ರಿಯಲ್ ಸ್ಟೋರಿ

6 ಗುಂಡು ತಿಂದರೂ ನೆಲಕ್ಕೆ ಬೀಳದ ಭಾರತದ ಹೀರೋ..! ನಿಜ ಜೀವನದ ಸೂಪರ್ ಸ್ಟಾರ್ ಗೆ ಸೆಲ್ಯೂಟ್ ಹೊಡೆಯಿರಿ..!

January 8, 2016

ಪಾಕಿಸ್ತಾನ ನೀಡಿದ ಶಸ್ತ್ರಾಸ್ತ್ರಗಳನ್ನು ಹೊತ್ತ ಉಗ್ರರು ದೇಶ ನುಸುಳಿ ಬಂದಿದ್ದರು. ಭಾರತದಲ್ಲಿ ವಿಧ್ವಂಸಕ ಕೃತ್ಯ ಎಸಗುವುದೇ ಅವರ ಧ್ಯೇಯವಾಗಿತ್ತು. ಆದ್ದರಿಂದ ಕಾಡೊಳಗೆ ಕುಳಿತು ಪೂರ್ವ ತಯಾರಿಯಲ್ಲಿ ತೊಡಗಿದ್ದರು. ಆದರೆ ಭಾರತ ಸೇನೆಯ ಹೆಲಿಕಾಪ್ಟರ್ ಕಣ್ಣೀಗೆ ಉಗ್ರರು ಕಾಣಿಸಿದರು. ಕ್ಷಣ ಮಾತ್ರದಲ್ಲೇ ಉಗ್ರರು ದೇಶದೊಳಗೆ ನುಸುಳಿರುವ ಸುದ್ದಿಯನ್ನು ರವಾನಿಸಲಾಯಿತು.
ಬೆಳಗ್ಗೆ 3 ಗಂಟೆ ಸುಮಾರಿಗೆ ಗರುಡಾ ಕಮ್ಯಾಂಡೋಸ್ ಪಡೆಯ 12 ಜನ ಯೋಧರು ಉಗ್ರರಿರುವ ಸ್ಥಳಗ್ಗೆ ಬಂದರು. ಅದನ್ನು ಮೂರು ತಂಡಗಳಾಗಿ ವಿಂಗಡಿಸಲಾಯಿತು. ಉಗ್ರರನ್ನು ತಡೆಗಟ್ಟಲು ಸಾರಿಗೆ ವಿಂಗ್ ತೆರಳಿತು. ಇನ್ನುಳಿದವರನ್ನು ಪಾಕ್ ಪ್ರೇರಿತ ಉಗ್ರರ ಮೇಲೆ ದಾಳಿ ಮಾಡಲು ನಿಯೋಜಿಸಲಾಯಿತು.
ಉಗ್ರರು ಎಷ್ಟು ಉತ್ಕೃಷ್ಟ ತರಬೇತಿ ಪಡೆದಿದ್ದರೆಂದರೆ ಫೈಟರ್ ಜೆಟ್ ಗಳು, ಹೆಲಿಕಾಪ್ಟರ್ ಗಳಿಗೆ ಹಾನಿಯನ್ನುಂಟು ಮಾಡಿದರು. ಆದರೂ ಕೂಡಾ ನಮ್ಮ ಸೇನೆಯ ಯೋಧರು ಬರೋಬ್ಬರಿ 80 ನಿಮಿಷಗಳ ಜಾಕ ಹೋರಾಡಿ ಎಲ್ಲಾ ಉಗ್ರರನ್ನು ಸದೆಬಡಿದರು. ಅದರಲ್ಲಿ 7 ಜನ ಯೋಧರು ವೀರಮರಣವನ್ನಪ್ಪಿದರು. ಇನ್ನು 20 ಜನ ಯೋಧರು ಗಾಯಗೊಂಡಿದ್ದರು. ಅದರಲ್ಲೊಬ್ಬ ಶೈಲೇಶ್ ಗೌರ್.
ಎರಡನೇ ತಂಡದಲ್ಲಿ ನಿಯೋಜಿತರಾಗಿದ್ದ ಶೈಲೇಶ್ ಬಳಿ ವೇಗವಾಗಿ ಬಳಸಬಹುದಾದ ಇಸ್ರೇಲ್ ನಿರ್ಮಿತ ರೈಫಲ್ ಮತ್ತು ಮಷಿನ್ ಗನ್ ಗಳಿದ್ದವು. ಅವುಗಳ ಸಹಾಯದಿಂದಲೇ ಉಗ್ರರ ಮೇಲೆ ಆತ ದಾಳಿ ನಡೆಸಿದ. ಆದರೆ ಹೋರಾಟದ ಮಧ್ಯೆ ಶೈಲೇಶ್ ದೇಹಕ್ಕೆ ಸುಮಾರು 6 ಗುಂಡುಗಳು ಹೊಕ್ಕಿದ್ದವು. ಆದರೂ ಕೂಡಾ ಆತ ನೆಲಕ್ಕುರುಳಿರಲಿಲ್ಲ. ಬದಲಿಗೆ ಉಗ್ರರ ವಿರುದ್ಧ ಹೋರಾಡುತ್ತಲೇ ಇದ್ದ. ಯಾವಾಗ ಎಲ್ಲಾ ಉಗ್ರರು ಹತರಾದರೋ, ಆಗಲೇ ಶೈಲೇಶ್ ಆಸ್ಪತ್ರೆಗೆ ದಾಖಲಾಗಿದ್ದ.
6 ಗುಂಡುಗಳು ಬಿದ್ದರೆ ಜೀವ ಹೋದಂತೆಯೇ ಸರಿ. ಆದರೆ ಶೈಲೇಶ್ ದೇಹ ಆ 6 ಗುಂಡುಗಳನ್ನು ಸಹಿಸಿಕೊಳ್ಳುವ ಶಕ್ತಿ ಹೊಂದಿತ್ತು. ಆದ್ದರಿಂದ ಆತ ಸಾವನ್ನು ಗೆದ್ದು ಬಂದ.
ಇಷ್ಟಕ್ಕೂ ನಿಮ್ಮ ಹೀರೋ ಯಾರು ಎಂದು ಯಾರಾದರೂ ಕೇಳಿದರೆ, ಯಾರ್ಯಾರದ್ದೋ ಹೆಸರು ಹೇಳುವ ಜನರು ಶೈಲೇಶ್ ಗೌರ್, ನಿರಂಜನ್ ಕುಮಾರ್ ರ ಹೆಸರು ಹೇಳುವಂತಾಗಬೇಕು. ಅದೇ ನಾವು ನಮ್ಮ ಸೈನಿಕರ ಸಾಹಸಕ್ಕೆ ಕೊಡುವ ಗೌರವ. ಕೇವಲ 24 ವಯಸ್ಸಿನ ಶೈಲೇಶ್ ದೇಶಕ್ಕಾಗಿ ಪ್ರಾಣ ಅರ್ಪಿಸಲು ಮುಂದಾಗಿದ್ದ. 6 ಬುಲೆಟ್ ಹೊಡೆತದ ನೋವು ನುಂಗಿ ಫೈಟರ್ ಜೆಟ್ ಇರುವ ಜಾಗಕ್ಕೆ ಉಗ್ರರಿಗೆ ಹೋಗಲು ಬಿಡದೇ, ಕೊನೆಗೆ ರಕ್ತದ ಹೊಳೆಯಲ್ಲೇ ಒಂದು ತಾಸು ಪ್ರಾಣ ಹಿಡಿದಿಟ್ಟುಕೊಂಡು ಮಲಗಿದ್ದ..! ಸಿನಿಮಾದಲ್ಲಿ ಹೀಗೆ ನಟನೆ ಮಾಡಲೂ ಅಸಾಧ್ಯವೆನಿಸುವ ಸಾಹಸ ಕೇವಲ 24 ವರ್ಷದ ಯುವಕ ಮಾಡುತ್ತಾನೆ ಎಂದರೆ ಮೈ ಜುಮ್ ಎನ್ನುತ್ತದೆ..!