ನಮ್ಮ ಸಂಸ್ಕೃತಿಯೇ ಹಾಗೆ.. ದೇವರ ಹೆಸರಿನಲ್ಲಿ ಪ್ರಾಣಿಗಳನ್ನು ಬಿಟ್ಟು ಬಿಡುತ್ತಾರೆ. ಆ ಬಡಪಾಯಿ ಪ್ರಾಣಿಗಳು ಸುಗ್ಗಿಯ ಸಮಯದಲ್ಲಿ ಚೆನ್ನಾಗಿ ಮೇಯುತ್ತಾ ದಷ್ಟಪುಷ್ಟವಾಗಿ ಬೆಳೆಯುತ್ತವೆ. ಆದರೆ ಮೇವು ಸಿಗದೇ ಇದ್ದರೇ ಏನು ಮಾಡುತ್ತವೆ ಗೊತ್ತಾ..? ಹಸಿವು ತಾಳಲಾಗದೇ ಮಾನವ ಬಳಸಿ ಬಿಸಾಡಿದ ಪ್ಲಾಸ್ಟಿಕ್, ಕಾಗದಗಳನ್ನು ತಿಂದುಬಿಡುತ್ತವೆ. ಆಗ ಒಂದು ವೇಳೆ ಕಾಗದ ಕರಗಬಹುದು. ಆದರೆ ಪ್ಲಾಸ್ಟಿಕ್ ಮಾತ್ರ ಕರಗುವುದಿಲ್ಲ. ಬದಲಿಗೆ ಪಶುಗಳ ಹೊಟ್ಟೆಯಲ್ಲೇ ಶೇಖರಣೆಯಾಗಿಬಿಡುತ್ತವೆ. ಇದರಿಂದ ಪಶುಗಳು ಏನನ್ನೂ ತಿನ್ನದ ಪರಿಸ್ಥಿತಿಗೆ ಬಂದು ತಲುಪುತ್ತವೆ. ಕೊನೆಗೊಂದು ದಿನ ಸಾವನ್ನಪ್ಪಿಬಿಡುತ್ತವೆ. ಅಂಥದ್ದೇ ಒಂದು ಕತೆ ಇಲ್ಲಿದೆ ನೋಡಿ.
ಪ್ಲಾಸ್ಟಿಕ್ ತಿಂದ ಗೂಳಿಯೊಂದು ಸಾವು-ಬದುಕಿನ ಮಧ್ಯೆ ಹೋರಾಡುತ್ತಿತ್ತು. ಆದರೆ ಅದನ್ನು ಗಮನಿಸಿದ ಕೆಲ ಯುವಕರು ಗೂಳಿಗೆ ಶಸ್ತ್ರ ಚಿಕಿತ್ಸೆ ಮಾಡಿಸಿದರು. ಆಗ ಗೂಳಿಯ ಹೊಟ್ಟೆಯಿಂದ ತೆಗೆದ ಪ್ಲಾಸ್ಟಿಕ್ ಕಂಡು ಅಲ್ಲಿ ನೆರೆದಿದ್ದ ಎಲ್ಲರೂ ದಂಗಾಗಿ ಹೋಗಿದ್ದರು. ಏಕೆಂದರೆ ಆ ಗೂಳಿಯ ಹೊಟ್ಟೆಯಲ್ಲಿ ಇದ್ದಿದ್ದು ಬರೋಬ್ಬರಿ 20 ಕೆಜಿಯಷ್ಟು ಪ್ಲಾಸ್ಟಿಕ್. ಇದರಿಂದ ಆ ಗೂಳಿಯು ಏನನ್ನೂ ತಿನ್ನಲಾಗದ ಸ್ಥಿತಿಗೆ ಬಂದು ತಲುಪಿತ್ತು. ಆದರೆ ಶಸ್ತ್ರ ಚಿಕಿತ್ಸೆಯ ಬಳಿಕ ಅದರ ಸ್ಥಿತಿ ನಿಧಾನವಾಗಿ ಚೇತರಿಸಿಕೊಳ್ಳುತ್ತಿದೆ.
ಒಟ್ಟಾರೆ ಪ್ರಾಣಿಗಳನ್ನು ಬೀದಿಯಲ್ಲಿ ಬಿಡುವ ನಮ್ಮ ಜನರಲ್ಲಿ ಅದರ ಕುರಿತು ಯೋಚಿಸದಿರುವುದು, ಪ್ಲಾಸ್ಟಿಕ್ ಬಗ್ಗೆ ಸೂಕ್ತ ಮಾಹಿತಿ ಇಲ್ಲದಿರುವುದು ಶೋಚನೀಯ. ಇನ್ನಾದರೂ ಪಶುಗಳು ಸಾವಿನ ಶೂಲಕ್ಕೆ ಸಿಲುಕುವ ಮುನ್ನ ನಮ್ಮ ಜನ ಎಚ್ಚೆತ್ತುಕೊಳ್ಳಬೇಕಿದೆ.
Video :
If you Like this Story , Like us on Facebook The New India Times
www.facebook.com/thenewindiantimes
TNIT Whats App No : 97316 23333
Send Your Stories to : [email protected]