ಇಂತಹ ತಾಯಿ ಎಲ್ಲಾದರೂ ಸಿಗುತ್ತಾಳೆಯೇ..?

`ಜಗತ್ತಿನಲ್ಲಿ ಕೆಟ್ಟ ಜನರು ಸಿಗುತ್ತಾರೆ. ಆದರೆ ಕೆಟ್ಟ ತಾಯಿ ಸಿಗುವುದಿಲ್ಲ’ ಎಂಬ ಮಾತು ಜನಜನಿತವಾಗಿದೆ. ಆ ಮಾತು ಸಾವಿರಾರು ಬಾರಿ ಸಾಬೀತಾಗಿದೆ. ತಾನೆಷ್ಟೇ ಕಷ್ಟಪಟ್ಟರೂ ಕೂಡಾ ತನ್ನ ಮಕ್ಕಳು ಚೆನ್ನಾಗಿರಬೇಕು ಎಂದು ಬಯಸುವುದು ತಾಯಿಯ ಗುಣ. ಇಲ್ಲೊಬ್ಬಳು ತಾಯಿಯಿದ್ದಾಳೆ ನೋಡಿ. ಬೆಳ್ಳಂ ಬೆಳಗ್ಗೆ ಕೆಲಸಕ್ಕೆ ಹೊರಟ ತನ್ನ ಮಗನಿಗೆ ಊಟ ತಯಾರು ಮಾಡಿಕೊಡಬೇಕು. ಆದರೆ ಅಸಾಧ್ಯ ಕಾಲು ನೋವು ಆಕೆಯನ್ನು ಬಾಧಿಸುತ್ತಿದೆ. ಆದ್ದರಿಂದ ಆಕೆ ಮಾಡಿದ ಐಡಿಯಾ ಮಾತ್ರ ಮೆಚ್ಚುವಂಥದ್ದು.
ಈ ತಾಯಿಗೆ ಯಾವುದೋ ಕಾರಣಕ್ಕೆ ಕಾಲಿನಲ್ಲಿ ಅಸಾಧ್ಯವಾದ ನೋವು ಕಾಣಿಸಿಕೊಂಡಿದೆ. ಆದರೆ ಆಕೆಯ ಮಗ ಕೆಲಸಕ್ಕೆ ಹೋಗಬೇಕು. ಅದಕ್ಕಾಗಿ ಅಡುಗೆಯನ್ನು ಮಾಡಲೇಬೇಕು. ಆದ್ದರಿಂದ ಈ ತಾಯಿ ಒಂದಷ್ಟು ಬಿಸಿನೀರು ಕಾಯಿಸಿ, ಅದರಲ್ಲಿ ಕಾಲನ್ನಿರಿಸಿದ್ದಾಳೆ. ಹಾಗೆ ಮಾಡಿದರೆ ನೋವು ಕಡಿಮೆಯಾಗುತ್ತದೆ ಎನ್ನುವುದು ಆಕೆಯ ಭಾವನೆ.
ರಿಜ್ವಾನ್ ಶೇಕ್ ಎಂಬುವವರ ತಾಯಿ ತನ್ನ ಮಗನಿಗಾಗಿ ಇಂಥದ್ದೊಂದು ಕೆಲಸ ಮಾಡಿದ್ದಾರೆ. ತನಗೆ ಎಂಥದ್ದೇ ನೋವಾದರೂ ಸರಿ ತನ್ನ ಮಗ ಹೊರಗಡೆ ಊಟ ಮಾಡಿ ಆರೋಗ್ಯ ಕೆಡಿಸಿಕೊಳ್ಳಬಾರದು ಎಂಬ ಕಾರಣಕ್ಕಾಗಿ ನೋವು ಮರೆತು ಅಡುಗೆ ಮಾಡಲು ಮುಂದಾಗಿದ್ದಾರೆ. ಆ ಸಮಯದಲ್ಲಿ ರಿಜ್ವಾನ್ ಶೇಕ್ ರವರು ಆ ಫೋಟೋ ತೆಗೆದು ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಮಾಡಿದ್ದಾರೆ. ಅದು ಈಗ ಭಾರೀ ವೈರಲ್ ಆಗಿದ್ದು, ರಿಜ್ವಾನ್ ರ ತಾಯಿ ಬಗ್ಗೆ ಮೆಚ್ಚುಗೆಯ ಮಾತುಗಳು ಕೇಳಿ ಬರುತ್ತಿವೆ.