‘ಫೈರಿಂಗ್ ಸ್ಟಾರ್’ ಹುಚ್ಚಾ ವೆಂಕಟ್‍ಗೆ ಇಂದು ಹುಟ್ಟುಹಬ್ಬದ ಸಂಭ್ರಮ.

ವಿಭಿನ್ನ ಡೈಲಾಗ್‍ಗಳ ಮೂಲಕ ಯೂಟ್ಯೂಬ್ ಕಿಂಗ್ ಎನಿಸಿಕೊಂಡಿರುವ ನೇರ ಮಾತುಗಾರ, ಫೈರಿಂಗ್ ಸ್ಟಾರ್ ಹುಚ್ಚಾ ವೆಂಕಟ್ ಅವರಿಗೆ ಇಂದು ಹುಟ್ಟು ಹಬ್ಬದ ಸಂಭ್ರಮ. ವಿಷೇಶ ಅಂದ್ರೆ ಸ್ಯಾಂಡಲ್‍ವುಡ್‍ನಲ್ಲಿ ನಿನ್ನೆಯಷ್ಟೇ ಸಾಹಸ ಸಿಂಹ ವಿಷ್ಣವರ್ಧನ್, ರಿಯಲ್ ಸ್ಟಾರ್ ಉಪೇಂದ್ರ, ಅವ್ವ ಖ್ಯಾತಿಯ ನಟಿ ಶ್ರುತಿ ಅವರ ಹುಟ್ಟು ಹಬ್ಬವನ್ನು ಅಭಿಮಾನಿಗಳು ಬಹಳ ವಿಜೃಂಭಣೆಯಿಂದ ಆಚರಿಸಿದ ಬೆಲ್ಲನ್ನೇ ಇಂದು ಹುಚ್ಚಾ ವೆಂಕಟ್ ಅವರ ಹುಟ್ಟು ಹಬ್ಬವನ್ನು ಅಷ್ಟೇ ವಿಜೃಂಭಣೆಯಿಂದ ಆಚರಿಸಲಾಗ್ತಾ ಇದೆ. ಬಿಗ್ ಬಾಸ್‍ನಲ್ಲಿ ತನ್ನದೇ ಆದ ವಿಶಿಷ್ಟ ಮಾತಿನ ಶೈಲಿಯ ಮೂಲಕ ಭಾರಿ ಹವಾ ಕ್ರಿಯೇಟ್ ಮಾಡಿ, ಕರ್ನಾಟಕ ಜನತೆಯ ಮನೆ ಮಾತಾಗಿರುವ ಹುಚ್ಚಾ ವೆಂಕಟ್ ಹುಟ್ಟು ಹಬ್ಬದ ಸಂಭ್ರಮದ ಬೆನ್ನಲ್ಲೇ ತಮ್ಮ ಅಭಿಮಾನಿಗಳಿಗೆ ಮತ್ತೊಂದು ಚಿತ್ರವನ್ನು ನೀಡಲು ಮುಂದಾಗಿದ್ದಾರೆ. ಇನ್ನು ಸಿನಿಮಾದ ನಿರ್ದೇಶನ, ನಿರ್ಮಾಣ ಎರಡು ವೆಂಕಟ್‍ರದ್ದೇ ಆಗಲಿದೆ ಎಂದು ಕೆಲವು ಗಾಸಿಪ್ ಹರಿದಾಡ್ತಾ ಇದ್ದು, ಸಿನಿಮಾದ ಹೆಸರು ಹಾಗೂ ಹೆಚ್ಚಿನ ವಿವರಗಳು ಬಹಿರಂಗಗೊಂಡಿಲ್ಲ.
ನನ್ನ ಮಗಂದ್, ನನ್ನ ಎಕ್ಡಾ ಎಂಬ ಡೈಲಾಗ್ ಮೂಲಕ ಎಲ್ಲರ ರಂಜಿಸಿದ್ದ ವೆಂಕಟ್ ಅವರಿಗೆ ನಮ್ಮ ‘ದಿ ನ್ಯೂ ಇಂಡಿಯನ್ ಟೈಮ್ಸ್’ ಅವರಿಂದ ಹುಟ್ಟು ಹಬ್ಬದ ಶುಭಾಷಯಗಳು.