ನವದೆಹಲಿ: ರಾಹುಲ್ ದ್ರಾವಿಡ್ ಕೋಪಿಷ್ಠರಲ್ಲ ಎನ್ನುವುದು ಕ್ರಿಕೆಟ್ ಜಗತ್ತಿಗೆ ಗೊತ್ತಿದೆ. ಆದರೆ 2006ರಲ್ಲಿ ಮಿಸ್ಟರ್ ಕೂಲ್ ಖ್ಯಾತಿಯ ಧೋನಿ ಮೇಲೆ ರಾಹುಲ್ ಉಗ್ರರೂಪ ತಾಳಿದ್ದ ಸ್ವಾರಸ್ಯಕರ ಘಟನೆಯನ್ನು ಭಾರತದ ಮಾಜಿ ಆರಂಭಿಕ ಬ್ಯಾಟ್ಸ್ಮನ್ ಸೆಹ್ವಾಗ್ ನೆನೆದಿದ್ದಾರೆ.
ಎರಡು ದಿನಗಳ ಹಿಂದೆ ವಾಣಿಜ್ಯ ಜಾಹೀರಾತಿನಲ್ಲಿ ಕೋಪದಿಂದ ವರ್ತಿಸಿದ್ದು, ಸಾಮಾಜಿಕ ಜಾಲಾತಾಣದಲ್ಲಿ ಕಿಚ್ಚೆಬ್ಬಿಸಿತ್ತು. ಇದಕ್ಕೆ ಕೊಹ್ಲಿ ಸೇರಿದಂತೆ ಹಲವಾರು ಹಾಲಿ-ಮಾಜಿ ಕ್ರಿಕೆಟಿಗರು ಆಶ್ಚರ್ಯ ವ್ಯಕ್ತಪಡಿಸಿದ್ದರು. ಈ ಕುರಿತು ಸಂದರ್ಶನವೊಂದರಲ್ಲಿ ರಾಹುಲ್ ದ್ರಾವಿಡ್ ಈ ಹಿಂದೆ ಆ ರೀತಿ ಕೋಪದಿಂದ ವರ್ತಿಸಿದ್ದ ಬಗ್ಗೆ ಸೆಹ್ವಾಗ್ ಹೇಳಿಕೊಂಡಿದ್ದಾರೆ.
2006ರಲ್ಲಿ ಪಾಕಿಸ್ತಾನ ಪ್ರವಾಸ ಕೈಗೊಂಡಿದ್ದ ವೇಳೆ ದ್ರಾವಿಡ್ ಆಗಷ್ಟೇ ಭಾರತ ತಂಡ ಸೇರಿದ್ದ ಯುವ ವಿಕೆಟ್ ಕೀಪರ್ ಧೋನಿ ವಿರುದ್ಧ ಒಮ್ಮೆ ತಮ್ಮ ವಿರುದ್ಧವೂ ಕೋಪಗೊಂಡಿದ್ದರು ಎಂದು ಸೆಹ್ವಾಗ್ ನೆನಪಿಸಿಕೊಂಡಿದ್ದಾರೆ.
“ನಾನು ರಾಹುಲ್ ದ್ರಾವಿಡ್ ಕೋಪಗೊಂಡಿದ್ದನ್ನು ನೋಡಿದ್ದೇನೆ. ನಾವು ಪಾಕಿಸ್ತಾನ ಪ್ರವಾಸ ಕೈಗೊಂಡಿದ್ದಾಗ ಧೋನಿ ಹೊಸಬರಾಗಿದ್ದರು. ಪಂದ್ಯವೊಂದರಲ್ಲಿ ಧೋನಿ ಶಾಟ್ ಮಾಡಲು ಹೋಗಿ ಪಾಯಿಂಟ್ನಲ್ಲಿ ಕ್ಯಾಚ್ ನೀಡಿ ವಿಕೆಟ್ ಒಪ್ಪಿಸಿದ್ದರು. ಅದಕ್ಕೆ ಕೋಪಗೊಂಡ ದ್ರಾವಿಡ್, ನೀವು ಆಡುವ ರೀತಿ ಅದು? ನೀವು ಪಂದ್ಯವನ್ನು ಫಿನಿಶ್ ಮಾಡಬೇಕು” ಎಂದು ಕೋಪದಿಂದ ಹೇಳಿದ್ದರು.
ಇನ್ನು ಧೋನಿ ಮೇಲಷ್ಟೆ ಅಲ್ಲದೆ, ನನ್ನ ಮೇಲೂ ಒಂದು ಬಾರಿ ಕೋಪಗೊಂಡು ಇಂಗ್ಲಿಷ್ನಲ್ಲಿ ಬೈಯ್ದಿದ್ದರು. ಆದರೆ ನನಗೆ ಅದರಲ್ಲಿ ಅರ್ಧದಷ್ಟು ಅರ್ಥವಾಗಿರಲಿಲ್ಲ ಎಂದು ಸ್ವಾರಸ್ಯಕರ ಸಂಗತಿಯನ್ನು ಡೆಲ್ಲಿ ಡ್ಯಾಶರ್ ಬಿಚ್ಚಿಟ್ಟಿದ್ದಾರೆ.
