ಬಹುನಿರೀಕ್ಷಿತ ಯುವರತ್ನ ಚಿತ್ರ ಕಳೆದ ವಾರವಷ್ಟೇ ಬಿಡುಗಡೆಯಾಗಿ ಭರ್ಜರಿ ಪ್ರದರ್ಶನವನ್ನು ಕಾಣುತ್ತಿತ್ತು. ಚಿತ್ರದಲ್ಲಿ ಒಂದೊಳ್ಳೆಯ ಸಂದೇಶ ಇದ್ದ ಕಾರಣ ಕುಟುಂಬ ಸಮೇತರಾಗಿ ಬಂದು ವೀಕ್ಷಕರು ಸಿನಿಮಾವನ್ನು ವೀಕ್ಷಿಸುತ್ತಿದ್ದರು. ಎಷ್ಟೋ ಜನ ಇದು ಎಲ್ಲರೂ ನೋಡಬೇಕಾದ ಸಿನಿಮಾ ಇದು ಎರಡನೇ ರಾಜಕುಮಾರ ಆಗುವುದರಲ್ಲಿ ಯಾವುದೇ ಡೌಟ್ ಇಲ್ಲ ಎಂದು ಸಿನಿಮಾವನ್ನು ಹೊಗಳಿದ್ದರು.
ಇಷ್ಟೆಲ್ಲಾ ಪ್ರಶಂಸೆ ಪಡೆದುಕೊಂಡ ಯುವರತ್ನ ಸಿನಿಮಾವನ್ನು ಇದೀಗ ಎಂಟೇ ದಿನಕ್ಕೆ ಅಮೆಜಾನ್ ಪ್ರೈಮ್ ನಲ್ಲಿ ಬಿಡುಗಡೆ ಮಾಡಲು ಹೊಂಬಾಳೆ ತಂಡ ರೆಡಿ ಇದೆ. ಹೌದು ಇಂದು ಮಧ್ಯರಾತ್ರಿಯಿಂದಲೇ ಅಮೆಜಾನ್ ಪ್ರೈಮ್ ನಲ್ಲಿ ಯುವರತ್ನ ಚಿತ್ರ ಪ್ರದರ್ಶನಗೊಳ್ಳಲು ಆರಂಭವಾಗಲಿದೆ. ಬಿಡುಗಡೆಯಾಗಿ ಕೇವಲ ಎಂಟೇ ದಿನಕ್ಕೆ ಅಮೆಜಾನ್ ಪ್ರೈಮ್ ನಲ್ಲಿ ಯುವರತ್ನ ಚಿತ್ರ ಬಂದಿದ್ದಕ್ಕೆ ಅಭಿಮಾನಿಗಳು ಮತ್ತು ಪ್ರೇಕ್ಷಕವರ್ಗದಲ್ಲಿ ಬೇಜಾರೂ ಇದೆ.
.ಆದರೆ ವ್ಯವಹಾರದ ದೃಷ್ಟಿಯಿಂದ ನೋಡಿದರೆ ಯುವರತ್ನ ಹೊಸ ದಾಖಲೆಯನ್ನು ಬರೆದಿದೆ. ಹೌದು ಅಮೆಜಾನ್ ಪ್ರೈಮ್ ಗೆ ಹಿಂದೆಂದೂ ಮಾರಾಟವಾಗದ ದೊಡ್ಡ ಮಟ್ಟದ ಬೆಲೆಗೆ ಯುವರತ್ನ ಚಿತ್ರವನ್ನು ಮಾರಾಟ ಮಾಡಲಾಗಿದೆ. ಬರೋಬ್ಬರಿ 23 ಕೋಟಿ ರೂಪಾಯಿಗೆ ಯುವರತ್ನ ಚಿತ್ರವನ್ನು ಅಮೆಜಾನ್ ಪ್ರೈಮ್ ಖರೀದಿಸಿದ್ದು ಇದುವರೆಗೂ ಇಷ್ಟು ದೊಡ್ಡ ಮೊತ್ತಕ್ಕೆ ಯಾವ ಕನ್ನಡ ಚಿತ್ರವನ್ನು ಅಮೆಜಾನ್ ಪ್ರೈಮ್ ಖರೀದಿಸಿರಲಿಲ್ಲ ಹೀಗಾಗಿ ಇದು ಯುವರತ್ನ ಸಿನಿಮಾ ಬರೆದ ಹೊಸ ದಾಖಲೆಯಾಗಿದೆ.
