ನಿಮಗೆ ಪದೇ ಪದೇ ಬರುವ ಸೊಂಟದ ನೋವಿಗೆ ಕಾರಣವೇನು ಗೊತ್ತಾ? ತಡೆಗಟ್ಟುವುದು ಹೇಗೆ!?

ನಿಮಗೆ ಪದೇ ಪದೇ ಬರುವ ಸೊಂಟದ ನೋವಿಗೆ ಕಾರಣವೇನು ಗೊತ್ತಾ? ತಡೆಗಟ್ಟುವುದು ಹೇಗೆ!?

ದಿನದಲ್ಲಿ ಬಹಳ ಹೊತ್ತು ಒಂದೇ ಕಡೆ ಕೂರುವುದು , ಹೆಚ್ಚು ಸಮಯ ಬೈಕ್ ಅಥವಾ ಕಾರ್ ಓಡಿಸುವುದು , ದೇಹದಲ್ಲಿ ವಿಟಮಿನ್ ಕೊರತೆ, ಕೂರುವಾಗ, ನಿಲ್ಲುವಾಗ, ಮಲಗುವಾಗ ಸರಿಯಾದ ಭಂಗಿ ಇಲ್ಲದಿರುವುದು ಹೀಗೆ ಇವೆಲ್ಲವು ಸಹ ಸೊಂಟ ನೋವಿಗೆ ಕಾರಣವಾಗುತ್ತೆ . ಇದನ್ನು ಸರಿಯಾದ ರೀತಿಯಲ್ಲಿ ಶಮನ ಮಾಡದಿದ್ದರೆ ಸಯಾಟಿಕ ಎಂಬ ಸಮಸ್ಯೆಗೆ ಕೂಡ ಒಳಗಾಗಬಹುದು.

ಸೊಂಟ ನೋವಿಗೆ ಪ್ರಮುಖ ಕಾರಣ:-

ಬ್ಯಾಕ್ ಸ್ಟ್ರೈನ್

ಸಾಮಾನ್ಯವಾಗಿ ಜನರು ಬೈಕ್ ಅಥವಾ ಕಾರ್ ನಲ್ಲಿ ಪ್ರಯಾಣಿಸುವಾಗ ಅಥವಾ ಬಸ್ ನಲ್ಲಿ ಓಡಾಡುತ್ತಿರುವಾಗ ರಸ್ತೆ ಸರಿ ಇಲ್ಲದೆ ಹೆಚ್ಚಾಗಿ ವಾಹನ ಜೆರ್ಕ್ ಹೊಡೆಯುವುದು ಅಥವಾ ರಸ್ತೆ ಹಂಪ್ ನಿಂದ ಹೆಚ್ಚಾಗಿ ವಾಹನ ಸಡನ್ ಆಗಿ ಗುಂಡಿಗೆ ಇಳಿದು ಹತ್ತುವುದರಿಂದ ಬ್ಯಾಕ್ ಪೈನ್ ಆಗುವ ಸ್ಸಾಧ್ಯತೆ ಹೆಚ್ಚಿರುತ್ತದೆ .
ವಿಟಮಿನ್ ಡಿ ಅಥವಾ ಕ್ಯಾಲ್ಸಿಯಂ ಕೊರತೆ

ಹೌದು . ನಮ್ಮ ಆಹಾರ ಸೇವನೆ ಕೂಡ ನಮಗೆ ಬರುವ ಸೊಂಟ ನೋವಿಗೆ ಕಾರಣವಾಗಬಹುದು . ಇದು ದೇಹದಲ್ಲಿನ ವಿಟಮಿನ್ ಅಥವಾ ಕ್ಯಾಲ್ಸಿಯಂ ಕೊರತೆ ಇಂದ ಕೂಡ ಬರುತ್ತೆ .

ಹೆಚ್ಚು ಭಾರ ಹೊರವುದು

ಸಾಮಾನ್ಯವಾಗಿ ಸ್ತ್ರೀಯರು ಈ ಕಾರಣದಿಂದ ಸೊಂಟ ನೋವು ಹೊಂದುತ್ತಾರೆ . ಮನೆ ಕೆಲಸಗಳಲ್ಲಿ ತೊಡಗಿರುವಾಗ ಬಕೆಟ್ ಎತ್ತುವ ಸಂದರ್ಭ ಅಥವಾ ಮಗುವನ್ನು ಎತ್ತಿಕೊಳ್ಳುವ ಸಂಧರ್ಭ ಈ ರೀತಿಯ ಸನ್ನಿವಾಶಗಳಲ್ಲಿ ಸೊಂಟ ನೋವು ಬರುವ ಸಾಧ್ಯತೆ ಇರುತ್ತದೆ .

ಒಂದೇ ಕಡೆ ಹೆಚ್ಚು ಹೊತ್ತು ಕೂರುವುದು

ಹೌದು ಇದು ಕೂಡ ಸೊಂಟ ನೋವಿಗೆ ಪ್ರಮುಖ ಕಾರಣ. ಸಾಮಾನ್ಯವಾಗಿ ಬೆಳಿಗ್ಗೆಯಿಂದ ಸಂಜೆಯವರೆಗೂ ಕಂಪ್ಯೂಟರ್ ಮುಂದೆ ಕೂತು ಯಾವುದೇ ರೀತಿಯ ಚಲನೆ ಇಲ್ಲದೆ ಇರುವುದರಿಂದ ಸೊಂಟ ನೋವು ಬರುತ್ತೆ

ಬೊಜ್ಜು ಅಥವಾ ಹೆಚ್ಚಾಗಿ ದೇಹದ ತೂಕ ಹೊಂದಿರುವುದು .

ನಿಮ್ಮ ದೇಹದ ತೂಕ ಹೆಚ್ಚಾಗಿದ್ದು ಅದರಲ್ಲಿ ಬೊಜ್ಜು ಹೆಚ್ಚಿದ್ದರೆ ಕೂಡ ಸೊಂಟ ನೋವು ಬರುವ ಸಾಧ್ಯತೆ ಇರುತ್ತೆ .

ಕೂರುವ ಅಥವಾ ಮಲಗುವ ಭಂಗಿ ಸರಿಯಿಲ್ಲದಿರುವುದು

ಸರಿಯಾದ ಕೂರುವ ಹಾಗು ಮಲಗುವ ಭಂಗಿ ಇಲ್ಲದಿದ್ದರೂ ಸಹ ಸೊಂಟ ನೋವು ಕಾಣಿಸಿಕೊಳ್ಳಬಹುದು . ಇದರಿಂದ ದೇಹದ ಸ್ಪೈನ್ ಗೆ ಎಫೆಕ್ಟ್ ಆಗಿ ನೋವು ಕಾಣಿಸುತ್ತೆ.

ಸೊಂಟ ನೋವಿನ ಲಕ್ಷಣಗಳು:

ಸೊಂಟ ಬಿಗಿಯಾಗುವುದು
ಸೊಂಟ ನೋವಿನಿಂದ ನಮ್ಮ ದಿನದ ಕೆಲಸಗಳಿಗೆ ಬಹಳ ತೊಂದರೆ ಆಗಿಬಿಡುತ್ತೆ . ಸೊಂಟ ನೋವಿನಿಂದ ಕೆಲವರಿಗೆ ಸ್ಟಿಫ್ನೆಸ್ಸ್ ಉಂಟಾಗಿ ಅವರು ಮುಂದೆ ಅಥವಾ ಹಿಂದೆ ಬಗ್ಗಲು ಆಗುವುದಿಲ್ಲ . ಕಷ್ಟ ಪಟ್ಟು ಬಗ್ಗಿದರು ಸಹ ನೋವು ಉಂಟಾಗುತ್ತೆ .
ನಡೆಯುವಾಗ ನೋವು ಕಾಣಿಸುವುದು
ಸೊಂಟ ನೋವು ಇರುವವರು ನಡೆಯುವಾಗ ಸೊಂಟದಿಂದ ಹಿಡಿದು ಕಾಲಿನ ವರೆಗೂ ನೋವು ಹರಡಿ ನಡೆಯಲು ಬಹಳ ಕಷ್ಟವಾಗುತ್ತೆ . ಇದನ್ನು ರೇಡಿಯೇಟಿಂಗ್ ನೋವು ಎನ್ನುತ್ತಾರೆ . ಈ ರೀತಿಯ ಸಮಸ್ಯೆ ಉಳ್ಳವರು ಕೇವಲ ಸೊಂಟದಲ್ಲಿ ನೋವು
ಇರದೇ ಇತರ ಭಾಗಗಳಿಗೂ ಹರಡಿ ಹೆಚ್ಚು ಕಿರಿಕಿರಿ ಮಾಡುತ್ತೆ .

ಸೊಂಟ ನೋವನ್ನು ತಡೆಗಟ್ಟುವುದು ಹೇಗೆ ?

ಲೆಗ್ ರೈಸ್ ವ್ಯಾಯಾಮ

ಸೊಂಟ ನೋವನ್ನು ತಡೆಗಟ್ಟಲು ಹಲವು ವ್ಯಾಯಾಮ , ಯೋಗದಿಂದ ಸಾಧ್ಯವಿದೆ . ಮುಖ್ಯವಾಗಿ ಲೆಗ್ ರೈಸ್ ಪ್ರಮುಖವಾದದ್ದು. ವ್ಯಕ್ತಿಯು ಮಲಗಿಕೊಂಡು ಆತನ ಒಂದೊಂದೇ ಕಾಲನ್ನು ಮೇಲೆ ಎತ್ತಬೇಕು . ಕೆಲವರಿಗೆ ಕೇವಲ 30′ ಮಾತ್ರ ಕಾಲುಗಳನ್ನು ಎತ್ತಲು ಸಾಧ್ಯವಾದರೆ ಇನ್ನು ಕೆಲವರು 60’ ಅಥವಾ 90’ ತನಕವೂ ಎತ್ತಲು ಸಾಮರ್ಥ್ಯರು . ಹೀಗೆ ತಮಗೆ ಸಾಧ್ಯವಾದಷ್ಟು ತಮ್ಮ ಕಾಲುಗಳನ್ನು ಒಂದೊಂದಾಗಿ ಮೇಲೆ ಎತ್ತಬೇಕು . ಹೀಗೆ ಎಡಕಾಲು 10 ಸಾರಿ, ಬಲಗಾಲು 10 ಸಾರಿ ಹಾಗು ಒಟ್ಟಿಗೆ ಎರಡು ಕಾಲುಗಳನ್ನು 10 ಸಾರಿ ಎತ್ತಬೇಕು . ಈ ರೀತಿ ಪ್ರತಿನಿತ್ಯ ಮಾಡುವುದುರಿಂದ ಸೊಂಟ ನೋವು ಬರದಂತೆ ನೋಡಿಕೊಳ್ಳಬಹುದು . ಹಾಗು ಈ ರೀತಿಯ ವ್ಯಾಯಾಮಗಳನ್ನು ಸತತವಾಗಿ ಮಾಡಬೇಕು . ಇದರಿಂದ ಮಾತ್ರ ಅದರಿಂದ ಆಗುವ ಲಾಭವನ್ನು ಪಡೆಯಲು ಸಾಧ್ಯ

ಅಭ್ಯಂಗ ಅಥವಾ ಎಣ್ಣೆ ಮಸಾಜ್

ಚೆನ್ನಾಗಿ ಸೊಂಟದ ಜಾಗಕ್ಕೆ ಎಳ್ಳೆಣ್ಣೆ ಅಥವಾ ಕೊಬ್ಬರಿ ಎಣ್ಣೆಯನ್ನು ಹಾಕಿ ಮಸಾಜ್ ಮಾಡುವುದನ್ನು ಅಭ್ಯಂಗ ಎಂದು ಕರೆಯುತ್ತಾರೆ . ಈ ರೀತಿ ಆಗಾಗ ಅಭ್ಯಂಗ ಮಾಡುವುದರಿಂದ ಬೆನ್ನಿನ ಕೆಳಭಾಗಕ್ಕೆ ಶಕ್ತಿ ದೊರೆಯುತ್ತದೆ . ಹಾಗು ನಂತರ ಸೊಂಟದ ಜಾಗಕ್ಕೆ ಬಿಸಿ ನೀರಿನ ಶಾಖ ಕೊಡುವುದರಿಂದ ಅಥವಾ ಬಿಸಿ ನೀರಿನಿಂದ ಸ್ನಾನ ಮಾಡುವುದರಿಂದ ಬ್ಯಾಕ್ ಬಲಶಾಲಿ ಆಗುವುದಲ್ಲದೆ ಆ ಭಾಗದ ಚರ್ಮಕ್ಕೂ ಸಹ ಒಳ್ಳೆಯದು

ಆಹಾರದಲ್ಲಿ ಅಗತ್ಯ ಕ್ಯಾಲ್ಸಿಯಂ ಪೂರೈಕೆ:

ನಮ್ಮ ದೈನನಿಂದ ಆಹಾರ ಸೇವನೆಯಿಂದ ಕೂಡ ನಮಗೆ ಸೊಂಟ ನೋವು ಬರದಂತೆ ತಡೆಗಟ್ಟಬಹುದು . ಮುಖ್ಯಯಾಗಿ ಕ್ಯಾಲ್ಸಿಯಂ ಇರುವ ಆಹಾರವಾದ ಹಾಲು, ಮೊಟ್ಟೆ , ಗೋಡಂಬಿ, ಬಾದಾಮಿ ಈ ರೀತಿಯ ಡ್ರೈ ಫ್ರೂಟ್ಸ್ ತಿನ್ನುವುದರಿಂದ ದೇಹಕ್ಕೆ ಬೇಕಾದ ಅಗತ್ಯ ಪೌಷ್ಟಿಕಾಂಶ ದೊರಕಿ ಅದು ಸೊಂಟ ನೋವು ಬರದಂತೆ ತಡೆಗಟ್ಟುತ್ತದೆ .

ಕೂರುವಾಗ ಅಥವಾ ಬೈಕ್ ಕಾರ್ ಓಡಿಸುವಾಗ ನೇರವಾಗಿ ಕೂರಬೇಕು

ಬಹಳಷ್ಟು ಜನ ತಮ್ಮ ಕೆಲಸಕ್ಕೆ ಹೋಗುವಾಗ, ಕಾರ್ ಬೈಕ್ ಗಳಲ್ಲಿ ಓಡಾಡುವಾಗ ನೇರವಾಗಿ ಕೂರಬೇಕು . ಇದಲ್ಲದೆ ನಡೆಯುವಾಗ , ನಿಲ್ಲುವಾಗ ಸಹ ನೇರವಾಗಿ ನಿಲ್ಲುವುದು ಬಹಳ ಮುಖ್ಯ . ಇದರಿಂದ ದೇಹದಲ್ಲಿರುವ ಸ್ಪೈನ್ ನೇರವಾಗಿ ಇರುತ್ತೆ ಹಾಗು ಸೊಂಟ ನೋವು ಬರದಂತೆ ನೋಡಿಕೊಳ್ಳುತ್ತೆ . ಇದಲ್ಲದೆ ಮಲಗುವಾಗ ಸಹ ಸರಿಯಾಗಿ ನೇರವಾಗಿ ಮಲಗಿ ಸ್ಪೈನ್ ನೆರವಾಗಿಟ್ಟು ಮಲಗುವುದು ಬಹಳ ಮುಖ್ಯ ಎನ್ನುತ್ತಾರೆ ತಜ್ಞರು . ಈ ರೀತಿಯ ಎಲ್ಲ ಮಾರ್ಗಗಳನ್ನು ಅನುಸರಿಸುವುದರಿಂದ ಸೊಂಟ ನೋವು ಬರದಂತೆ ತಡೆಗಟ್ಟಬಹುದು