54 ವರುಷದ ಕ್ಯಾನ್ಸರ್ ಪೇಷಂಟ್ ಆಗಿದ್ದ ವ್ಯಕ್ತಿ ರಿಯೋ ಒಲಿಂಪಿಕ್ ಗೋಲ್ಡ್ ಮೆಡಲ್ ವಿನ್ನರ್

ಅರ್ಜೆಂಟೈನಾದ ಸಾಂಟಿಗೋ ಲೆಂಜ್ ಎಂಬ 54 ವರುಷದ ವ್ಯಕ್ತಿಯು ಅಂದು ತನ್ನ ಕಣ್ಣಿನಿಂದ ಧಾರಾಕಾರವಾಗಿ ಸುರಿಯುತ್ತಿರೋ ಕಣ್ಣೀರನ್ನು ತಡೆಯದಾದ, ಹೌದು! ಆದರೆ ಅದು ಬೇಸರದ ಕಣ್ಣೀರಲ್ಲ, ಅತನ ಪಾಲಿನ ಆನಂದ ಭಾಷ್ಪ! ಇದಕ್ಕೆ ಕಾರಣ…. ಈತ ರಿಯೋ ಒಲಿಂಪಿಕ್ 2016ರ ಇದೇ ಮಂಗಳವಾರದಂದು ನಡೆದ ನಾಕ್ರಾ 17 ಮಿ‍ಕ್ಸ್ಡ್ ಕ್ಯಾಟಾಮಾರನ್ ಕ್ಲಾಸ್ ನ ಗೋಲ್ಡ್ ಮೆಡಲ್ ನ್ನು ತನ್ನದಾಗಿಸಿಕೊಂಡ ಸಂಭ್ರಮದ ಕ್ಷಣಗಳವು.ನಾಕ್ರಾ 17 ಎಂಬುದು ಒಲಿಂಪಿಕ್ಸ್ ನಲ್ಲಿ ಬಳಸಲಾಗುವ ಅತ್ಯಧಿಕ ಸಾಮರ್ಥ್ಯವಿರೋ ಒಂದು ಸ್ಪೀಡ್ ಬೋಟ್ ವ್ಯವಸ್ಥೆಯಾಗಿದೆ.ಈ ಸಾಂಟಿಗೋ ಲೇಂಜ್ ಈ ರೇಸ್ ನಲ್ಲಿ ತನ್ನ ಜೊತೆಗಾರ್ತಿಯಾದ ಸೆಸಿಲಿಯ ಕರಾಂಜ ಸರೋಲಿಯ ಜೊತೆಗೂಡಿ ಭಾಗವಹಿಸಿ ಚಿನ್ನದ ಪದಕಕ್ಕೆ ಹಕ್ಕುದಾರನಾಗಿರುವುದರ ಜೊತೆಗೆ ಈ ಒಲಿಂಪಿಕ್ನಲ್ಲಿ ಇದುವರೆಗೆ ನಡೆದ ವಯಸ್ಕರ ಕಾಂಪಿಟೀಷನ್ ನಲ್ಲಿ ಗೋಲ್ಡ್ ಮೆಡಲ್ ದಕ್ಕಿಸಿಕೊಂಡ ಮೊದಲಿಗ ಎಂಬ ಖ್ಯಾತಿಗೂ ಪಾತ್ರನಾಗಿದ್ದಾನೆ.
ಲೇಂಜ್ ಒಬ್ಬ ಶ್ವಾಸ ಕೋಶದ ಕ್ಯಾನ್ಸರ್ ನಿಂದ ಬಳಲುತ್ತಿದ್ದ ವ್ಯಕ್ತಿಯಾಗಿದ್ದು,ಹಿಂದಿನ ವರುಷವೇ ಈತನ ಕಾಯಿಲೆಯನ್ನು ಪತ್ತೆ ಹಚ್ಚಲಾಗಿದ್ದು,ಈತನ ಎಡ ಶ್ವಾಸ ಕೋಶವನ್ನು ತೆಗೆದು ಹಾಕಲಾಗಿದೆ.
ಮೆಡಲ್ ದೊರಕುತ್ತಿದ್ದಂತೆ ಲೇಂಜ್ ವೇದಿಕೆಯಿಂದ ಒಂದೇ ಸಮನಾಗಿ ಧುಮುಕಿ ತನ್ನ ಮಗನ ಬಳಿಗೆ ಧಾವಿಸಿಹೋಗಿ ಭಾವಾವೇಶದಿಂದ ಆತನನ್ನು ತಬ್ಬಿ ಕೊಂಡನು.ಈತನ ಮಗನೂ ಈ ಹಿಂದೆ ಎರಡು ಬಾರಿ ಟೋರ್ನೋಡೋ ಕ್ಯಾಟಮಾರನ್ ಕ್ಲಾಸ್ ನಲ್ಲಿ ಬ್ರೋಂಜ್ ಮೆಡಲ್ ಗೆದ್ದಿದ್ದನು.ಲೇಂಜ್ ಹಾಗೂ ಸರೋಲಿ ಯವರು,ಆಸ್ಟ್ರೇಲಿಯಾದ ಜಾಸನ್ ವಾಟರ್ ಹೌಸ್ ಹಾಗೂ ಲಿಸಾ ದಾರ್ಮಾನಿಯನ್ ನವರನ್ನು ಕೇವಲ ಒಂದು ಪಾಯಿಂಟ್ ಅಂತರದಲ್ಲಿ ಸೋಲಿಸಿ, ಚಿನ್ನದ ಪದಕವನ್ನು ತಮ್ಮದಾಗಿಸಿದ್ರು.

ನೋಡಿದ್ರಾ???ಅಯ್ಯೋ ವಯಸ್ಸಾಯ್ತಪ್ಪ!ನಮ್ಮಿಂದ ಇನ್ನೇನು ಮಾಡೋಕ್ ಸಾಧ್ಯ? ಅನ್ನೋವ್ರಿಗೊಂದು ಕಿವಿ ಮಾತು.ಸಾಧಿಸುವ ಮನಸ್ಸೊಂದು ಇದ್ದಲ್ಲಿ ನಮ್ಮನ್ನು ತಡೆಯಲು ಯಾರಿಂದಲೂ ಸಾಧ್ಯವಿಲ್ಲ..ಎಂಬುದನ್ನು ನಾವು ಇಂಥವರಿಂದಲೇ ಕಲಿಯಬೇಕು.ಸಾಧನೆಗೂ ವಯಸ್ಸಿಗೂ ಹೋಲಿಕೆ ಮಾಡಬೇಡಿ.ಲೇಂಜ್ ಯು ಆರ್ ರಿಯಲಿ ಗ್ರೇಟ್!