ತೋಳು ನೋಡು ಉಕ್ಕು, ಒಂದೇ ಏಟು ಸಾಕು, ಬಂದ ನೋಡು ಪೈಲ್ವಾನ್‌..!

ಅಭಿನಯ ಚಕ್ರವರ್ತಿ, ಕಿಚ್ಚ ಸುದೀಪ್ ಕನ್ನಡದ ಬಾದ್ ಷಾ ಅನ್ನೋ ಹೊಸ ಬಿರುದಿನೊಂದಿಗೆ ‘ಪೈಲ್ವಾನ್’ ಆಗಿ ಅಖಾಡಕ್ಕೆ ಇಳಿಯಲು ರೆಡಿಯಾಗಿದ್ದಾರೆ ಪೈಲ್ವಾನ್ ರಿಲೀಸ್​ಗೆ ಅಭಿಮಾನಿಗಳು ಕಾತುರದಿಂದ ಕಾಯ್ತಿದ್ದಾರೆ.
ಅಭಿಮಾನಿಗಳ ಮುಂದೆ ಹೊಸ ಅವತಾರದಲ್ಲಿ ಬರಲು ಸುದೀಪ್ ಕೂಡ ತುಂಬಾ ಉತ್ಸುಕರಾಗಿದ್ದಾರೆ. ಹೆಬ್ಬುಲಿ ಸಿನಿಮಾ ಖ್ಯಾತಿಯ ನಿರ್ದೇಶಕ ಕೃಷ್ಣ ಹಾಗೂ ಕನ್ನಡದ ಮಾಣಿಕ್ಯ ಸುದೀಪ್ ಅವರ ಕಾಂಬಿನೇಷನ್​ನ ಈ ಸಿನಿಮಾ ಸೆಟ್ಟೇರಿದಲ್ಲಿಂದಲೂ ಸಿಕ್ಕಾಪಟ್ಟೆ ಸುದ್ದಿಯಲ್ಲಿದೆ. ಟೀಸರ್ ಕೂಡ ಸದ್ದು ಮಾಡಿದೆ. ಈಗ ಥೀಮ್ ಸಾಂಗ್ ಕೂಡ ರಿಲೀಸ್ ಆಗಿದೆ.
ಹೌದು ಪೈಲ್ವಾನ್​ನ ಥೀಮ್ ಸಾಂಗ್ ಇಂದು ರಿಲೀಸ್ ಆಗಿದ್ದು, ಬಿಡುಗಡೆಯಾದ ಕೆಲವೇ ಹೊತ್ತಲ್ಲಿ ಯೂಟ್ಯೂಬ್​ನಲ್ಲಿ ಧೂಳೆಬ್ಬಿಸುತ್ತಿದೆ. ‘ತೋಳು ನೋಡು ಉಕ್ಕು, ಒಂದೇ ಏಟು ಸಾಕು, ದೇವ್ರೇ ನಿಂಗೇ ದಿಕ್ಕು, ಬಂದ ನೋಡು ಪೈಲ್ವಾನ್‌’ ಅನ್ನೋ ಹಾಡು ಇದಾಗಿದೆ. ಈ ಹಾಡನ್ನು ಬರೆದವರು ವಿ. ನಾಂಗೇಂದ್ರ ಪ್ರಸಾದ್. ಇದಕ್ಕೆ ಸಂಗೀತ ಬಲ ತುಂಬಿದವರು ಅರ್ಜುನ್ ಜನ್ಯಾ. ಈ ಹಾಡಿನಲ್ಲಿ ಸುದೀಪ್ ದೇಹದಾರ್ಡ್ಯಕ್ಕೂ ಫ್ಯಾನ್ಸ್ ಫಿದಾ ಆಗಿದ್ದಾರೆ. ಅರೆ, ನೀವಿನ್ನೂ ಈ ಥೀಮ್ ಸಾಂಗ್ ನೋಡಿಲ್ವಾ..? ಇಲ್ಲಿದೆ ಆ ವಿಡಿಯೋ ಲಿಂಕ್..!