ಯುಪಿಎಸ್ಸಿಯಲ್ಲಿ ಮೊದಲ ರ್ಯಾಂಕ್ ಬರಲು ತನ್ನ ಗರ್ಲ್ಫ್ರೆಂಡ್ ಕಾರಣ ಎಂದು ಈ ಬಾರಿ ಮೊದಲ ರ್ಯಾಂಕ್ ಪಡೆದಿರುವ ಕನಿಶಿಕ ಕಟಾರಿಯಾ ಹೇಳಿದ್ದಾರೆ.
ರಾಜಸ್ಥಾನದ ಕಟಾರಿಯಾ ಅವರು ತಾನು ಮೊದಲು ರ್ಯಾಂಕ್ ಬರುತ್ತೇನೆ ಎಂದುಕೊಂಡಿರಲಿಲ್ಲ. ಆದರೆ, ಪರಿಶ್ರಮಕ್ಕೆ ಬೆಲೆ ಸಿಕ್ಕಿದೆ. ತನ್ನ ಯಶಸ್ಸಿನ ಹಿಂದೆ ತನ್ನ ಗರ್ಲ್ಫ್ರೆಂಡ್ ಇದ್ದಾರೆ ಎಂದಿದ್ದಾರೆ.
ಫಸ್ಟ್ ರ್ಯಾಂಕ್ ಬಂದಿದ್ದೇನೆ ಎಂದು ತಿಳಿದು ಆಶ್ಚರ್ಯವಾಯಿತು. ನಿರೀಕ್ಷೆ ಇರಲಿಲ್ಲ. ಪ್ರೋತ್ಸಾಹಿಸಿದ ಪೋಷಕರಿಗೆ, ಓದಲು ಸಹಾಯ ಮಾಡಿದ ಸಹೋದರಿಗೆ ಹಾಗೂ ಬೆಂಬಲವಾಗಿ ನಿಂತ ಪ್ರೇಯಸಿಗೆ ಧನ್ಯವಾದ ಎಂದು ಹೇಳಿದ್ದಾರೆ. ಯುಪಿಎಸ್ಸಿ ಯಲ್ಲಿ ಮೊದಲ ರ್ಯಾಂಕ್ ಬಂದ ಯಾವ ಒಬ್ಬ ವಿದ್ಯಾರ್ಥಿಯೂ ಇಲ್ಲಿಯವರೆಗೆ ತನ್ನ ಸಾಧನೆಗೆ ಕಾರಣ ಗರ್ಲ್ಫ್ರೆಂಡ್ ಎಂದು ಹೇಳಿರಲಿಲ್ಲ. ತನ್ನ ಗರ್ಲ್ಫ್ರೆಂಡೇ ತನ್ನ ಸಾಧನೆಗೆ ಕಾರಣ ಎಂದವರಲ್ಲಿ ಕನಿಶಿಕ ಮೊದಲನೇಯವರಾಗಿದ್ದಾರೆ.
