`ಅಸಹಿಷ್ಣುತೆ' ಎಫೆಕ್ಟ್ ಅಮೀರ್ ಖಾನ್ ಗೆ ಕೋಕ್ ಕೊಟ್ಟ ಪ್ರವಾಸೋದ್ಯಮ ಇಲಾಖೆ.?

January 6, 2016

ಪ್ರವಾಸೋದ್ಯಮ ಇಲಾಖೆಯ ಇಂಕ್ರೆಡಿಬಲ್ ಇಂಡಿಯಾ ಅಭಿಯಾನದ ರಾಯಭಾರಿ ಸ್ಥಾನದಿಂದ ಬಾಲಿವುಡ್ ನಟ ಅಮೀರ್ ಖಾನ್ಗೆ ಕೈಬಿಡುವ ಸಾಧ್ಯತೆ ಇದೆ ಎಂದು ಮಾಧ್ಯಮದ ವರದಿಯೊಂದು ತಿಳಿಸಿದೆ.
. ಹಲವು ವರ್ಷಗಳಿಂದ ಈ ಆಂದೋಲನದ ರಾಯಭಾರಿ ಆಗಿದ್ದ ಅಮೀರ್ ಖಾನ್ ಪ್ರವಾಸೋದ್ಯಮ ಇಲಾಖೆಯ ಹಲವು ಸರ್ಕಾರಿ ಜಾಹೀರಾತಿನಲ್ಲಿ ಕಾಣಿಸಿಕೊಂಡಿದ್ದರು.
ಅಸಹಿಷ್ಣುತೆ ಬಗ್ಗೆ ಹೇಳಿಕೆ ನೀಡಿದ್ದ ಕಾರಣದಿಂದ ಅಮೀರ್ ಖಾನ್ ರನ್ನು ರಾಯಭಾರಿ ಸ್ಥಾನದಿಂದ ಕೆಳಗಿಳಿಸಬೇಕು ಎಂದು ಪ್ರತಿಭಟನೆ ವ್ಯಕ್ತವಾಗಿತ್ತು ಅದೇ ಕಾರಣಕ್ಕಾಗಿಯೇ ಅಮೀರ್ ಖಾನ್ ರನ್ನು ಇಂಕ್ರೆಡಿಬಲ್ ಇಂಡಿಯಾ ಅಭಿಯಾನದ ರಾಯಭಾರಿ ಸ್ಥಾನದಿಂದ ಕೇಳಗಿಳಿಸಬಹುದು ಎನ್ನಲಾಗುತ್ತಿದೆ.
ದೇಶದಲ್ಲಿ ಅಸಹಿಷ್ಣುತೆ ಅಧಿಕವಾಗುತ್ತಿದ್ದು, ನನ್ನ ಪತ್ನಿ ಕಿರಣ್ ರಾವ್ ದೇಶ ತೊರೆಯುವ ಮಾತನಾಡಿದ್ದರು ಎಂದು ಕಳೆದ ವರ್ಷದ ನವೆಂಬರ್ ನಲ್ಲಿ ಅಮೀರ್ ಖಾನ್ ಕಾರ್ಯಕ್ರಮವೊಂದರಲ್ಲಿ ಹೇಳಿದ್ದರು. ಹೇಳಿಕೆ ನೀಡಿದ ಬಳಿ ಅಮೀರ್ ಈ ಮಾತಿಗೆ ಭಾರೀ ವಿರೋಧ ವ್ಯಕ್ತವಾಗಿತ್ತು. ಆದರೆ, ಬಳಿಕ ಇದಕ್ಕೆ ಅಮೀರ್ ಖಾನ್ ಸ್ಪಷ್ಟನೆಯನ್ನೂ ಕೊಟ್ಟಿದ್ದರು. ನಾನು ಭಾರತವನ್ನು ಪ್ರೀತಿಸುತ್ತೇನೆ. ಭಾರತವೆಂದರೆ ನನಗಿಷ್ಟ ಎಂದು ಹೇಳಿದ್ದ ಅಮೀರ್ ತನ್ನ ಹೇಳಿಕೆಯನ್ನು ತಪ್ಪಾಗಿ ಅರ್ಥೈಸಲಾಗಿದೆ ಎಂದಿದ್ದರು.