲ್ಸ್ ವಿರುದ್ಧ ಕೇವಲ 14 ಬಾಲ್ಗಳಲ್ಲಿ ಆರು ಬೌಂಡರಿ ಹಾಗೂ ನಾಲ್ಕು ಭರ್ಜರಿ ಸಿಕ್ಸರೊಂದಿಗೆ ಆಕರ್ಷಕ ಅರ್ಧಶತಕ ಸಿಡಿಸಿ ಮಿಂಚಿದ್ದರು.
ಒಂದೇ ಸೀಸನ್ನಲ್ಲಿ 1000ರನ್ ಸರದಾರ : 2013ರ ರೆಡ್‌ಬುಲ್ ಕ್ಯಾಂಪಸ್ ಕ್ರಿಕೆಟ್ ಟೂರ್ನಿಯಲ್ಲಿ ಕೆ.ಎಲ್ ರಾಹುಲ್ ಅದ್ಭುತ ಪ್ರದರ್ಶನ ತೋರಿ ಟಾಪ್ ಸ್ಕೋರರ್ ಆಗಿದ್ದರು. ಅದೇ ವರ್ಷ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪರ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್)ಗೆ ಎಂಟ್ರಿಕೊಟ್ಟಿದ್ದರು. ನಂತರ ಅದೇ ವರ್ಷ ಕರ್ನಾಟಕ ರಣಜಿ ತಂಡವನ್ನು ಪ್ರತಿನಿಧಿಸಿ 1033ರನ್ ಬಾರಿಸಿದ್ದರು. ಆ ಅತ್ಯುತ್ತಮ ಪ್ರದರ್ಶನ ಟೀಮ್ ಇಂಡಿಯಾದ ಕದ ತೆರೆಯುವಂತೆ ಮಾಡಿತ್ತು.
ಕೊಹ್ಲಿ ದಾಖಲೆ ಬ್ರೇಕ್ : ರಾಹುಲ್ ಕ್ಯಾಪ್ಟನ್ ವಿರಾಟ್ ಕೊಹ್ಲಿಯ ದಾಖಲೆಯೊಂದನ್ನು ಮುರಿದಿದ್ದಾರೆ. ಇತ್ತೀಚೆಗೆ ನ್ಯೂಜಿಲೆಂಡ್ ವಿರುದ್ಧದ ಟಿ20 ಸರಣಿಯಲ್ಲಿ ಅತೀ ಹೆಚ್ಚುರನ್ ಬಾರಿಸಿದ ರಾಹುಲ್ ಕೊಹ್ಲಿ ರೆಕಾರ್ಡ್ ಬದಿಗೊತ್ತಿದ್ದಾರೆ. ದ್ವಿಪಕ್ಷೀಯ ಟೂರ್ನಿಯಲ್ಲಿ ಅತೀ ಹೆಚ್ಚು ರನ್ ಬಾರಿಸಿದವರ ಪಟ್ಟಿಯಲ್ಲಿ ಕೊಹ್ಲಿ ಹೆಸರಿತ್ತು. ಇದೂಗ ರಾಹುಲ್ ದ್ವಿಪಕ್ಷೀಯ ಟಿ20 ಸರಣಿಯಲ್ಲಿ ಅತಿ ಹೆಚ್ಚು ರನ್ ಬಾರಿಸಿದ ಆಟಗಾರ ಎಂಬ ಕೀರ್ತಿಗೆ ಪಾತ್ರರಾಗಿದ್ದಾರೆ.
ಅವಳಿ ಶತಕ : ದುಲೀಪ್ ಟ್ರೋಫಿಯಲ್ಲಿ ದಕ್ಷಿಣ ವಿಭಾಗವನ್ನು ಪ್ರತಿನಿಧಿಸುವ ಕೆ. ಎಲ್ ರಾಹುಲ್ 2014ರ ಫೈನಲ್ ಪಂದ್ಯದಲ್ಲಿ ಎರಡೂ ಇನ್ನಿಂಗ್ಸ್‌ಗಳಲ್ಲಿ ಶತಕ ಸಿಡಿಸಿದ್ದರು. ಮೊದಲ ಇನ್ನಿಂಗ್ಸ್‌ನಲ್ಲಿ 185 ರನ್ ಮತ್ತು ಎರಡನೇ ಇನ್ನಿಂಗ್ಸ್‌ನಲ್ಲಿ 130ರನ್ ಬಾರಿಸಿದ್ದರು. ಆದರೆ, ದುರದೃಷ್ಟವಶಾತ್ ಆ ಪಂದ್ಯವನ್ನು ದಕ್ಷಿಣ ವಿಭಾಗ 9ರನ್ಗಳಿಂದ ಸೋತಿತ್ತು.
7 ಟ್ಯಾಟೂಗಳು : ಇನ್ನು ಮೈದಾನದಿಂದ ಆಚೆ ನೋಡೋದಾದ್ರೆ ರಾಹುಲ್ ಟ್ಯೂಟೂ ಪ್ರಿಯ. ಅವರ ಮೈಮೇಲೆ ಒಟ್ಟು 7 ಟ್ಯಾಟೂಗಳಿವೆ. ಆ ಎಲ್ಲಾ ಟ್ಯೂಟೂಗಳ ಹಿಂದೆ ಒಂದೊಂದು ಇಂಟ್ರೆಸ್ಟಿಂಗ್ ಕತೆಯೂ ಇದೆಯಂತೆ.
