ನಾಪತ್ತೆ ಆಗಿದ್ದ ಸ್ಯಾಂಡಲ್ ವುಡ್ ಕ್ವೀನ್ ರಮ್ಯಾ ಪ್ರತ್ಯಕ್ಷ …! ಎಲ್ಲಿ ? ಏನ್ ವಿಷ್ಯ ? ಏನಂದ್ರು ?

ರಮ್ಯಾ … ಇವತ್ತಿಗೂ ಈ ಹೆಸರು ಚಂದನವನದಲ್ಲಿ ಸಖತ್ ಸದ್ದು ಮಾಡುತ್ತಿರುವ ಹೆಸರೇ … ಈಗ ಅವರು ಕಮ್ ಬ್ಯಾಕ್ ಆಗ್ತೀನಿ ಅಂದ್ರು ಸಾಲು ಸಾಲು ಸಿನಿಮಾ ಆಫರ್ ಗಳು ಅವರಿಗೆ ಬರುತ್ತವೆ .

ಈ ಸ್ಯಾಂಡಲ್ ವುಡ್ ಕ್ವೀನ್ ರಾಜಕೀಯಕ್ಕೆ ಎಂಟ್ರಿಕೊಟ್ಟ ಮೇಲೆ ಸಿನಿಮಾ ರಂಗದಿಂದ ಕಂಪ್ಲೀಟ್ ಆಗಿ ದೂರ ಉಳಿದ್ರು . ಕಳೆದ ಒಂದು ವರ್ಷದಿಂದ ರಾಜಕೀಯದಲ್ಲೂ ಸದ್ದಿಲ್ಲ …. ಸಾಮಾಜಿಕ ಜಾಲತಾಣಗಳಲ್ಲೂ ಸೈಲೆಂಟ್ … ಇದೀಗ ಹೆಚ್ಚು ಕಮ್ಮಿ ಒಂದು ವರ್ಷದ ನಂತರ ಕಮ್ ಬ್ಯಾಕ್ ಆಗುತ್ತಿದ್ದಾರೆ .

ಪುನೀತ್ ರಾಜ್ ಕುಮಾರ್ ನಟನೆಯ ಅಭಿ ಮೂಲಕ ಚಂದನವನಕ್ಕೆ ನಾಯಕಿಯಾಗಿ ಪರಿಚಿತರಾದರು . ಸಿನಿಮಾಕ್ಕೆ ಬರುವ ಬದಲು ದಿವ್ಯ ಸ್ಪಂದನಾ ಎಂಬ ಹೆಸರಿತ್ತು . ಅಭಿ ಸಿನಿಮಾಕ್ಕಾಗಿ ಅವರು ರಮ್ಯಾ ಆಗಿ ಬಿಟ್ಟರು . ನಿರ್ಮಾಪಕರಾಗಿದ್ದ ಪಾರ್ವತಮ್ಮ ರಾಜ್ ಕುಮಾರ್ ಲಾಂಚ್ ಮಾಡಿದ ನಟಿಯರೆಲ್ಲಾ ಸಕ್ಸಸ್ ಆಗುತ್ತಾರೆಂಬ ನಂಬಿಕೆ ರಮ್ಯಾ ವಿಚಾರದಲ್ಲೂ ನಿಜವಾಯ್ತು . ರಮ್ಯಾ ಚಿತ್ರರಂಗದಲ್ಲಿರುವಷ್ಟು ದಿನ ನಂಬರ್ 1 ನಟಿಯೇ ಆಗಿದ್ದರು .

ರಾಜಕೀಯದತ್ತ ಮುಖ ಮಾಡಿದ ಮೇಲೆ ಚಿತ್ರರಂದಿಂದ ದೂರ ಉಳಿದಿದ್ದರು . ಲೋಕಸಭಾ ಉಪ ಚುನಾವಣೆಯಲ್ಲಿ ಮಂಡ್ಯದಿಂದ ಕಣಕ್ಕಿಳಿದು ಸಂಸತ್ ಕೂಡ ಪ್ರವೇಶಿಸಿದ್ರು . ನಂತರ ಗೆಲ್ಲದಿದ್ದರೂ ರಾಜಕೀಯದಲ್ಲಿ ಕಾಂಗ್ರೆಸ್ ಪಕ್ಷದಲ್ಲಿ ನಾಯಕಿಯಾಗಿ ಗುರುತಿಸಿಕೊಂಡರು‌ . ಆ ಪಕ್ಷದ ಸಾಮಾಜಿಕ ಜಾಲತಾಣ ವಿಭಾಗದ ಮುಖ್ಯಸ್ಥೆಯೂ ಆದರು .‌

ಕಳೆದ ವರ್ಷ ರಮ್ಯಾ ಟ್ಟಿಟರ್ ಖಾತೆ ಡಿ ಆ್ಯಕ್ಟವೇಟ್ ಆಗಿದ್ದು ದೊಡ್ಡಮಟ್ಟಿನ ಸುದ್ದಿಯಾಗಿತ್ತು . ಲೋಕಸಭಾ ಚುನಾವಣಾ ವೇಳೆ ಪದೇ ಪದೇ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಟೀಕಿಸಿ ಮೋದಿ ಅವರ ಅಭಿಮಾನಿಗಳ ಕೋಪಕ್ಕೆ ಕಾರಣರಾಗಿ ಸಾಕಷ್ಟು ಟೀಕೆಗೆ ಗುರಿಯಾಗಿದ್ದರು . ಅವರ ಟ್ವೀಟ್ ಗಳು ವಾದ – ವಿವಾದಕ್ಕೂ ಕಾರಣವಾಗಿತ್ತು .

ರೆಬೆಲ್ ಸ್ಟಾರ್ ಅಂಬರೀಶ್ ಅವರ ಅಂತಿಮ ದರ್ಶನಕ್ಕೂ ಬರದೆ ಟೀಕೆಗೆ ಗುರಿಯಾಗಿದ್ದರು . ನಂತರದಲ್ಲಿ ಎಲ್ಲೂ ಪ್ರತ್ಯಕ್ಷರಾಗದ ರಮ್ಯಾ ಈಗ ಟ್ವಿಟ್ಟರ್ ಅಕೌಂಟ್ ರೀ ಆ್ಯಕ್ಟೀವ್ ಮಾಡಿದ್ದಾರೆ . ಇನ್ನೂ ಟ್ವೀಟ್ ಮಾಡಿಲ್ಲ . ರಮ್ಯಾ ಏನಂತಾರೆ ಎಂಬ ಕುತೂಹಲ ಎಲ್ಲರದ್ದು . ಜೊತೆಗೆ ಅಭಿಮಾನಿಗಳು ಸಾಕಷ್ಟು ಪ್ರಶ್ನೆಗಳನ್ನು ಕೇಳುವ ತವಕದಲ್ಲಿದ್ದಾರೆ.